ســـــــافرتى لمصــــر أووووم الدوووونــــيــــا.......تعـــ ــالى وفــــــيدينا

اهلين ام خالد
تصدقين عاد على اني سافرت اماكن كثير بس بصراحة اكثر شيء انبسطت بمصر
وش اقولك بصراحه عندهم اشياء حلوة دريم لاند حلوة وفيها مطاعم وشكلها مره راقي ووناسة يعني يروح فيها يوم كامل
عندك كمان المدينة الاعلامية اتوقع كذا اسمها
كمان مجماعاتهم حلوة احلى شيء بصراحه ستي ستار اتوقع كذا اسمها لا تضحكون عليا ما اتذكر الاسماء بس بصراحه السينما الي بالسوق فوق الخيل ولا فيها زحمة ومره راقية ومريحة غير المسرحيات طبعا بس مو بالمول نفسة بالمسارح
بالنسبة للسكن سكنت بمريديان الهرم بصراحه مرة راقي ورائع
عندك الباشا والسرايا هذه بواخر بوسط النيل واقفه
كمان في بواخر تمشي بالنيل وتتعشي فيها بوفية وبرامج حلوة
مطعم فلفلة كمان حلوة وفيه برامج ...انا رحت خان الخليل حلو وفيها مطعم مشوياته جنان كمان حديقة الازهر مرررره حلوة
ورحت الغردقة كمان تجنن واكثر الي فيها اجانب كنت بسافر الاسكندرية بس ما كان فيه وقت
فيه حديقة حيوانات حلوة الحيوانات فيها مو داخل اقفاص
بس بصراحه الفندق مره راقي واخذنا سيارة بسواق مكيفة طبعا
القناطر....عادية اتمنيت اني مارحت لها لانة ماتصلح لاطفال تروحي زي المزارع او الغيط وفيها الجاموسة على قولتهم وانا رايحة لابسه كعب انا ووجهي؟؟؟ عشرين مره بغيت اطيح من الطين
هذا الي اذكرة الحين
وقت سفرتي كانت بسبتمبر العام وكان الجو مره حلو ومافي زحمة
اتمنى اني افدتك
تحياتي

نسيت اقولك
فية شركات يقابلونك بكل مكان ويسالونك اخذتي الجايزة ويقولوا لك ادفعي 250 او 100 جنية مستردة اذا جيتي حفله مسوينها وتطلع لاحفلة ولا بطيخ ويقعدون يقرقووون على راسك بشي مو معقول ولا منطقي عشان يبيعونك شالية ولك اسبوع طول العمر كل سنة بمنطقه بالعالم يعني شغل .......
نصيحه لاتروحين ولا تعطينهم وجه لاني اتدبست فيهم اكثر من مره ويقولوا ربحتي كاميرات فيديو واذا رحتي يعطوكي شماسه ولا لعبة
وعلى فكرة ترا صحيح الي ماسافر مصر لا تفووووتة انا كان نفسي اعيد السفرة هذه السنة بس ماحصلت ان شاء الله السنة الجاية و اقل من شهر
تحيتي

وعليكم السلام ورحمة الله وبركاته

هلابك اختي

يلا عاد اول مشاركه لي بتكون بموضوعك

مصر حلوه وصدق من سماها ام الدنيا

ان شاء الله بننزل على اخر الصيف

حبيبتي في كثير اماكن حلوه


مثل سينمات مسرحيات سهرات مولات وتسوق ملاهي


بعض السينمات مثل
مجمع فاملي سينما المعادي
سينما التحرير
سينما هيلتون رمسيس
سينما البندر في المعادي
سينما جنينه مول
سينما جراند مول المعادي (اتوقع قفلوها او بيعملو لها تجديد)
سينما سيتي ستارز
سينما الشيراتون



بعض المولات مثل
........................
كارفور المعادي
ستار سنتر مول
اركاديا مول
جنينه مول مدينة نصر
مركز هلتون رمسيس
جراند مول المعادي

...............
محلات احذيه كثير في شارع جامعة الدول العربيه (المهندسين)

وعاد شارع المهندسين هو شارع المطاعم وهاالشارع يكون مليان ناس في الفجر

في هناك محل عصير اسمه( فرغلي )

وفي كمان شارع عباس العقاد مدينة نصر في محلات مختلفه كثير جمب بعض

عندك مطعم صيني صغير ورايق في المعادي من جوه

عندك مطاعم فدركرز في المهندسين و في المعادي

تشيلز في مصر الجديده وفي المعادي في البندر

عندك اماكن جلسات على النيل الاهدى في المعادي

اندريا
قمر النيل او قمر المعادي
دار القمر
جراند كافيه


عندك الفنادق غالبا تكون فيها سهرات لفنانين معروفين يعلنو قبلها بلشوارع

مثل سمير اميس
الشيراتون
جراند حياة
.............................
في صن سيت باخره ثابته على النيل هي ادوار

في دور للعوائل ومحترم جدا فيه طرب 5 اشخاص او اكثر يوميا يغنو هناك

للشخص بـــ 200 جنيه مع العشاء

وجمبه في

الباشا عشاء وطرب

و السرايا عشاء وطرب

وفي السلطان في الزمالك اتوقع هو موذاك الزود بس يونس
هومحل طرب سهره مع عشاء
تلاقي فيه غالبا كثير خليجين هو وصن ست
.........................................
عندك الهرم تركبي حصان او جمل او تروحي تتفرجي

عندك الحسين فيه قهوات شعبيه وسوق شعبي والناس تسهر هناك

عندك حديقة الحيوانات المعروفه

وف حديقة حيوانات يقولو طريق مصر اسكندرية الصحراوى الغابة المفتوحة تركبي سياره وتتفرجي على الحيوانات وهم خارج الاقفاص

وفي حديقة الأزهر

وفي متحف ام كلثوم

وفي (سنو ستي) فيها قاعة تزحلق على الجليد
وقاعة ثانية متحف ثلجى لاشهر الاماكن بمصر

..................................

