ســـاعدوني يــا أخوات

انا اضم صوتي لصوتك لان حالي من حالك

ياليت نلاقي من يساعدنا

حبيباتى كل وحده تشوف شنو ميولها وتسويه مثلا فيه بنات يحبون المغامره تدخل الاسهم وفيه بنات يحبون التجاره وتشوف عاد هى شنو ميولها بالتجاره بعد مثلا ملابس او عطور او اكسسوار وتاخذ وكاله من بلد معين لبضاعه معينه وتسوى مشروعها على حسب الميول لان صعب بنت مثلا تشتغل فى المكياج وهى تكرهه او ماتفهم شى فيه

اتمنى فهمتوا قصدى
اذا راس المال عندكم معقول اشتروا فيه عقار اظمن شى لكم ويجيبكم دخل شهرى ثابت
والى تبى فيكم تسوى مشروع تشوف اول وش ناقص فى السوق وتغطى هى النقص لاتتكررون مشاريع مستهلكه مايكون عليها طلب او فيها اى ميزه
حاليا صديقاتى يشتغلون فى تجاره البخور اذا تبون مساعده من هالمجال او مجال الدراعات الهنديه بساعدكم وانشالله اقدر افيدكم من خبرتى البسيطه فى هالمجالات

روح البخــــــور

صراحة انا وحدة بعد ابغي اسوي تجارة بسيطة بيني وبين صديقاتي وقريباي
خطوة خطوة . . إلى ان نوصل لبر الامان

ممكن تساعدني واانا حابة فكرة بيع البخور والدخور والعطورات بس تكون من صنع ايادي الخبيرات اللي بالامارات

تحياتي لك
جرحي عميق

حبيبتى جرح اهم شى بتجاره البخور انك تكونين حابه البخور وثانى شى لك علاقات كثيره بالناس عشان تقدرين تمشين بضاعتك وتكسبين زباين انا راح اساعدك اختى خطوه خطوه لكن اسمعى نصيحتى ولا تعتمدى على شغل معين يعنى مو بس من صنع حريم الامارات لازم تتاجرين من كل انواع البخور بالعالم الهندى والماليزى والاندونيسيى والبورمى ....الخ

اختى اذا تبين امولك بضاعه بسيطه تجربين فيها انا حاضره ارسلى خاص واعلمك بالتفصيل كيف تتصرفين وبصراحه احسن تجاره البخور ودهن العود لانه مايخترب ولاتنتهى موضته ولايتغير سعره وله عشاق وزباين كثير بكل دول الخليج عليه طلب

(1) مشروع بيع البالونات للاطفال.وصدقيني راح يجيك طلب لعمل بالونات للاعياد الميلاد.

(2) ماكينه الفشار.

(3) سياره تبيع المستلزمات العائليه.

(4) سياره تبيع السندويتشات او الايس كريم.

(5) ماكينه تفقيس البيض.

(6) كاميرا بلورايد(التوفير الفوري ) اي ان العامل يصور الناس في الحدائق .

(7) عمل شاي وقهوه للاعراس.

(8) حنايه هنديه في المنزل.

(9) اذا انتي شاطره في الخياطه ( ثوب العافيه) عندنا ثوب لحديثي الولاده يسمونه ثوب العافيه ابيض وعليه تطريز خفيف مع المهاد(المهاد قطعه تلف حول الطفل).

(10) اذا تحبي تعملي تجليد على دفاتر تحضير الدروس والاقلام وممكن تستفيدي من قسم الاشغال اليدويه.

(11) اذا انتي شاطره في الحلويات خصوصا البيتي فور اعمليه.

(12) بالنسبه للخياطه اعملي خداديات او مخدات صغير وباشكال حلوه

13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير


لا حظي ان كل المشاريع السابقه مو محتاجه محل واجار وغيره مشروع شخصي.