افضل طريقة هي ان تتركي الطفل احيانا يجاوب على نفسه عشان يقتنع
يعني مثلا لو قال لك :كيف جبتيني
قولي له من بطني
- وكيف جيت في بطنك؟
-كنت عبارة عن نقطة ماء في بطني وصارت كل يوم تختلط مع الدم واللحم اللي في جسمي الين ما كبرت (راح يقتنع لانه لو قاس هالمسالة بعقله يلاقيها معقولة
-وكيف ولدتيني ؟
-لو كان فيه اي شي داخل صندوق كيف راح تطلعه؟
-افتح الصندوق واطلعه
-يعني لازم يكون فيه فتحة للصندوق عشان نطلع منه اشياءنا صح؟
-صح
-طيب هل البطن فيها فتحة؟
-ايه فيها السرة بس ما تنفتح
الان قولي له وقت الولادة بقدرة الله تنفتح (وهي نفس فكرة اختي وجه الخير)
- طيب ليش انا عندي سرة .. انا اقدر احمل .؟
-انت عندك سرة لانك لما كنت في بطني كان الاكل يوصل لك منها ( ومافي مانع انك تورينه صورة لجنين في الرحم ويكون واضح اتصال السرتين مع بعض)والرجال ما يحملون
-ليش؟
-الله خلقنا كذاالرجال يشتغل ويصرف على اولاده والمراة تحمل وتولد
ليش تنامين انت وبابا مع بعض؟
- الكبار مع بعض والصغار مع بعض (مثل ما قالت اختي مليحة)
ومن الخطر انك تقولين لاي طفل انك ولدتيه لما الدكتور شق بطنك وطلعه لان فيه اطفال فيهم حب المغامرة يعني فيهم جرأة ممكن يسوونها ويلعبون بالسكين
والله يعيننا جميعا
هذا كله وعلى فكرة بعدي ما خلفت
بس اجمع معلومات من الحين والله يستر
لان شكل الاجيال الجاية هم بيعلمونا..................