ســـــــــــــــــــــــــــاع ـــــــــدوني الله يجزاكم خير انا بضيقه

السلام عليكم بنات

انا مادري وشلون ابدا بالموضوعالسالفه طويله بس بحاول اكتب المشكله باختصار

انا مالي شهرين مولده جبت بنت ومن يوم ماطلعت من الاربعين مارحت بيتي الا 4 مرات بس زوجي مره ماعرف وش فيه مو مهتم ابد شي مشغل راسه لا هي و24 ساعه بالنت وبنات ومكالمات بس وانا باخر حملي خف شوي لانه خايف على بنته اللي بتجي من كثر ماخوفه واحكيله بالقصص بس طبعا كان على باله انو انا ماعرفبس انا كنت اشوف واسكت هو من اول راعي بنات الله يهديه بس بعد الاربعين بزياده ,
انا سويت شي وتندمت عليه مره هو عنده صفحه بالفيس بوك اللي تعرفه كويس اللي ماتعرفه هذا موقع بالنت فيه الناس يحطون صورهم ويتعرفون على بعض والبنات خاصه انواع الصور يعني خراب بخراب سويت لي واحد على انو انا بنت ابلعب عليه بشوف وش عنده وصار يكلمني ويقولي عطيني مسنجرك برضوا سويتلي واحد وكلمته سالته عن اسمه تخيلوا يابنات عطاني اسمه بالكامل ووين يشتغل وهو من اول يوم قال كل شي انفهرت والله ولعت بغيت اقوله بالله انا زوجتك ياقليل الادب بس سكت وتحملت وتندمت كثير بس قلت بكمل خلاص مدامي بديت السالفه
جا قالي تعالي عندي قلت يالله افتح الباب بجي يعني استهبال قال والله تجين ماصدق قلت انت متزوج قال لا قلت وين ساكن قالي انه بلحاله ساكن ووصف البيت بالضبط يبيني اجي تخيلوا قسم بالله انه نفسيتي مادري وشلون ودي اقوله اذا شفته انه انت كذا واكذا بس ماقدر ماودي اسوي مشاكل اكثر
قلت بخلي البنت نفسها اللي هي انا تكشفه وتقوله انه انا عرفت انك متزوج سويتها وكلمته وقلتله ان انا عرفت انك منزوج ماتستحي وش موقف بنتك بكره لاسمح الله تقول بابا ترك ماما عشان بنت ولا زوجتك تدخل عليك وعندك وحده انصحك بالله حرامعليك اللي تسويه خاف الله ببنتك وزوجتك انا لما عرفت انك متزوج تندمت ولا ابي متزوجين عشان مايشك ومن هالكلام بعدها خاف مره وصفجته اللي بالفيس بوك مسح اسمه بالكامل فيها يعني ماحط لا اسم ابوه ولا العائله دق علي كان مره ضايق صدره اقوله وش فيك مارضى يقولي طبعا بس كان معاملته لي كويسه مره وكان رومنسي شوي وهو بعادته لما اكلمه واتدلع عليه يقول يالله بلا دلع تخيلوا مو زوجي اللي اعرفه ارسل للبنت رساله قالها انو وشلون لو زوجتي عرفت وش بسوي ومادري وشلون انا كتبتله انه انت اللي جبته لنفسك ماحد جابه لك

والله ني بحاله مايعلم فيها الا الله مره متقهر وحاطه بقلبي واسكت واللي بقلبي ودي افجره مره شي ثقيل
وانا متقهره حرام عليه بيجيب بنات البيت وشلون البنات اللي يعرفهم كثير مره والله يعني معقوله انه جاب احد البيت وانا مادري عنه وقت الاربعين يعني لو يحصله بنت جابها تخيلوا بعد الاربعين ماصار يبي ينام معي والله وهو وقت حملي طفشني كل يوم تغير مره يعني معقوله صار مايبني يعني شاف غيري انا والله اني ماقصر معه ابدا ولا بشي كل شي كامل وهو معترفلي بس وقت الاربعين رحت وخليته هذا شي غصب عني بعدها خرب يعني بزر مايتخلي لحاله
هو طايش وتفكيره زي البزر من اول مع انه مب صغير مره 31
بنات عطوني حل مادري وش اسوي لاتقولون لي اني غلطانه باللي سويته وتضيقون صدري اكثر انا ادري اني غلطانه اللي عندها حل الله يخليها تقولي لا تقولولن لي شي يضيق الصدر امانه مدري وش اسوي انا الحين ببيت اهلي مبسوط لحاله ماقالي تعالي عشان ياخذ راحته بس بروح ماراح اخليه اذا بستناه يقولي تعالي ماراح يقول ابدا
هو مو مقصر معي ولا مع بنته الحمد لله بس اللي يسويه شي كبيروالله ماينسكت عليه عطوني حل الله لايحطكم بالموقف اللي انا فيه.