السلام عليكم
كيفكم يا ىحلى حوائيآت ؟! .. عسآكم طيبين ؟!
" كل سنه وآنتو طيبين وعيدكم مبآرك "
آبيكم تسآعدوني وياليت ماتخيبوآ ظني فيكم يا سنعآت .. ويآليت آيضاً الردود تكون تفصيليه وليس ع الهامش والسريع عشآن افهم !
مآ آطول عليكم .. آدعولي اولاً بتثبيت حملي والله يتممة علي " الحمل الاول " ويرزق كل محرومة بحق هذي الايام المباركة !
ثانياً : انا انتقلت قبل العيد في شقة جديدة والحمدالله ولكن ماقدرت انظف فيها شي لمدة 3 اشهر وكان زوجي الغالي ينظف عني لاني كنت توني حامل وخايفة ع الطفل من المنظفات والجميع بسلامة
بس لما عديت الثلاث اشهر خبركم تنظيف الرجال مايجيب الراس ولا يلمع ههههههههه قلت ارجع سنه زي قبل وارتب وانظف عالي العال وابيكم تساعدوني
للعلم شقتي .. ايجار وابيها مرة تلمع وتلق
ابي مساعدة للمطبخ + الحمام اهمة مرة مرتبين ومافيهم اغراض كثيرة وحلوين
والاثنين لونهم ازرق + ابيض
ولكن القاشي عن جد نظيف كثير ومافيه اي اوساخ = عندي فقط الخطوط اللي بين القاشيات مو بيض شوي وسخين ...؟
1. شنو المنظفات اللي استخدمها ؟
2.شنو الاداه هل اسفنجة او فرشاه اسنان او غيرها ؟
ابي هل فتاك
بخصوص جدار المطبخ هم قاشي + جدار الحمام بأيش انظفهم بأي اداه واي منظف ومثل ماتشوفون مرة عالييين وخطر الواحد يروح لهم ؟
وايش افضل شي لتنظيف كرسي الحمام وانتوا بكرامة + المغسلة والخ... ؟ واهم شي ارض الحمام والمطبخ ابيهم يلمعون بأي منظفات اغسلهم ؟؟ واي اداه ؟ وابي معطر عقبها للحمام ؟
وعندي رخام بالصالة والمجلس وغرفة النوم ؟ دائماً امسة بماء وكلور ؟ عطوني معطر او يكفي داوني مخفف بماء لمسحة عشان الريحة الطيبه ؟
وايضاً انا ماعندي رف بالحمام ام شي ارتب الاغراض زي الشامبوا والشورجل والخ... فوق رف المغسلة الطويل يعني عندي رف بيت المنظرة وبيت المغسلة احط عليه الاغراض .. ايش رايكم برف ابيض انيق اشتريه للطوف وازينه بشغلات وارتب فيه الاغراض .. لان كان عندي بشقتي القبليه بس ماشلته ههههههه ماابيه لان رخيص وابي يديد ؟
وبعد بخصوص الملابس انا لحد الان مااعرف افرق عشان الغسيل اخاف الالوان تتلخبط على الملابس بين بعضها .. اعرف اغسل البيض لحالهم والسود الملابس لحالهم اما الاللوان من اوصل لها اضيع هههههه .. لان عندي اخضر زيتي داكن واحمر وماروني وكحلي ورصاصي وبرتقالي والخ.. احتار بينهم كيف اغسلهم صراحة ؟؟ لان كذا مرة خربت لي قطع رغم ان كل قطعة جديدة تدخل بيتي لازم اجربها تحت الماء اذا ترمي ولالا اللون ؟
والمغسلة تبع الحمام والمطبخ اقصد تبع الماء الصنبور الحنفيات مااعرف كيف اغسلهم مرة مجننيني مايلمعون ؟؟؟؟ سمعت عن الخل ؟ هل اهو خل الاطل تبع الثوم ولا التفاح ؟
ياليت ماتبخلون علي كل وحدة استفيد منها برجع احط الصور قبل وبعد وادعيلها بالموضوع امام الجميع
:35::44:
هـدوء الـكـون !! @hdoaa_alkon_5
عضوة فعالة
يلزم عليك تسجيل الدخول أولًا لكتابة تعليق.
ايوا عندي داك نسيت اكتب ريحته حلوة ومعقم نفس الوقت
انا كل حمامي الله يعزكم افركة اول بالعملاق الاخضر يلمع تمام بس ريحته قويه ومااقدر عليها وبعدين اخذ كلور اعيد على اثاث الحمام وبعدها اخذ الديتول مع الكمفورت واجلي فيه الارضيه كملطف للحمام بس احس مو مرتاحة على طريقتي ابس شي يلمع بجد
ولكن طريقتي احط سطل فيه ماء + داك كثير ولكن فقط للقاشي الارضي والجدران احس ممسحتي الطويله ماتنظفها زين ولا تلمعها ياليت تحطون لي صور هالفرشاه الطويله احسن نوعيه مجربة
انا كل حمامي الله يعزكم افركة اول بالعملاق الاخضر يلمع تمام بس ريحته قويه ومااقدر عليها وبعدين اخذ كلور اعيد على اثاث الحمام وبعدها اخذ الديتول مع الكمفورت واجلي فيه الارضيه كملطف للحمام بس احس مو مرتاحة على طريقتي ابس شي يلمع بجد
ولكن طريقتي احط سطل فيه ماء + داك كثير ولكن فقط للقاشي الارضي والجدران احس ممسحتي الطويله ماتنظفها زين ولا تلمعها ياليت تحطون لي صور هالفرشاه الطويله احسن نوعيه مجربة
طيب اختي وش رايك لو تدخلين موسوعة التنظيف واكييييييييييييييد بتلقييييييييييين حلوووووووووووول خطييييييره.
وللعلم موسوعة التنظيف مثبته في هذا الركن
وللعلم موسوعة التنظيف مثبته في هذا الركن
الصفحة الأخيرة
كلور + ديتول جميع الاستخدامات بكذا لون الاخضر والازرق + جل العملاق الاخضر الاصلي + كمفورت البنفسجي ممم ريحته حلوة كثيررر + وكذا منظف عادييين مب حافظة اسمهم
للعلم صابوني للملابس .. تايد