سقاني من قربه الم واللله

السلام عليكم ورحمة الله
عزيزاتي بنات عالم حواء
انا بصراحه مشاركه في المنتدى من كم شهر بس هذي اول مشاركه لي اتمنى تتقبلوني واكون خفيفه ع قلوبكم
ببدا بقصتي او معاناتي كما اسميها انا فتاه عمري 21 سنه تزوجت من سنه ونص تقريبا وزوجي غريب عني لكنه صديق لاخواني وفي نفس الوقت كانو اهله جيران لاهلي يعني يعرفونه من سنين وباخنينه لما تخرجت من الثانويه ودخلت الجامعه انتقلت اانا واهلي الى بيت ثاني لاننا مستاجرين بعد ما انتقلنا بشهرين تقدم لي هو واهله وانا استخرت ووافقت جلسنا 3 شهور مملكين وتعرفنا ع بعض وكان رومنسي بشكل كبيييير وزايد عن حده
وتعلق فيني هو من النوع اللي لاحب حب بجنون
بس بعد الزواج طبعا سكنت مع اهله في غرفه لحد ما تجهز شقتي والاتفاق كان مهله سنه ونص يجهزون فيها شقه والله يابنات اني شفت عادات غريبه عن عاداتنا مع اننا من منطقه وحد كلنا من الشمال والعادات نفسها
يوم الزواج صارت مشاكل كثير في قصر الافراح وعدت وعطونا خبر انهم مايسوون حفله ثاني يوم وقلنا اوكي مع انو عندنا لازم يكون فيه مسائيه عشا للعرسان وقلنا اوكي
ثاني يوم دقو علينا فالفندق وقالو تعالو فيه عشاء يعني حفله قلت كيف انا ماحسبت حساب اللبس كيف حفله ولا الذهب كله عندهم فالبيت مع اغراضي ودبرت نفسي عندهم لما وصلت وتفاجات ان اهلي محد منهم موجود وانتضرت قلت يمكن بيجو متاخر بس ماجو وقبل العشا تفاجات باخت زوجي تقولي امي نست تعزم اهلك ومتفشله تبي تكلمهم ومنحرجه لانها نستهم قلت دبرو نفسكم تسالوني وش تقولون لها انتو تحملو
وبعدين لما عشت معهم والله محد جاب لي هديه منهم كلها هدايا اهلي وقعدت معهم لكن من البدايه بدت الاوضاع تتغير اخته الوسطيه صارت تتدخل بيني وبين زوجي بحكم انها اقرب وحده له وتملي علي وش اسوي وش البس وتعلق ع كل شي اسويه وتقول لا مو عاجبني سوي كذا احلى فالبدايه سكت وبعدها نفذ صبري وقلت لزوجي وواجهتها بس هو ماسوى شي ولما اروح لاهلي تقول ليش تروحين لهم واليوم اللي يسمعون فيه اني بروح لاهلي تنعفس وجيههم ويناضروني بحقد
وحتى لما يسافر زوجي اقوله ابي انام عند امي كم يوم لانه مايجي الابعد اسبوعين بحكم عمله فالشرقيه والله يطلع عيني على ما يوافق لا وبعد يومين ما اتعداهم عند اهلي واذا بروح معهم زياره لقرايبي والله مايوافق الا هو منشف ريقي امي تضايقت لان خواته كل يوم رازين وجيههم عند اهلهم وينامون بعد بس انا ع الاقل زوجي مسافر انا اولى بالنوم عند الاهل منهم بس الشكوى لله
والله يابنات ربي شاهد ع كل كلمه اقولها واني ماضلمت احد واكتشفت انه ماله كلمه ولا شخصيه كل اللي اطلبه مايسويهالا اذا اهله وافقو يروح ويستاذن منهم وصارحته قلت له مايصير كذا اذا كنا بنطلع ولا بتجيبلي شي لازم اهلك يدرون يقول ايه لازم استاذن منهم قلت اوكي ومشيتها برضو
بعدها اكتشفت انه مريض بالصرع يابنات ولا علمني الا بعد الزواج لما كنا مسافرين للشرقيه تهاوشنا بالطريق وجاته الحاله تشنج واغماء وهو يسوق واشوا اللي ربي ستر وقدر يوقف السياره وطبعا تكررت هالمساله وانا قلت لاهلي انه طلع يشكي من مرض وراثي عندهم اهلي تضايقو ليش انهم خبو علينا
وكل مازعل من شي قعد يبكي ويروح يشكي لامه واخوه تصوروا مره زعلنا من بعض وصديت عنه حتى فالفراش ما ابييه يقرب مني لاني مقهوره منه قام بكى وراح يقول لامه واخوه حرمتي ابيها وصادتني....... تخيلو وجهي قدام اخوه لما يناضر فيني والله افتشلتمن تصرفاته
