ســاعدوني كيف أرتب وقتي بين التنظيف والتربيه ؟؟

هلا وغلا

اعانك الله الي كل خير


اليك هذا الرابط

http://forum.hawaaworld.com/showthread.php?t=190186

لك كل الحب

حبيبتي الله يعافيك ... مدام ماعندك الا طفل واحد وغداكم مع بيت اهل زوجك ..يعني المساله بسيطه

مايبغى لها شي ومسئوليتك بعدها خفيفه .. ماعنك احد يعفس عليك كل مارتبتي


جربي او ماتصحين من النوم خلي ولدك جنبك وحطي له العاب وانتي رتبي سريرك ورتبي الغرفه
بسرعه ونظفيها ورجعي خذي ولدك شوي سكتيه او رضعيه وبعدين ارجعي كملي شغلك غسلي
ملابسكم ونظفي بيتكم ... واذا كل يوم رتبتي ونظفتي ماراح يتراكم الوسخ ابدا

وحاولي طول اليوم وحتى لو ولدك في ايدك اي شي يتعفس في البيت رتبيه بنفس الوقت

ولو ولدك من النوع اللي يصيح على طول اشتري حمالة اطفال وحطيه ورى ظهرك وانتي تشتغلين

واستغلي الفرصه وقت ماينام بسرعه روحي خلصي شغلك ..

انا ولدي اكبر عن ولدج بشهر وما شاء الله عليه ملول وطول الوقت يحن يعني ما تقدرين تخلينه روحه


نص ساعة فحاسه فيج ليش ما تفكرين تيبين البشاكير اللي يشتغلون بالساعات انا يوم كنت حامل


كانت تيني وحدة تنظف البيت وتكوي 3 مرات في السبوع وتي في وقت يكون ريلج في الدوام وبتخف


عليج المهمة او ممكن تغسلين الثياب في البيت واللوندري يكويها لأن ثياب الرييايل تعب ولازم تكون


مرتبة

السلام علبكم اولا اختى الغالية انا اعانى من نفس المشكلة بس ولدي عمرة سنتين وما يخلي اي شي مرتب ومن النوع كثير الحركة ومعاناتك بالنسبة لخادمة بيت اهل زوجك مريت بهذة المرحلة بس الله يسر علينا وطلعنا بروحنا بعد معاناةوبالنسبة للخدامه انا قلت ما ابي احد في البداية لكن الحين ماقدرت ولو اعطيها المعاش من مصروفي الشخصى لان ولدي ما شاء الله عليه حتى لو اطلع اى مكان الكل يقول لى الله يعينج عليه وكانت فكرتي اني ايب خدامة بالساعات مثل ما قالت الاخت بس ما حصلت وتبين الصراحه الله يعينج عيال هذا الزمن يبيلهم تربيه زينه

مزايا إنسانة

تســلمين الغاليه على هالرابط ..
بس للاسف مع انه حلو وشي مرتب لكني ما اقدر امشي عليه لانه حياتي نظامها غييييييير ..

......................

& نعنوعه &

كــلامج صح .. لكن للاسف ما اقدر أمشي عليه ..
انتي لو تشوفين حالتي بتعذريني .. يعني لو كان ولدي ساكت ما افوت الفرصه احاول اسوي أي شي بس مرات اكون خلاص تعبت من كثر ما اسكته واعصابي انهارت وما فيني حيل اشتغل ..
و ودي والله اني اسوي كل شي بوقته عشان ما يتراكم بس تعبـــــــــــــــت ..:(
غسيل الملابس هين بس الكواي تعب في تعب .. والتنظيف انظف وقت نومه او لعبه بس مب دايما لاني اتعب من التنظيف .. و المشكله اني ريلي مرات يرقد وقت رقاد ولدي العصر وهالوقت ما اقدر اسوي فيه اي شي لانه الليت ايكون مطفاي عشان ما ازعجهم .. فأروح عند عمتي ام زوجي لين ينشون ..:eek:
ع العموم تســلمين الغاليه على نصايحج والله ايكون في العون ..


..........................

اشتركت عشان تدعولي

فعلا هذا اللي شكلي بسويه .. بيــيب شغاله بالساعات عشان تكوي الملابس ( أهم شي ) ..
وبخصوص كنادير ريلي تراني اغسلها في البيت وهو ايوديها اللوندري يكويها .. بس ملابسي وملابس البيبي بعد تتراكم ...:eek: شو أسوي والله عفســه ..

وتســلمين الغاليه على نصيحتج ..
والله يكون في عوننا ان شاء الله ..

...........................

ـاليازيه

سبحـان الله هالمعاناه عند الاغلبيه ..
الله يكون في عوني وعونج وعون الجميع ياااااا رب ..
وفعلا عيال احين غيييييييير غييير ويبيلهم تربيه من الخاااااااطر ما شاء الله عليهم ..
وتسلمين الغاليه على ردج ..


ولكــــــــــــــم مني أرق تحيــــــــه ...
بثـيــــــــــــنه ..