ســفــرتــي الــرمــضـانـيـة من ~ مس ديزاين ~

مساء الــورد وأطـيابــهـ
أهنيــكــمـ بقدومـ الشهـر الفـضـيل

تقرير عن سفرتي الرمضانية المتواضعة لعيونكمـ



~ المــنــيــو ~
شوربة عدس بالخضار
سمبوسة
كب كبة
القشد القصيمي
زنود الست
العصيرات فيمتو و سوبيا
صور عامة للسفرة





~ الــشـــوربة ~



المقادير
كاسة عدس
الخضار
( كوسة / بطاطس /
جزر / بصل / ثوم )
البهارات
( فلفل اسود / كمون / فلفل ابيض /
ثوم بودرة / كزبرة ناشفة / ملح )
كزبرة خضراء للتزين
الطريقة
تنخلط كل المقادير مع بعض
وتنحط على النار مع مويه حارة
الي تغطيها ولما تستوي الخضار
والعدس تنزل عن النار وننتظرها
لما تبرد وبعدين نخلطها
في الخلاط وتصير جاهزة



امممم طبق جديد عليا لسه
اليوم لاقيته بالنت
بس صراحة كوووشخة
المقادير
لحم مفروم
ونفس المقدار برغل
ملح وفلفل اسود
الطريقة
ينضربو بالخلاط بقوووة>
قصدي يصيروا ناعمين مره
وثم نحطهم في صينية الكب
كيك بعد ماندهنا بالزيت ونحطها
بالفريزر عشان تجمد لغاية وقت
القلي نخرجها ونقليها
وتصير جاهزة للحشوة
الحشوة
جبنة بيضا مع لبنة وشوية
مايونيز تنضرب بالخلاط
بشويش مو بقوه >>>> لايكثر
وتنحشي الكب كبه وتتزين
مثل ماتحبو خضار زعتر
وحركتات من عندكم


~ زنود الست ~





المقادير
عجينة جلاش انا اخترت السنبلة
>>>> ماتسوي دعاية
مكسرات لوز و فستق مجروش
وحشوة حلوة ( ايش اسمها مدري
بس بسدح لكم الطريقة )
>>>
وشيرة
الطريقة
ناخذ عجينة الجلاش ونقطعها بالنص تصير
شبه رقاق السمبوسة بس على اتخن
>> مو زنود الست عاد
ونحطها على شكل زائد
ليش عشان الحشوة لاتتنثر في القلي
وبدل ماتصير زنود الست المتختخه
تصير زنود الست العصلة
ههههههههههه لاتقولو ماقلت لكمـ
ونلفها زي الاسبرينق رول
ونقليها ونغمسها في الشيرة
ونرش عليها فستق للتزيين

الحشوة



المقادير
كاس حليب سائل >> مو المراعي
ربع كوب دقيق ابيض
ربع كوب سكر
زبدة برضه مو المراعي >>
حبة بيضا مع رشة فانيلا
وبرشة قشر ليمون
الطريقة
نخلط المقادير مع بعض ونرفعها على النار
ونقلبها على نارد هادية
لما تتخن >> عاد حشوة زنوود الست
>>> لايكثر

~ القشد القصيمي ~




اول مره اسمع عنه
برضه اليوم لقيته في النت
صراحة روووووعه
خفيف مره
وحبيته أكثر من باقي الأكلات الشعبية
ولقيت الطريقة بالنت
لاتزعلون عليا يالقصيميات لو الطريقة غلط
المهمـ
المقادير
زبدة مو المراعي >> ماتسوي دعاية
كوب حليب
كوب الا ربع دقيق اسمر مع ابيض
مكس يعني
رشة ملح
وتمر سكري
الطريقة
نسيح الزبدة مع شوية زيت او سمن
ونحط الدقيق ونحمره 10 دقايق
ثم نحط الحليب ونحركه لما يصير زي العجينة
ثم نحط التمر ونقلبه ونغطيه ونتركه نص ساعه
على نار هادية
وبث
يمي يمي مررره لذيذ


~ السمبوسة ~





المقادير
للعجينة
كوب دقيق ابيض
كوب دقيق اسمر
فنجال شاي صغير زيت
شوية ملح
الطريقة
نخلط الدقيق والملح مع بعض
ونحط عليها الزيت ونفركها
بشدة >>>
ثم نعجنها بالموية لما تصير عجينة متماسكة
نتركها ترتاح ساعة
ثم نفردها ونحشيها بالحشوة المعتادة
ونقليها ... وعافيه على قلوبكم
وأخيرا


~ العصيرات ~



سوبيا
وفيمتو
وأحلى موية زمزمـ الله لايحرمنا وإياكم منهـ
دمتمـ بود
مس ديزاين