أشكركم جميعا لكن تتوقعون عادي القوام مايأثر.................؟
مقادير الصابونة

رزمة بقدونس

لكل نص رزمة فنجان ماي ورد يعني فنجانين ماي ورد

3 ملاعق نشاء

2 ملعقة حليب نيدو

قطرتين زيت زيتون لا تكثرين

صابونة الطاووس


الطريقة

قطعي البقدونس قطع صغيرة جدا مع سيقانها بس غسليها زين عن التراب

وحطيها بالخلاط وصبي فوقها فنجانين ماي الورد وخلطيهم بتصير كأنها ملووووخية

وحطي فوقها النشاء والحليب نيدو وخلطيها

بعدين جيبي قدر وحطيها ع النار وحطي الخلطة وحركي ع نار هادية وبشري الصابونة وكل شوي كبي وخلطي لين يذوب الصابون

وجهزي قالب ثلج

وبالملعقة عبي كل قالب لين يمتلي كلة ..


وحطيه بالفريزر ساعتين بس لا أكثر لأن إذا ثلج يخترب

وبعدين طلعيه بشوفينه قاسي وكأنه شمع بس ريحته تلوع الكبد خخخخ بس تحملي من أجل البياض كل شي..

وشيليه بالسكين بشويش عشان ما يتكسر وجيبي شاش من إسعافاتكم الأولية ولا من الشاش الملون اللي في بيبر مووون وحطي كل مكعب ولفيه ثلاث لفات وربطيه عشان يصير شكله حلو وحطيه في سله أو علبه وحطيه بالثلاجة ليوم كامل بعدين أستخدميه وإذا مر أسبوع طلعيه من الثلاجة وحطيه برا بالحمام ولا بالغرفة بس لازم يتعرض للهوا عشان يصير يابس زي الصابونة..

وهذي ناقلتها من
(يادنيا يكفيني جروح) الله يجزاها خير........

عادي يا قمر

بس عندي فكره ودها تتفلسف شويه

شرايك تاخذين الكميه اللي بتتحممين فيها و تضيفين لها مره سكراب
و مره سفيداب
ومره نشا
و مره تخلينها ساده
يعني عشان تخشنينها لأنك ضايق صدرك عليها شكلك

مع ان انتي قلتي انك زوجتي موية الورد و هذا مو شي يعني يخرب الخلطه

مو لازم القووام اهم شي المكونات

عادي طيب مو شرط تصير صابونه حطيها بعلبه وخليها بالثلاجه مو الفريز

وخذي منها وقت الاستعمال

والله البقدونس مره ممتاز للبشره يجدد ويعطي نضاره


الله يوفقك ومشكوره جاري التجربه احس انها لها نتيجه فتاكه