السلام عليكم
اه يا بطة فتحتيلي جروح
انا رايحة على كندا واحتمال زوجي ازا ما لقي شغل بكندا يرجع عالامارات
وشو هاكلة الهم لاني رح اضل انا والولاد لحالنا هناك وهالشغلة بفكر فيها باليوم يمكن عشرين مرة
هو الله اللي بيحمي وبيحفظ بس الشيطان بيوسوس وما بيتهيالي الا الشغلات المو منيحة
يعني بقعد افكر لو صار لاسمح الله للولاد شي بنص الليل ؟والا لو انا صار لي شي ؟
شو بدهم يسووا الولاد؟ ومن هالحكي
الله يرزقه بشغل مناسب ويضل معنا هناك
يا ريت اللي مروا بهالموقف يعطوني من خبرتهم لانه في متل حالتي سفرته رح تمتد لاربع اشهر ويمكن سته كمان

ياقلبي انت يا نوغا والله زعلتيني عليك
الله يقدم لزوجك كل خير وانشاء الله ما بتحتاجي الا لوجه الله الكريم
مابتقدر مثلا امك تطلع لعندك بفترة سفر زوجك او اختك او .......او .........
يعني بكونو جنبك وبونسوك وبساعدوك بالاولاد

انا الحمدد لله رب العالمين مابخاف قعد فتره يسافر بس انا طول ماعندي النت مابمل بجلس عليه الا اناقايمه منه مهدوده وميته نعس طول فترت الليل وفي النهار بكون في دوام

فيعني مافرقت معي كثير لما سافر غير اني ماخبرت حدا انه سافر

والحمد لله ماطول في سفرته وبعدها ماعادها وشكرا لحسن الاستماع

هلا اختي دمعة حزن والله انا احيانا بقعد عالنت لحتى تحمر عيوني وبقوم من عليه ميته نعس انا بحط راسي عالمخده مابعرف بتصير فكره بتاخدني وفكره بتجيني وبتخيل شغلات كتيره

وفكرة انك ما تقولي لحدا ان زوجك مسافر انا بايدك فيها بس تكون بتعرفي لغة البلد المغتربه الها منيح
والله يحمينا ببلاد هالغربه ولا يحرمنا من العوده لبلادنا

عارفة اختي بطة
من شان ما تخافي شغلي سورة البقرة حتى بالليل
و ربنا بيبعد الشياطين و الوسواس باذنه تعالى