بنااات الموضوع هذا رووووعه وحمااااس ونقلته لعيونكم ان شاءالله تستفيدون واذكروا الله على البنت ماشاءالله لاقوة الا بالله
بسم الله الرحمن الرحيم
الحمد لله والصلاة والسلام على اشرف الانبياء والمرسلين, نبينا محمد وعلى اله وصحبه اجمعين,,
وبعد,,,
كيفكم يا اغلى فراشات؟؟ ان شاء الله تكونوا بخير وصحه وسعاده..
اليوم حبيت افيدكم بسر رائحة منزلي::: المميزه :::
طبعا انا ماكنت عارفه انو رائحة منزلي مميزه الا لما لاحضت ان زوجي كل ما دخل البيت قال
ماشاء الله ريحة عطر جنان
وكمان امي واخواتي وزوجة اخوي كل ما دخلوا بيتي قالوا دايم ريحة بيتك روعه
وكل يوم زوجة اخوي تقولي بالله عليكـ وش العطر او البخور اللي تستخدمينه؟؟
وقلت لها على الملطف المعروف اسمه ايرويك واعطيتها من البخور اللي استخدمه
بس ما اقتنعت وتوقعت اني اخبي عليها سر الرائحه
وفي يوم اتصلوا جاراتي وقالوا بكره بيتقهووا عندي رحبت فيهم وكانت مرة اخوي عندي
قالت انا استاذن عشان ترتبي بيتك وتشوفي شغلكـ بعدين قالت لالا ابي اساعدكـ<<كانت تبي السر
تساعدنا بالمطبخ ولمعناه ورتبت البيت ورشيت على السجادات بودره معطره للغرف والسجاد وخليتها 10 دقايق
وكنستها بالمكنسه الكهربائيه
وبعدين حطيت مطهر داكـ بالورد والفل العربي وشوي فيري بالتفاح وغطا واحد كلوركس((غطا الكلوركس))
وشوي منعم ملابس داوني الازرق واحيانا العملاق الاخضر واضفت لها مويه ورشيتها على بلاط المطبخ والسراميك بالغرف
وشطفتها ورشيت من الملطف وبخرت البيت وقتها قالت عرفت سر ريحة بيتك المميزه
قلت شو هوا السر؟؟
قالت شكلك دايم تغسلي السراميك بالخلطه ماتمسحيها بمساحة السيراميك قلت يمكن
هذا السر!!!
وبعدها بكم يوم نزلت عندها ولاحضت فعلا انو في البيت ريحه مميزه قالت ايوه لكن انتي الريحه في بيتكـ اقوى واحلى
تكفين قولي لي وش السر؟؟
قلت والله انا من النوع اذا عندي شي حلو ما احب اخبي بالعكس اعلم اي احد..
لكن شوفي انا الكلوركس ما استغني عنه يوميا استخدمه صحيح ما اكثر الكميه بس احس انو يقضي على الروائح الكريهه والجراثيم.. طبعا استخدمه على الاواني والارضيات والحمامات وانتو بكرامه والملابس البيضاء والفاتحه ..
معطر السجاد يوميا او كل يومين ارش على السجاد واخليه 10 دقايق واكنس..
معطر الجو والبخور يوميا بعد العشاء لاني ما اسوي غدا ,نتعشى بدري قبل صلاة العشاء,فابخر عشان ريحة الطبخ...
الفواحه لكن ما استخدمها كثير لانها تكتمني مره بالاسبوع وعطر الفواحه اخذه من زهور الريف يخلطها لي صاحب المحل..
الملابس اغسلها بشكل يومي واضيف للملابس صابون(داكـ اذا الغسيل فاتح,, شامبوا العبايات اذا غامق)) وفينيش مزيل البقع السائل وقبل الشطف اضيف منعم الملابس ((داوني ,, كومفرت ,, او اي منعم متوفر))
واذا نشرت الملابس فاحت ريحة الملابس بالرائحه اللي اضفتها..
مفارش النوم اغسلها كل اسبوع مره وبنفس الاضافات اللي اضيفها للملابس بس بدل ما احط غطا واحد كلوركس ازيد حسب حجم المفرش <<طبعا الصابون ومنعم الملابس تغطي على ريحة الكلوركس
وكل ماجيت انام رائحة المعطر ماسكه بالفراش..
كل يومين او ثلاثه اغسل السراميك بالخلطه السابقه وبين كل غسله والثانيه اذا احتاج السيراميك امسحه بالممسحه العجيبه مره روووووووعه
الحمامات وانتو بكرامه اغسلها يوميا اول شي اصب كلوركس على المراحيض والمغاسل وبعدين خلطتي السابقه اركزها ازيد الكميه واقلل كمية المويه وانظف باستخدام الفرش المناسبه طبعا للبانيو والمغاسل فرشاه
والمرحاض فرشاه والبلاط مكنسه وبعدها اغسله بالمويه الساخنه بعدها اصب بالمرحاض والمغسله مطهر داك بالورد او الفل العربي..
على المغاسل صابون لوكس السائل برائحة الخوخ او الفراوله الناعمه <<<اموت بريحتها واذا غسلت فيها تمسك الريحه بيدي فتره طويله..
في النهار افتح كل النوافذ والستائر عشان يدخل الهواء البيت ..
المطبخ يوميا قبل انام اصب كميه قليله كلوركس في المغسله ..<<اختي تقول انتي مدمنة كلوركس
كمان وانتو بكرامه زبالة المطبخ اخذت سله اصغر من الوسط بشوي وكل يوم وزوجي طالع لصلاة العشاء اعطيه يرميها , احيانا يرمي مرتين في اليوم ,مستحيل اخليها يوم كامل عشان كذا اخذتها صغيره, .
>>وعندي قاعده النظافه والتخلص من مسببات الروائح الكريهه هو السبب في رائحة بيتي المميزه<<
فيروز الأميره @fyroz_alamyrh
عضوة فعالة
يلزم عليك تسجيل الدخول أولًا لكتابة تعليق.
ام عزوم
•
ماشاء الله تبارك الرحمن
شمووووع
•
الله يجزاك خير ررررر ماشاء الله تبارك الله عليك
اموت في النظافه والسناعه والحرمه السنعه والريحه الزينه ياليت كل الحريم سنعات
اموت في النظافه والسناعه والحرمه السنعه والريحه الزينه ياليت كل الحريم سنعات
الصفحة الأخيرة