سفهههههت زوجي ومرتاااااحة لتصرفي

مساكم فل وكادي
حبيت اسالكم اذا الوحده زوجها يتبع معها اسلوب التعليق يعني يوعدك ولا يوفي وهو يقدر وبقوه وفوق كذا اذا واجهتيه يا ينحاش برا البيت او يساااافر لين الامور تهدا ثم يعود وكأن شيئا لم يكن
انا عن نفسي احس السفهه تجيب نتيجه حتى في ابسط المتطلبات للزوج لان الزوجه ليست خادمه لمتطلباته دامه ما يقوم بواجباتها وابسطها السكن المناسب والمصروف وتوفير الخادمة دامها محتاااجه وهو غني جدااا
واكتشفت الزوجه انه ابو الفزعااات لاهله واخوانه عايشين مبسوطين على خيره وهم موظفين وعندهم رواتب تعيشهم ووعندها لا حتى البيت الملك ما حطه لعيالة
لو كنتوا مكان هالزوجه كيف تتعاملون مع هالاسلوب وكيف تطالبون بالي تبون
والي عندها تجربه او مر عليها تجااارب لاحد تسدحها هونا كود الله ينفعنا بهابس حبيت ابين نقطه هامه
#1 هو غني جدا وما طلبته بشي ما يقدر عليه ولا عنده ظروف تمنعة من اداء حقوقي عليه
#2 اهله ماهم بحاجته ويعرفون يدبرون انفسهم اذا احتاجوا الحين لو احتاج ما طق باب واحد منهم لانه عارف انهم ما راح يساعدونه
#3 ازعل اذا شفت خيره يروح برى وانا وعيالي مانحصل منه شي تخيلوا مئات الآلاف تروح وهو عارف انها ماراح ترجع ولا فكر فالسكن كل الي يقولة فالمستقبل متى يعني الله اعلم
#4 الاسره المتكاتفة ما ينسون انه وراه التزامات ولا على الطالعة والنازله هات وهات وعطنا وياليت يشيلون الجميله ولا تبين فعيونهم والله انه يسافر بالايام والاسابيع محد مد لي كيس خبز من ورا الباب
#5 بر الوالدين ما يعني انه ملزوم بالصرف في بيوتهم وهم غنيين وحتى لا هو ولا عياله ماكلين ولا منتفعين بشي بالرغم اننا بنفس البيت
#6 انا عندي اولاد وبنات وكلهم ينامون فغرفه وحده بالله هذا الشي صح( وفرقوا بينهم فالمضاجع) ساكنه 12سنه
واخيرااا
ادعوا لي