ســـــــــــــــــــاعدوني ياحوائيات ( بنتــي )

السلام عليكم ورحمة الله وبركاته
بدون مقدمات ارجوا من عندها حل تساعدني ارجوكم
بنتي عمرها سنه ونص عنيده ومخربه درجه اولى
ماذا أفعل؟؟؟ كيف اعاقبها؟؟؟
من انواع التخريب أدراج التسريحه تحاول تفتحهم واذا مانفتح تحاول تكسرهم وتخرج كل مابداخله
واضطريت اسكر باب الغرفه لكن اكثر الاحيان انسى واحصلها داخله الغرفه وفاتحه الادراج
وأخذه العطور او الارواج واللي تلاقيه قدامها وترميه على الارض العطر تحاول تفتحه والروج اكيد تلعب فيه
والمناكير اوووووه لازم تفتحه واذا ماأنفتح تحاول تكسره بالسيراميك ومرتين نجحت
واي حاجه ارفعه فوق الرفوف توصل لها بوضع مخدات او كرسي حقها
وآخر عمل عملته خربت الكمبيوتر ونزعت كل ازارير الكيبورد
ولاول مره اضربها على يدها ولا هامها ترجع لنفس الشي ولما اسكر الجهاز تبكي عشان افتحه لها
و لاانسى طاولة التلفزيون تقعد تهزها وبقوه وتحاول تركب فوقها
والمطبخ حدث ولا حرج
وهذا كله يهون لما اخرج لعزيمه او مناسبه انواااااع الاحراج والفشله منها
تحرجني وتروح تأخذ حلى وتملا يدينها واذا حاولت الحقها تحطه كله بأفمها وماتخلي لا كاسات ولا اي شي مجهز للتقديم الا وتمر عليه
واذا أخذتها وحطيتها بحضني انوااااااااع الصرااااخ والازعاج والبكا لحد مانزلها
انا ماأطلع من بيتي الا ومشبعتها أكل عشان ماأنحرج لكن الشكوى لله
وطبعا وقت النوووم انواع البهذله وياويلك لو تطفئ الانوااار تصارخ حتى افتحهم وماتسكت لعلمكم مو خوف لاااا بس عنااد الا افتح النور ولازم ابعد عنها وماترضى اكون بجنبها ابد وانا مستغربه هالتصرف وبقوه
بقولكم شي
انا ولله الحمد ماأضربها ابد الا هي مره وحده بس
ولا أحاول أدلعها ابد
لكن المشكله اهلي انواع الدلع لها لانها حفيدتهم الوحيده وماعندهم طفل غيرها
بس ابغى حل ابغى عقاب ينفع لان ماحب الضرب
ولا تنسون انها سنه ونص يعني الحرمان ماينفع ولا راح تفهم
عندها العاااب كثيره ولا تفكر تلعب فيهم شغلها الشاغل التخريب وازعاجي لما أكون بالمطبخ
ارجوكم افيدوني لاقولي حل مناسب
وجزاكم الله كل خير