سفرك مع 2رضع

كملي خلينا نستفيد

الله يعينك واحد وحوسة كيف باثنين

طيب ليش عباتك طويلة مره
ليش مو مقاسك بالضبط ..!!
مو حلو أصلا وانتي لوحدك عباتك تسحب وراك فما بالك وانتي عندك بنوته في يدك وشنطة في كتفك و ولدك في اليد الثانية ..!!

والشوز ليش أكبر من مقاسك .. كيف تمشين .. ؟؟
رحتي للمطار وانتي مو جاهزة
وصار التعب تعبين ..

يعني انتي تعبتي نفسك اول ..!!

والسفر مع أطفال اكيد صعب لكن لازم احد يساعدك فيهم حتى يكبرون
إذا كانت زيارة لأهلك
أما سياحة مرة ما يناسبون أما تنتظري حتى يكبرون او تخليهم عند احد من اهلك


والله يعينك

كان خليتي الرضيع عندك شايلته وابو سنتين خليتيه عند ابوووه يمسكه <<<<الحياه تعاون

وكمان خليه يساعدك بشيل الاغراض مافيها عيب

انا مكان سفري تغيير جو كان لزيارة امي الكبيره والمريضه الله يشفيها ويرزقني برها الشي الثاني ماعندي اخوات خير شر المهم جلست على المقعد ودي ان علي ستاره من جميع الجهات ههههههه جاء المضيف وقالي عادي يجلس جنبك رجال :S_45:قلتلهﻻ والف لا هذا الي ناقص جابو جنبي بنت بخامس ابتدائ مسافره مع اخوها الي باول متوسط يهبلون الله يحفظهم لاهلهم ماصدقت وقلتلها بروح الحمام واخذ بنتي معي الي ريحتها طالعه وانتي امسكي ولدي ولاتخلينه يروح لو ايش شلت الصغيره والشنطه كان المقعد باخر الطياره فوصلت الحمام اعزكم الله بسرعه غيرت لبنتي وعدلت طرحتي ونقابي وغطاي الي كان رايح فيها ونظفت عبايتي من الحليب ورجعت للمقعد بنفس ثانيه طول الوقت كان صوت ولدي راج الطياره كانت الرحله مسائيه وان ميته جوع من 5 العصر في المطار غير اني طول اليوم ماكلت شي من الحماس اخذت لي رز وولدي مكرونه :21:وكان الرز لذيذ بس ولدي حلف مااتهنى فيه ومصارعه تمنيت اني رفضت العشا وكل شوي احاول ان المضيفه تشيل الاكل بدون فايده لين كبكب علينا وحاسنا وصلنا مطار ابها وماادراك مامطار ابها سلم وبعدين تمشين في الهواء الطلق لين المطار كنت شايله هم النزله المهم وصيت البنت الي جنبي تمسكه وساعدتني الله يوفقها وانتهت رحلت الذهاب بقولكم امور راح تساعد اي ام وحيده معاها رضيع فيه عربيه خاصه بالطياره موجوده بالشبلي تساعدك اثناء الانتظار وفي المسافات الطويله بس نشبه وقت السلم 2 لازم عبايتك تكون مسكره ونقابك مربوط مولزق عشان لايسحبه وتبتلشين تلبسين حذاء رياضي افضل اوحذاء مريح وسهل الجري به وقت اللزوم ههههههه3 ماتاخذين اكل في الطياره واخذي لك تصبيره احسن قللي من اغرض الشنطه قد ماتقدرين 4لازم تعرفين رقم الرحله وتحفظينه وبعد رقم المقعد حتى ماتتعدينه ويصير الرجوع له انتحار