يوم الخميس عزمتنا اختي عندهاانا والوالده.. واخواتي واهل زوجها
وسلفتها وبنت خالتي..>>>>ايش دخلهم..
المهم كانت العزومه فجأه ..
طبعا ماشاء الله عليها ماقصرت سوت لنا عشاء يفتح النفس..
صح ماتتقارن بسفركم..
بس قلت خلينا اصورها واوريها بنات حواء لأننا استفدنا منهم كثيييييير..
وماطول عليكم هذي الصور واي سؤال انا حاضره..
صوره عامه للسفره..
هذي المسقعه لذيييييييييذه..
المقادير..(الكميه حسب الاشخاص)
بطاطس مقطعه حلقات ومقليه
باذنجان مقطع حلقات ومقلي..
كوسا مقطعه حلقات ومقليه
طماطم مقطعه حلقات..
بصل حلقات..
فلفل رومي حلقات..
الطريقه
نصف طبقه من البطاطس في الصينيه
طبقه باذنجان وطبقه كوسا وحلقات الطماطم والفلفل والبصل..
ويكون عندك خلطه مكونه من ملعقتين صلصل..
وحبتين ليمون كبار معصوره
وفافل اسود وملح..
وبعد كل طبقه تصبين من هالخلطه وكرري الطبقات
وغطي الصينيه بقصدير ودخليها الفرن تقريبا نص ساعه..
هذي التبوله
المقادير ..(الكميه حسب الاشخاص)
حبتين طماطم
حبتين خيار
حزمه بقدونس
كاسه برغل منقوع بماء حار
ليمون 3حبات
ملح زيت زيتون
الطريقه
تقطع الطماطم والخيار مكعبات صغيره جدا..
وتفرم حزمة البقدونس ونضعها على الطماطم والخيار
ونضع عليها البرغل والليمون والملح وزيت الزيتون..
هذي اعشاش الشعريه بالبشاميل..
هذي سلطة اللبن بالذره والملفوف والجزر
هذا الرز الصيني..
المقادير..
جمبري مقلي..اودجاجه مسلوقه ومنتفه ومقطعه صغار
بصل مقطع صغار
خضار مجمده..
رز مغسول ومنقوع لمدة نص ساعه
ملح وفلفل اسود
صويا صوص
الطريقه
نضع الزيت في القدر ونحمر البصل فيه
بعدين نضيف الجمبري وبعدين نضيف الخضار المجمده
ونضيف الملح والفلفل الاسودونضيف شوية ماء ونغطي القدر علشان يستوي
ونسلق الرز نص سلقه..
ثم نضيف الرز على الخضار..
وبالعافيه..
وهذي الكبسه بالدجاج..
سلطة اللبن بالخيار والجزر..جنبها الحلى مهلبيه وكريمه..
انتهت سفرتنا..
وبالهناء والعافيه..
تحياتي....