لحد مامر ع زواجنا سنه وكملت الشقه في رمضان اللي فات وصار ضرف وابوه توفى وقررنا ننتقل بعد عيد الفطر وطول هالفتره انا واقفه معهم في كل شي الحلوه والمره والصغيره والكبيره وربي الشااااااهد بس بعد عزا ابوه بيوم كنت لسه حامل واتوحم لي شهر شفت تصرف ماعجبني من امه واخته الكبيره اللي زعلانه عندنا من زوجها عاملوني كني شغاله اذا سالت عن حاجه يردون علي بدون نفس وامه ماتناديني باسمي تقولي .....هيه انتي جيب كذا ,,,,هيه انتي عندك كذا ولا لا
زعلت حز في خاطري هالشي طيب وحاولت اخبي بس ماقدرت سالني قال شفيك قلت له مافيني اصر علي وقلت اهلك وانا جالسه معهم يجرحوني يقولون عني اني مصيبه وجيتهم اخوه قال لامه ابي اتزوج ردت اخته الكبيره وقالت له لا تكفى يكفي علينا مصيبه وحده جالسه عندنا انت بعد تبي تجيبلنا مصيبه ...... تدرون وش قال قال يعني كل المشاكل اللي بيني وبينك وماتبينهم يقولن شي :o
قلت طيب الكل يصير بينهم مشاكل واختك بالذات اكثر وحده عندها مشاكل مع زوجها ... سكت وما رد علي ثاني يوم اللي هو اخر يوم قفي رمضان بكره عيد خلص الفطور وقالي امشي نفطر مع اهلي قلت لا انا مالي نفس بشرب مويه وبنام تعبانه لاني توني حاااامل وطلع ونا اللي مزعلني تصرفات اهله وقالت امه ماتبين تفطرين قلت لا والله ماني مشتهيه تعبانه وبريح قالت طيب
ولا انا اسمع ذاك الصوت العالي قلت هذي اخته اكيد مع زوجها كالعاده هوااااش يوم قربت من الباب الا هي تسب وتشتم وتلعن وهذا كللللله طلع عني ..... اللي ماتحترم نفسها واللي مدري ايش وسب فضيييييع والله
فتحت بابي شوي والا زوجي واقف ومنزل راسه وهي تسب فيني ولا فكر بقول كلمه ولا يدافع عني
انا ماتحملت وطلعت وقلت ليه كل هذا يافلانه وترى انا اعرف الاحترام من قبل نااعرفك قامت تسب ومدري ايش وتعلي صوتها شوي هو جا وقال خلاص اسكتي قلت ماتسمعها ششتقول واللله يابنات انها تسبني قدام اخوانها كلهم وتغلط علي غلط باااايخ قدامهم قامت قالت له اقلعها لاهلها لا اكسر رقبتها :44:قلت ليه جالسه في بيتك انا مو بكيفك توديني وتجيبيني قامت وهجمت علي تبي تضربني واخوانها يمسكوها عني وزوجي المشكله قاعد يدفني من رقبتي قدام اخوانه ويقول اسكتي وامشي داخل انا ماتحملت الموقف وانهرت وقعدت ابكي مثل اللي منخرعه ومو مستوعبه وخلاني البس عباتي ووداني لاهلي يعني نفذ رغبة اخته
وحلفت ما ارجع له اذا ماتعتذر اخته عن اللي سوته قال لا تبين اختي تعتذر لك انتي ليه انا ما ارضى انها تنهان قلت اختك هي اللي غلطت لازم ترد اعتباري قال لا قلت طيب انا ماراح ارجع
سكت ولا سوى شي
انا خلاص قررت اني ما ارجع له لاني مليت منه ومن طبعه اللي ماراح يتغير صحيح انه ماقصر معي في شي بس وانا ما انكر بس زوجي عديم الشخصيه اي شي يقولونه له اهله يجي ويقولي ترى الشي هذا مو عاجبهم طيب انا علي منك انت اذا عاجبك او لا يقول اهلي فوق كل شي :mad: لا خلاص معليش انا ماعدت اتحمل والله اني وصلت للانفجار وطلعت كل اللي في داخلي لاهلي حتى انهم لاموني وقالو ليه كنتي ساكته كل هذا وانتضرتي حتى حملتي بعد حتى شك شك فيني لدرجه انه يقولي هل بينك وبين اخوك علاقه عشان كذا انتي متعلقه فيه واقرب واحد لي :35: تخيلو بس تخيلو آآآآآآآآه ياربي وش اصبر عليه بعد
والله كان عندي امل انه ينصلح بس مافي فايده (( ابو طبيع مايجوز من طبعه )) والحين انا داخله فالشهر السادس ورافضه اني ارجع مهما صار لاني كرهته هو والعيب فيه هو لان مهما صار هذولي اهله ومالهم شغل فيني ولا انا لي ششغل فيهم بس خلاص .... عافك الخاطر.... ع قولتهم وطالبه الطلاق منه لما اولد بخير وسلامه ****لله ابيه يطلقني




وبس اتمنى انكم تدعولي بالفرج والراحه عسى الله ان يفرج على كل مسلم
واسفه ع الاطاله لكن انتم ملاذي وملجاي بعد الله سبحانه وشكرا :27: