حبيبتي لا تشيلين هم أنا ولدي عمره ست سنوات توه دخل الكندر كارتن الأنجليزي لا تشيلين همه ابدا بتتعلمه بسرعه ما تتخيلين

وراح تتعلمين منها ولو حطيتيها الحين في ديكير أحسن

تعليمهم وتعاملهم مع الأطفال مرررره حلو<<في المدارس الأمريكيه

بالنسبه للشهاده راح يعادلونها ما فيه اختبارات من الملحقيه

والضيقه طبيعي تحسن فيها كلنا اول ما جينا كذا والحين الحمد لله تأقلمت مررره بس وسعي صدرك

والعربي الله يعينك علميها في البيت بس لاتضغطين عليها

موفقه...

هلا وغلا .. أختي وحياك الله في أمريكا .
عن تجربة عايشتها .. وديت أولادي المدرستين أمريكية واسلامية ..
طبعا راح أقولك الايجابيات والسلبيات ..
المدارس الاسلامية فيها انجليزي وطبعا عربي ومواد الدين والكتب اللي يأخذوها أولادي رائعة ولدي في البري سكول يعني الروضة وياخذ رحوف ويكتب ..بسم الله عليه .
المدارس الاسلامية تحطين بنتك فيها وانتي ضامنة ان شاء الله انها ما راح تنمس عقيدتها أو تجيك بأسئلة من تجت الأرض ..
ما شاء الله عيالي لهم شهرين بس ما شاء الله صاروا يتكلموا انجليزي شوي والحمد لله .. وموفرين لهم مدرسة من برة تعطيهم دروس اضافية في الانجليزي ..
صحيح المدارس الأمريكية ممكن تكون أكبر لأن مناهجها حكومية . أم الاسلامية خاصة وبرسوم ..
الأمريكية ممكن فيها تفتح بزيادة غير الموسيقى اللي ممكن تتخلل الدروس وغير حصة الموسيقى طبعا ( لأني ما أبغى عيالي يسمعون موسيقى )
والله أولا وأخيرا على حسب المدرسة .. والحمد لله هم مرتاحين في المدرسة الاسلامية .. وبالنسبة للمدرسة هم معترف فيها من قبل الملحقية يعني ان شاء الله ما راح تأثر على دراستهم ولله الحمد
أنا سمعت في مدارس اسلامية التدريس فيها عن طريق نظاك المنستوري وهو التعليم باللعب بس للأسف ما دريت عنها الا متأخرة واحتمال أنقل عيالي فيها ..
عموما انتي دوري واسألي البنات اللي في منطقتك أو عن طريق قوقل ماب .. وان شاء الله راح يفيدونك أو دوري في مدينتك عن موقع المسجد وأكيد جمبه راح تكون مدرسة اسلامية لأنها تكون في أغلب ألأحيان تابعة للمسجد .. وخذي الرقم وكلميهم واستفسري .
والله كل شئ يهون في سبيل الحفاظ على ديننا ومبادئنا ..
الله يكتب لك الخير .. بس انتي اسعي وصدقيني ربي يسهل لك .
هذي وجهة نظري والأمر يرجع لك أولا وأخيرا..

الي قالوه البنات صحيح والله يعطيهم العافيه
وانتي في البدايه بتحسين بهالخبطه بس بعدين بتتعودين وبالنسبه لبنتك انا اعرف وحده تدرس ولدها بس يوم في الاسبوع عربي والباقي انجليزي بس تذاكرله في البيت ولمانزل السعوديه كمل عادي بالتوفيق ان شالله