سفر الزوج شبه الدائم هل هو سبب للطلاق مع وجود الاطفال؟؟؟؟

يالله عشر سنوات ع هالحال ؟؟ طيب زوجها ايش رايه بهالوضع

مافيه حل الا انه ياخذها للمدينه اللي هو فيها اذا هي موظفه تدور نقل لوظيفتها عنده او العكس هو ينقل وظيفته عندكم. َوَاللَّهُ يفرجها لها

الحل يا أنها تنقل شغلها عنده وين ماكان ياهو ينقل عندها كذا مو حياه زوجيه ولا في استقرار للبنات كنهم عايشين بين ام وابو منفصلين ولو اظطرت خلها تترك شغلها اذا هو قادر يصرف عليهم

يعني وش بيفيدها الطلاق لاتطلقت
قولي تقكر تترك وظيفتها بنقول بيكون حل
تروح تسكن عنده
لكن طلاق!!
مجرد التفكير فيه غباء
الا لو يكون في بالها لاتطلقت تبغى تتزوج ثاني
الحل مافي حل الا انه يأجرلها شقة
وتسكن هي وعيالها فيها
وش ولدها صغير
هي حرمة كبيرة موظفة مو صغيرة ولا جاهلة ماتعرف تتصرف
وتستنى ولدها يكبر عشان تسكن بروحها
خلها تصر على هالشي
بترتاح كثير وهي في بيتها
وخلها تروح لعنده على طرل
وهو كمان
ولو هي معلمة بتكون هي اجازة
تروح هي وبناتها طول فترة الاجازة ويقعدو عنده
لين ماتبدأ الدوامات ترجع
حتى لو هناك مو موفر شقة
ياخذلهم شقة مفروشة

اختي متزوجة واحد من قرايبنا هي شغلها هنا وهو شغله بعيد فأغلب السنة عندنا هي عندها بنتين وولد طبعا اذا جا من السفر تروح بيت اهله عندهم غرفة وحمام بس هناك هي مب عارفة تتصرف مثل الناس حتى بنتينها في المدرسة اخوي يوديهم يوميا اذا بيروح يودي عياله الصغار يجي يمرهم ويوديهم معه حياتها مرة بعيدة عن زوجها بظروف الشغل تخيلوا حتى ايام العيد مسكينة عندنا زوجها مسافر واذا جا وراحت عندهم متورطة بضيق غرفتهم يعني بناتها كبار عشر سنوات وتسعة ومب دائما عماتهم ياخذونهم عشان ينومنهم عندهم ومب ماخذة راحتها ابدا وما عندها مطبخ بس غرفة وحمام يعني مبهدلة واذا خذوا شقة اجار مب مستاهلة لانها كلها كم يوم وزوجها يعود للشغل وما تقدر تقعد لحالها فتضطر تجي عندنا لان ولدها توه صغير صعبة يقعدون لحالهم ما في استقرار في حياتها وهي كارهة حياتها


بخصوص البيت عادي يأاخي وأنتي قلتي أنها من سنين كذا وأن مو حلوه ياخذون شقة أجار والموضوع كلها كم يوم
مره الموضوع مو مستاهل تهونها وتهون وكلها كم يوم ويرجع زوجها إن شاء الله ,,,

مرة انا اقول لو انها ما عندها عيال كان الطلاق سهل لان الزواج اساسا كان بسرعة وما حسبوا حسابهم لا الزوج ولا هي ولا حتى لقوا نصايح وتوجيهات من الاهل والحين تورطت بوضعها من عشر سنوات او اكثر وهي على ذا الوضع وبعد ما جابت عيال وكبروا صعب الموضوع اكثر انتن ايش رايكم هل الطلاق افضل في ذي الحالة؟؟؟؟؟

بالعكس المفروض تدعمينها بشكل
إيجابي أيش جاب سالفة الطلاق
الطلاق مو بالساهل وخلصنا وكذااا!!!
لازم توقف مع زوجها
والي يصبر ينول
المرأة تحب الأستقرار وغيره
يعني أذا اختك ماتخاف تستأجر شقة قريب من بيتكم
وخلص الموضوع تستقر ومتى ماجاء زوجها
يلاقي مكان مرتب يرتاح فيه
أبداَ لاتذكرين سالفة الطلاق والله الموضوع مو مستاهل
والحمدلله انها بخير وبنعمه وعند أهلك اختك
وكل طلباتها تمام فيه غيره مقطوعه من شجرة وزوجها على حال أختك وأسوء
قولي الحمـــــــــــــــــــــــــــــــــــد لله