على هذا الرابط
ملف سفرات وعزايم وبوفيهات أطباق عالم حواء ابداع × ابداع
بسم الله الرحمن الرحيم
السلام عليكم ورحمة الله وبركاته
والشهر مبارك على الجميع
والله يتقبل منا ومنكم صالح الاعمال
حياكم الله حبوبات كيفكم مع الصيام والمطابخ
الله يعين بس ويبارك في اوقاتنا للعباده
واشغال البيت اللي ماتخلص
والمشكله مهما قلنا ماراح نططبخ كثير عشان نتفرغ للعباده
مانقدر الله يعظم الاجر يارب ويعينا على الصيام والقيام وصالح الاعمال
المهم حبيت اشارككم سفري الرمضانيه اول باول
قدر المستطاع باذن الله
حتى لو كانت اكلات خفيفه
واللي تحب تشارك وتسدح سفرتها ياسلام سلم
ويعطيها الصحه والعافيه مقدما
ومطرح مايسري يمري
والحين ان شاء الله راح انزل سفرة الثلاث ايام اللي راحت
ابتديت اصور من ثاني يوم اول يوم نسيت اصور للاسف
والجايات احلى ان شاء الله
ونبدا مع سفرة { 2 } رمضان
السفره { 3*4 } رمضان في صفحه { 4 }
سفرة { 5 } رمضان في صفحه { 8 }
{ ماشاء الله 0000 تبارك الرحن }
هذي السفره كامله
هناالتمر والفواكه المجففه
هذا حلى مادري وش اسمه خذته من اختي بس شي لذييييييييذ
وسهل انا سميته بحلى الاعمده
وطريقته سهله جدا
شرائح سويتز لازم سويتز لانها مقرمشه بقوه ماشاء الله
تاخذين كل شريحه وتدهنينها جبن او قشطه عشان تلصق
ورشي عليه دارسين ولفيها بعدين اقسميها بالنص بشكل مايل
واقليها في زيت غزير وحامي وزينيها بالنستله والهيرشي
وبس
وهذي القطايف قليتها بالفرن
طبعا العجينه جاهزه من السدحان حشيتهاقشطه وفوق كل وحده قطعة زبده
ودخلتها الفرن من فوق وتحت سوا
وبعدين الشيره والفستق وبس
وهذي المشروبات مويه وتوت فريشكو وبرتقال بالجزر طازج
يتبع ( السفره بعد المغرب )
صوره شامله
شوربة عدس سرييييييييييعه
وطريقتها سهله وسريعه ماتاخذ وقت
اسلقي العدس ومعه بطاطسه صغيره وتبليه بملح وفلفل اسود وماجي ابيض
ومكعب ماجي وبهارات دجاج وكمون
وبعد مايستوي اهرسيه بمهرسة الشوربه الكهربائيه
سبق ونزلت صورتها في ملفي مع شوربة البطاطس
واذا ماعندك اخلطيها بالخلاط { الكاس }
وبالعافيه
مكرونة البيتزا
سبق ونزلت طريقتها في ملفي
كباب وكفتة لحم وسمبوسة خضار ( حشوه من تاليفي )
الكباب سبق ونزلت طريقته في ملفي بس الفرق اني شويته بالفرن
ماقليته
والكفته اخلطي اللحم في الخلاط مع البهارات والملح
والبصل والثوم والبقدونس
بعدين شكليها كور وغمسيها في الدقيق والبيض والبقسماط واقليها
والسمبوسه قليت قطع خضار صغيره وحمستها شوي مع بصل وملح وفلفل اسود
واضفنت لها بقدونس وبعد مابردت بشرت عليها جبن موتزريلا
ورشة اوريقانوا
سلطة خضار عاديه
ترقبوا السفره الثانيه قريبا باذن الله
والقادم احلى واحلى