السلام عليكم ورحمة الله وبركاته
هلا ومرحبااا بعضوات ومشرفات عالم حوووواء:26:
خلطتي اللي مستحيل استغنى عنها وحسيت اكثركم مايعرفها بس الخلطه ذي مررررره روعه صارلي استخدمها انا واخواتي سنه ونصف
ملاحظاتي بهذي الخلطه
تفتح ...لدرجة اني احيانا استعجل ومااحط الا على رقبتي وايدي لدرجة صارت افتح من جسمي والله
ترطب ...لدرجة تغنيك عن أي لوشن اوكريم مرطب فاذا استعملتي هذي الخلطة راح تنسي شي اسمو لوشن
تعطر... لدرجه تحسي نفسك فوووووووواحه بدون عطر كلمة ررررررررروعه قليله وربي عليها
المقادير:- مكعبات مسك القرشي تجيك 6 حبات ب60مثل اللي بالصوره
كاسة شاي جلسرين سائل الشفاف ب5ريال مثل اللي بالصوره
ملعقتين ك فازلين العادي معروف سعره على حسب حجمه
قدر صغير خصصيه لهذي الخلطه لانها فووااحه وماراح تطلع من القدر انا سويت بقدر امي واغسل اغسل فيه الين طفشت ماراح كبيتوا خفت تدوره وتلقاه ريحته مسك خخخ
انا نبهتكم مو ترمونها زيي تجيكم امهاتكم انا مالي دعوى خخ بس خفت منها قدرها المفضل
الطريقه :- تحطي المسك في كيس بلاستك وتدقينو بالهاوند تجيبي القدر وتحطي فيه الجلسرين والفازلين والمسك تسخنيه شوي لحد مايتجانس بسسسسس انا اول ماسويتها خليتها تفور خخخ صارت ريحة البيت مسك انتبهوا لانها ماطلعتلي زي اللوشن ااتكتلت شوي علشان فارت
وبعدين حطيها بأي علبه قزاز واتهني واتنعمي واتبيضي بهلخطه
ملاحظة:- لازم تكون اشياءك معقمه لان احلى مافي مسك عبد الصمد القرشي يجي معقم
انا كتبت هذي الخلطه حتى تستفيدوا بس مااحلل اللي تحطها وتروح اماكن عامه او تقابل غير محارمها
خلطتي الثانيه لشعري روعه روعه روعه وبدون مبالغه حتى بنتي حطيتلها صراحه شعر بنتي:04: ولا شي كنت اعدها وفراغات بالهبل والحمدلله اللحين طول والفراغات 85%طلع فيها شعر ونعم وكثف شعرها ماشاء الله
الخلطه عباره عن مجموعة زيوت
وهي زيت الحلبه.
.زيت السمسم.
.زيت الخروع
..زيت اللوز الحلو
المهم خلطها وخليتها ليله كامله بعدين استعملتها هذي الخلطه لي 3 سنين استخدمها ولا شفت منها الا الكثافه والطول وقسم بالله شعري مايطول لحدت كتفي ويوقف بعد ذي الخلطه طول لنص ظهري بس للاسف رجعت انهزمت امام الصبغات:06: وصبغت وخرب واللحين رجعت استعملها ياريت تكون الزيوت من شركة ثقه واذا من وادي النحل احسن برضو
وفيه زيت مرره حلو ويوقف التساقط استخدمه لين يوقف بعدها الخلطه وهذا صورته وسعره ب50ريال وتلقينو بالصيدليه والعطار
في الختام اشكر اميرة المنتدى على ترشيحي واتاحة هالفرصه لي
واسفه اخواتي على الاطاله واذا عجبكم الموضوع قيموني
:26:
كل الحب والود لكن
ربي يسعدك ويوفقك ويخلي لك الوالده يارب