**ســـلـفـتـي وســـلـفـتـك**

موضوعك حلو مره والنقاش فيه مطلوب لان اغلب المتزوجات عندهم مشاكل مع سلفاتهم من ناحيتي انا اتعامل معها رسميه لان ها كثيره حكي ووصل لبنات خالي كلام تقوله عشان كذا مااحب اتقرب منها

بالنسبه لي لي سلفه جات بعدي ...رسميه جدا سلامات وتحيات فقط وممكن مانتكلم في المجلس اذا صرنا لوحدنا ...
والثانيه بعدي ب10 سنوات مره حبوبه واعاملها مثل اخت صغيره مو سلفه ..لاني حسيت انها تبي تاخذ وتعطي تشاركك الحكي والمواقف ....
اما الاولى ماتفكر تدير حوار بيني وبينها ..فأحترمت رغبتها

شوفو يابنات انا اول ماجيت بيتهم كانت حبوبه معاي بعدين مع الايام اكتشفت انها ماتحاكيني الا اذا زوجها معاها حسيت انه نفاق. للعلم انها كبيري بس صارلها 7 سنين متزوجه وشخصيتها غير عني بالمره

وصارتلي مواقف كثيره معاها انا بكمل السنه من زواجي واللي مخليني مو مرتاحه بالبيت اهيه السلفه احسها تراقب تحركاتي وانا طبعي لما اتكلم عكسها اتكلم بصوت واطي تخيلو تخلي المجلس وتحاول تسمع كلامي
لدرجة الآن كلما اسمع صوتها احس اني متضايقه وقلبي يرقع مو خوفا منها بس مو مرتاحه

نحن 5 سلفات كل واحدة بشخصية مختلفة بس منتلاقى بالمناسبات ونسلم ونرحب ببعض ونضحك ونمزح كتير بس نرجع لبيوتنا نرجع كل واحدة تنشغل بمشاغلها وما نفضى لنرجع نتلاقى بمناسبة تانية .... في 2 منهم في اتصالات ومشاوير بيننا ومع هالشي بيننا رسمية يعني منحكي عن اولادنا -بيوتنا - الطبخ ...بس اما اي تفاصيل بحياتنا تانية ما منتدخل مع بعض والحمدلله علاقتنا كتير حلوة بفضل الله

والله يقول المثل سفينه الضراير مدري الزوجات ماتغرق ..وسفينة السلايف تغرق >>>يقالك جابت المثل صح ...

والله هذي الحكمه دايماً ببالي ..
ومع اني احس اني مندلقه أي فالتها ع الأخر ..
بس اتوقع ان الحذر واجب..

وسبحان الله يادلوعة..
لابد من النفسيات تختلف والتربيه والطبيعه الجغرافية والفيسلووجيه لوول اتفلسلف

لا بس إلي حابه اقولها
كل وحده مننا تحط النية الطيبه بالأول وتخلط معها شوي حذر>>>مثأثره بقسم العناية بالبشره..

وبعدين ياما بتشوفين مناقر زي مناقر الدجاج ولا الحركات إلي من تحت لتحت إلي تدبل الكبد

الحل الوحيييييييييد التطنيش

وضروووري تنسينها وترمينها بالبيت إلي شفتي سلفتك فيه يعني لا تجيبينها لزوجك
وتقعدين تسولفين عليه فيها ..

لانه راح يحسك غيور أو مشكلجيه او ضعيفة شخصية ...

والنية الطيبه بالناس وأختلاق الأعذار لهم تريح قلبك وتفتح لك الرزق وتيسر اموورك صدقيني