اتمنى اكون افدتك لو حابه تسألي عن شىء محدد انا موجوده

أهم شي علي قولbeautygirl أي أحد يقابلك ويقول لك ربحتي معانا جائزة ولا فيه حفلة..طنشيه وقولي ما أبي منكم شئ...
لأنها نصبة...

أنا رحت لمصر مرتين مرة قعدت بالمريديان النيل...غيروه وصار قراند حياة روووعة مرة وفيه مطاعم و مول وسينما بس عيبه إن البار بوسط اللوبي - اللوبي حقهم روعة- وأنا ما قدرت أتحمل منظر البار قدامي بصراحة..
ثاني مرة قعدت بالفور سيزون النيل ...مرة حلو وفخم بس حسيته ثقيل دم لأن ما فيه بلكونة..وانا أقدر البلكونات...بس عشان بنتي ...

فلفلة حلوة بالذات يوم الجمعة للي يحب الزحمة روحوا لها بعد الصلاة بس ما تصلح للي ما يبون الموسيقي والأغاني والرقص...

مولاتهم أي كلام مقارنة باللي عندنا ..الوحيد اللي حسيته يجي منه...أوركيديا...

خان الخليلي حلو بس البساسة فيه كثير...

التاكسيات هناك ضيقة وقديمة لو تستأجرون سيارة بالسواق أحسن...
طبعاً الفندق يوفر لك مرسيدس مع السواق بس مررررة غالية ....لو تستأجرون من برا الفندق أحسن...
الباخرة الفرعونية مرررة حلوة للتمشية بس الأكل عادي...
فيه بشارع الملك عبد العزيز مدري سعود مجمع سينمات حلو نظيف... وقباله مطاعم علي النيل زينة..
السرايا حلوة الجلسة بالسطح حقها...
باخرة الماريوت حلوة وراقية والأكل لذيذ بس فيه رقاصة ...الكلام هذا من ست سنوات...
:)

بس التمشية علي الرجلين هناك حلوة كورنيش النيل ,كوبري قصر النيل, شارع جامعة الدول العربية...وسط البلد وأسواقه...
الشعب ودود ومضياف وخفيف دم بس لحوح...لا زم زوجك يكون معه فكة ... لما تفكرين بحياتهم الصعبة تعرفين ليش هم يسوون كذا...
نسبة المحجبات بالشوارع كبيرة جداً جداً جداً...
مكتبة مدبولي وما أدراك ما مكتبة مدبولي...! تلقينها بوسط البلد!
القرية الفرعونية حلوة ومناسبة للعائلات...
أبو شقرة...عنده حمام محشي روعة>>> تقدر الحمام المحشي!
:)


تقدرون تأخذون قارب علي النيل...

دريم لاند حلوووة مرررة
السيرك المصري حلو بس اللي حضرناه بالطايف كان أحلي!
أنا عن نفسي أحب الحياة البسيطة ..اللي يبي الفخامة بيتعب شوي...

بس ترا نسبة التلوث كبيرة مرررة لا تفكرين تمشين بصندل..وملابس بنتي كنا لما نرجع عليها سواد زي الشحار...

سبحان الله مصر أحبها مررررة ...بس دايماً لما أروح لها أرجع بتجارب سيئة>>> مو ذنب البلد!
:(

يااااااااارب تسعد بيوتى قيرل وتساااافر كوووول سنه حتة شكل
عااااد تصدقى مدرى وش جاينى على مصر هالسنه زوجى يقوول ماليزيا وانا اقول حاشا وكلا الا مصر
وحمودى اذا سمعنا يقول مثر لا مثر لا خخخخخخخ
اشكرك من صميم قلبى على هالمعلومااات القيمة وتخيلت شكلك بالكعب بالغيط خخخخخخ
خويتك مب بعيدة عنك ماادرى وش يجيينا ع الكعب بالسفر
طيب بسالك سفرتكم عن طريق قروب ولا كذا داجيين من راسكم خخخخ
انا جربت القروبات شغلهم مرتب وحلو وخصوصا فى حجز الفنادق والتنقلات
بس مااادرى عن ام الدنيا
وابشرى بالهديه اذا جيت( لب مصرى ولبان وشنط وفنايل واقطان لزوجك وعيالك خخخخ) <<<<<كل اللى يروحون مصر هاااذى هداياهم
ونسيت اسالك الاكل وش سويتوا فيه
مرة وحدة اعرفها تقول وحنا جالسين فى المطعم ينتظرون الاكل ولا كاسات مويه وفيها اشياااااء تلعب وععععع يوم سالهم زوجها وش هذا قالوا له
دا مية الطرشى يابيه يعنى مقبلات قبل الاكل وععععععععععععععععععع
الحمدلله ع النعمة
اقول سيرى على نكمل سوالف خخخخخخخخخخخ