بعدها بدأت أراسل مكاتب سياحية هناك لحجز الفنادق (أفضل طريقة للحجز هناك )ورسيت على مكتب شينتاكا اعطانا عرض بعض الفنادق 5نجوم وبعضها اربع بتكلفة 10800(عشرة آلاف وثمانمائة ) في غرفة ثلاثية لمدة14يوم تشمل السواق 24ساعة معانا ووجبتين فطور وعشاء في جميع الفنادق وكان هذا أفضل عرض من جميع المكاتب . وخلّينا معنا 3الاف إحتياط لدخول الأماكن والتسوق 
.اشترينا شوية أدوية وبخاخات ناموس ولا احتجنا عليها ولله الحمد . الا البنادول في اول يوم طبعا 
بسبب اضطراب النوم .الفنادق مدينة نقومبو دولفين كلوب يوم واحد للأسف كان روعة تمنيت قعدنا يومين
بعدها كاندي يومين( بدور اسمه )
نوراليا ثلاثة ايام فندق اراليا جرين هيلز
رامبودا يوم واحد رامبودا فولز
بنتوتة 3ايام في سينامون باي
وكولمبو يومين في جالاداري
طبعا اتفقنا أنا وزوجي من البداية ان السفرة تكون إقتصادية بس صراحة كانت روعة كانت الميزانية 20الف شاملة كل شيء
اهم شيء التخطيط المبكر اي شيء بدون تخطيط يسبب عدم نجاح الرحلة بأحاول انزل صور بإذن الله
الجو كان رائع جدا المدن الساحلية نقومبو، بنتوتة وكلومبو جوها حلو ماتحسي بالحرارة الشديدة زي جدة والشرقية اما كاندي معتدل يميل للبرودة وأما نوراليا 😍فهي باردة البراد الحلو اللي مايتعب بس لازم جاكيت وهي اجمل مدينة
بالنسبة للعملة ال 100 روبية تساوي تقريبا 3ريال تسوقت في الهاوس فاشن فيه ماركات مخفضة وانا اقضي واعبي يجنن،،،، طلعت الفاتورة 17 الف روبية خفت يوم حسبناها طلعت 500ريال 😂 تقريبا
البلد فقير جدا وطرقها متعبة ولكن الطبيعة الخضراء تنسيك كل السلبيات والأمطار شبه يوميا بدون رعود سبحان الله!! ربي عطاهم طبيعة وامطار شيء جنااااان
الأنشطة من دبابات بحرية ورحلات قوارب موجودة في المدن الساحلية بارخص الأسعار رحنا رحلتين وحدة تجديف قبل بنتوتة كلنا بحوالي 300ريال والثانية رحلة في قارب سريع ب200ريال نوراليا فيها بحيرة بس ماركبنا قارب فيها قالنا السواق خلوها في بنتوتة فيه رحلات صيد وغوص ممكن تتفقوا مع السواق يووديكم بس مارحناها عشان الأطفال عموما البلد يستحق الزيارة اهم شيء خذوا فنادق خمسة نجوم او منتجعات زي سينامون باي في بنتوتة ودولفين كلوب في نقومبو اكثر منتجعين انبسطنا فيهم