كاسات فيهم شموع ..



وهذا جرس كبير شوي .. حطيت فيه دبلة و بطاقة فيها كلام ..



اما هذا .. من نوع التحفة .. حطيت فيها فرو في القاعدة و كاكاو من فوق .. بعد طلع شكله حلييو ..



هذا العصير .. بعد اخضر ( عصيري ربيع كيوي و ليمون :))



اما هذا فهو المهر .. جابوه اهل المعرس مع القرآن .. يعني هم مزينينه مب انا :) .. بس بعد عجبني وااايد ..

هذا للعسل .. ما استخدمناه احنا مادري شيسون فيه امي شرته وزينته بس شكل ..



هذا بعد بس شكل و لصقنا فيه كاكاو ..



هذا قفص العصافير .. اكتشفت انه ما يناسب وايد و لونه مو عاجبني فرديت رشيته بالفضي .. مادري يبينون الصور القبليين انه صار فضي اول لا :) ..



وهذا حوض السمج .. قبل لا احطهم داخل :) ..



وهذا .. كان الوان واايد فيه رشيته فضي و حطيت داخله من نوع القش رشيته ذهبي .. و حطيت داخله بيضة .. بس هني مو مبين لان كان البيض يغلي على النار ولا صار مجال اصوره بعد مابرز .. بعد البيض رشيته ..




او نسيت شي مهم .. اثناء العقد رجول العروس تنحط فيه ماء وورد محمدي مثلا او رازجي .. بس انا من الربشة نسيت اشتري ورد .. فحطيت ورد مجفف ..



الموضوع الجاي بحط صور سفرة بنت عمري .. بعد فكرتها وااايد حلووووة ..

----تمت بحمده ----

ماشالله عليج ..
روووووعه شغلج !!
تسلم اييدج .. :27:

ميثاق1
ألف مبروك زواجك ... عسى الله يهنيك ويسعدك
أما السفرة وتوابعها .... فتستاهل العرض فعلا ..
ما شاء الله ،،، مليانة أفكار ،، خاصة إنها من عمل يدينكم

يعطيك العافية أنت ووالدتك .......... يحفظها ويسلمها
هذه دعوة خاصة منا لها لتنضم إلينا ...... ما رأيك ؟؟؟

والحفلة مليانة حركات جميلة ، بعضها جديد بالنسبة لي
مثل هذه الحركة ..

جميل
يعني أرجلها توضع في منقوع ماء الورد .......... طيب إلى متى ؟؟ أي الفترة الزمنية

..
ما الهدف من غلي البيض ؟؟؟؟؟؟

النقود أو العملات الذهبية هنا ...........

حركة حلوة ............. هل هي حلوى فعلا ؟؟؟ أم أنت شكلتيها

وشاكرين لك جدا ............ وسعادة دائمة نتمناها لك

يعني أرجلها توضع في منقوع ماء الورد .......... طيب إلى متى ؟؟ أي الفترة الزمنية

اي .. فترة العقد ( اللي هو الشيخ يجي البيت يعقد على البنت امام الشهود و ياخذ رايها .. في هذي الاثناء القرآن في يدها تقرى فيه آيات و رجولها منقعة في الماء ..)
طبعا هذا مو لازم او واجب او شرط .. بس اشوفه شي منتشر وااايد عندنا في البحرين :)


ما الهدف من غلي البيض ؟؟؟؟؟؟

البيض كان شكل بس .. عادة في السفرة يحطون بيض .. من قديم الزمان لين الحين .. مو غرضه شي بس شكل .. انا غليته علشان لو احد حركه او شي ما يتكسر .. ولو تكسر يكون ناضي من داخل ما يلعوز :) .. من زماااان اشوفهم يصبغونه و يرشونها فأنا بعد رشيته ..

مرة سوينة حق وحدة بيض كللله ملووون .. يمكن 20 بيضة في سلة .. ووسطهم حطينا بيضتين رسمنا لهم عين و خشم و حطينا في وحدة طرحة و الثانية بدلة يازعم عروس و معرس بعد طلع شكلم روووعة ..

النقود أو العملات الذهبية هنا ...........

بس جذي .. يات على بالي الفكرة .. و شريت هذي العملات من محل حلويات طبعا هذلين كاكاوااات على هالشكل .. في ناس يحطون عملات صجية :) .. اما اللي فوقه جوز .. عادة بعد الجوز يستخدم في التشكيل :)

اي استفسار يا ام فرح ترى احنا حاضرين :)