ســؤال ( عاجل ) للأخـــــــــوات البدويات الله يجزاكم خير

العناية بالشعر

بسم الله الرحمن الرحيم
السلام عليكم و رحمة الله و بركاته
إخترت أوجه لكن فقط السؤال مما عرفت أن بعض النساء البدويات يستخدمن بول الإبل في تحسين الشعر ( طول - كثافة - نعومة ) و لما بحثت على النت وجدت بعض المواقع التي تتناول موضوع إستخدام ( الوزر ) في علاج الشعر , و أنا جربت زيوت لا حصر لها لإبنتي إلا أن شعرها كما هو . عمرها 5 سنوات و شعرها ( 10- 15 سم ) لا ينمو و جاف ( كشة )
أرجو الإجابة بمعلومات مجربة , و إذا لم تكن إحداكن مجربة شخصيا , فيمكنها سؤال من تثق بها من المجربات .
طريقة الاستخدام بالتفصيل :
1 - الكمية 2 - وقت الاستعمال 3 - قبل أو بعد غسيل الشعر
4 - كم مرة بالإسبوع 5 - كم مدة بقاؤه على الشعر
أرجو الإجابة بالتفصيل
و جــزاكم الله خير الجــــــــــــــــــــــــــــــــــــــــــــــــــــــــــــــزاء
20
2K

يلزم عليك تسجيل الدخول أولًا لكتابة تعليق.

تسجيل دخول

الفتوون
الفتوون
السلام عليكم

اختي انا ماجربته اللامانه

بس اختي عمرها الحين 39 او40 مادري

كان ابوي الله يرحمه ومن كلامها طبعا انه كان يصب علي راسها بول الابل
بكل حزه وكانت ماتحب تروح للمدرسه بسبة ريحة شعرها:(
لكن تبارك الرحمن شعرها ثقيييييل ولونه مائل اللاحمر وطوووويل
وللحين بعد هالعمر ماتغير الا درجه بسيطه
وكانت تقولي كان يجيب بول الابل من الناقه علي طول
ويصبه علي شعرهاا

اللامانه انا ماجربته وياليتنيي جيت بذيك الحزه حتي شعري يشرب من بول الابل مثل اختي:)


اتمني اكون افدتج
ألاء الرحمن
ألاء الرحمن
بسم الله الرحمن الرحيم
الأخت / فــــتــــــــــــــــــــــــــــــــــــــون
الله يجزاك خير الدنيا و الآخرة .
لو سمحت أختي ممكن تسألي أختك ( هل كانت تغسل شعرها بعد صب الوزر مباشرة ؟ أم تصبر مدة ؟ لو سمحتي إستفسري عن كل شيء
و الله يوفقك و إيانا لما فيه الخير
لحن للقمر
لحن للقمر
ما ادري اتمنى الاخوات يفيدونك
الفتوون
الفتوون
السلام عليكم

اختي انا سئلت لج واتمني اكون اجيب عن اسئلتج بشكل صح

انا سألت اختي قالت لي انه قبل ماكانو يغسلون شعرهم بعد البول علي طول

ولا يغسلونه دايم تقول اتذكر ابوي يصب بول علي شعري بس ماتذكر اني اغسله

علي طوول يمكن يتم يومين او ثلاثه مادري لانها كانت صغيره ثمان او تسع ماتتذكر

بس حسب كلام امي تقول انه لازم علي الاقل يوم كامل ماينغسل الشعر

حتي يستفيد من البوول وعلي فكره ماكانت تغسل بالشامبوو كانت تغسله بتايد

وهذااا كلام اختي والله علي ماقول شهييد




بس نصيحه مني ماعتقد بنتج بتتحمل ريحة البول لاتحطين لها بوول سوي لها

زيوت وقصيه لها باستمرار بشكل مرتب وبيصير حلوو

وبعدين بول الابل الحين مامنه فايده لانه مايرعون رعي طبيعي مثل قبل


والسموحه علي القصوور تحياتي يالغلالا لج
White-Flag
White-Flag
والله نسمع سوالفهم عن هالشي ويمدحونه بس هذاك اول واللحين كل شي تغير وحرام بنتج صغيرة لا تستعمليها البول قصيه لها و استخدمي زيوت
والله في بعض ناس يحلقون شعور بناتهم عشان يطلع الشعر احسن يقولون شعر البطن مو زين، بس بنتج كبيره 5 سنين قصيه لها بين فتره وفترة.