تسلم يدينك

الله يعطيك العافيه

عندي لك طلب ياحلوة...

ممكن تعطيني طريقه الفلفل بالتفصيل الممل...

تشكرااااتي

ابشري يا قلبي
انا تعلمت هالحركه من شغالتي السرلنكيه شريت فلفل احمر (لازم احمر وحار )
وقالتلي عالطريقه قلتلها سويها لي , اخذت الفلفل وغسلته عادي ونشفته من المويه
فرشته في صحن كبير وطلعته البلكونه يوم تقريبآ ظهريتين كفايه والحين مع الحر بسرعه بيجف
ولما يجف ويتقرفط ويتجعد وتصير الفلفله خفيفه لان المويه راحت يكون وقتها تمام.
حطي زيت في طاجن صغير كمية الزيت لازم تكون كثيره تقريبآ فنجال شاي
وخليه يسخن مضبوط وتكونين انتي اصلا مكسره كل فلفله نصين او اكثر شوي بس مو صغاااار
وحطيه بطاسه فيها مويه وملح كثييييييييير المويه كميتها اللي تصير كأنك تغسلين الفلفل والملح تقريبآ ملعقه كبيره مليانه
وحركيه بملعقه مضبوط خلي المويه والملح تتغلغل بالفلفل وهالمرحله خليها حدو 5 دقايق عشان يتشرب الملح
وصفيه تمااااااام وحطيه عالزيت وحركي مباشره واستمري بالتحريك لا تتركينه الين يصر غامق ويابس
وبتلاحظين الزيت خفت حماوته
وصفيه من الزيت واستمتعي بأكله مع اي وجبه
ملاحظات:
الزيت ممكن تستخدمينه في اي شي
على سلطه لانه يعتبر زيت فلفل فيه نكهه
وممكن تطبخين فيه اي شي كبديل للزيت العادي
وممكن تستغنين عن حركة تجفيف الفلفل وتشترين من السوبر ماركت نفس الفلفل ومجفف خالص في كيس
تلقينه بقسم البهارات بتلقين فلفل احمر صغاااااااااااااار مو هذا خذي الكبير شوي
وبالعاااااااااااافيه
فيه تفصيل ممل اكثر من كذا؟
نسيت اقولك انك ما تقلين الا اللي بينأكل في الوجبه مو تقلينه كله
احتفظي فيه مجفف في كيس او علبه ومتى ما بغيتي خرجي منه المقدار اللي يكفي واقليه فهمتي وكمية الزيت اللي قلتها فنجال شاي
هذي للكميه حقت الوجبه فهمتي يعني تكون كمية الزيت اكثر من الفلفل

تسلم الايادي

يسلموا
شكلها روعة .