السلام عليكم عزيزاتي الحوائيات
اكيد تتذكرون قصتي مع زوجي اللي يمشي برأي اهله
واللي اخته طردتني من البيت كنت حامل طبعا وصلت الشهر الخامس وللاسف ولا اعتراض طبعا توفي ولدي في بطني ,, كان جنيني ولد
وزعلت كثير على فقدانه كنت ابي احتفظ فيه واربيه احسن تربيه كنت ابيه يملي علي دنيتي بجكم ان ابوه مو قادر يحافظ علي لانه خايف من اهله طبعا لانهم هم اللي مايبوني , يالله شكثر زعلت ع ولدي اللي راح من بين ايديني وللحين زعلانه ومو قادره انسى اني فقدته
والحين لي 26 يوم من نزلت الطفل لدرجة اني شريت شراب صوف حق اطفال بدون محد يدري واحطه تحت راسي لانمت عطرته عطر كانت امي تستخدمه لكل اخواني وهم لسه صغار وكنت ناويه اني اشتري مثله عشان اعطر طفلي لما اجيبه كنت اعشق هالريحه ع الطفل وبعدين اقعد ابكي عليه بدون شعور لحد ما ادوخ وانام
وقلتلكم طبعا اني كنت طالبه من زوجي الطلاق بعد الولاده طبعا وهو كان رافض الطلاق بشكل نهائي وكان يقول اخيلك سنه وقد ماتبين عند اهلك لين تتتراجعين وتهدين بس المهم ما اطلقك قال ابوي خلاص يابنتي عشاني فكري للمره الاخيره وقلت طيب عشانك يا ابوي ,تعرفون الاهل مايبوني اتسرع طبعا قررت يابنات في هالفتره اني ارجع له بس بشروط طبعا كانت شروطي محد يتعرض لي من اهله ولا له كلمه علي وانا في بيتي وهم في بيتهم ,وما انزل لهم الا برغبتي بدون مايجبرني لا هو ولا اهله ولا له حق يقول انزلي اطبخي لهم او نضفي لهم
ولمابلغت اهلي بقراري امي دقت عليه وسالته عن شريط (c d ) صور يخصني ع اساس انها تمهد لموضوع رجعتي له وقالت له دور عليه عندك لان بنتي فاقدته مو مع اغراضها وانتبه لايكونو الناس اللي اخذوا اغراضها من قبل هم اللي خذوه برضو ,
طبعا انا قد تعرضت لفقدان بعض اغراضي بسبب انه يخلي خواته يدخلون غرفتي في غيابي ومعهم بنات من قرايبهم , قال لامي بحكم تفكيره المحدود يعني وش تقصدين اني انا ممكن انشر الشريط , امي ردت عليه : لامو انت بس اللي مايخافون الله كثير وسكرت امي من عنده ,ارسل لأمي رساله كاتب فيها :عيب عليك تتهميننا باننا اخذنا الشريط وتسأليننا عنه وبعدين احنا اللي لازم نسألكم مو انتم !!!
امي رجعت ودقت عليه وهي متفاجأه وتقوله:تسالوننا عن ايش احنا وش قلنا ولا وش سوينا لكم ؟
قالها:بخصوص موت الطفل !!
ردت امي وش فيه الطفل
قال:ليش ماعطيتوني خبر انها كانت بالمستشفى وان الطفل ميت وبتنزله....
طبعا انا قلت كنت قايله لاهلي لايعطونه خبر الا بعد ما اخلص لاني مابيه يجيني للمستشفى ويحاول يستغل وضعي عشان اسامحه لانه يحب يسوي نفسه مسكين وهذي نقطة ضعفي عنده ع طول اسامحه وارجعله
واول مانزل الطفل قلت لابوي يعلمه وابوي ماعلمه نسى , وبعد ماطلعت علموه وجاني للبيت وقعد عند ابوي وابوي شرح له انه كان ميت وهي ماتدري ونزلته
قال :طيب انا بروح الحين للبيت افطر لاني صايم ولا رجعت يصير خير
راح ورجع معه اخوه الكبير وعمته ووحده من خواته وجو يعاتبون ليش ماعلمتونا وليش وليش.......
يابنات انا ما انكر اني غلطت لما ماعلمته من اول ماعرفت انه ميت بس مهما كان الطفل لازم ينزل اولا واخيرا بعلمه او بدون علمه
وفوق هذا اتهموني اني انا اللي نزلت الطفل يعني ضريته انتقاما من ابوه هذا كلامهم عني بحسب المصدر اللي يجب لي اخباارهم
والله يابنات اني كنت ماودي اتركه ولا انفصل عنه بالذات لما شفته مايبي يطلقني واللي اثبت لي هالشي انه جا عند ابوي بعد ماترقدت انا بيوم يبي يعرف انا وش رسيت عليه بس ماقدر يفتح الموضوع مع ابوي لانه كان عند ابوي ضيوف وجلس تقهوى ومشى
لما دريت بجينه تفاءلت بانه لسه يبيني
وهذا انا اخذت قرار بالرجوع واعطيه فرصه ممكن يتعدل طبعه
بس........
للاسف كان رده على امي في نهاية المكالمه
انه خلاص الموضوع هذا طلع من يده وماعاد القرار قراره هو
تخيلو حتى في علاقتنا سمح لاهله انهم هم اللي يتخذو القرار في انه يرجعني او يطلقني
ياااااه شكثر تحطمت من رده نع ان امي ماعلمته لسه انه اتصالها كان بنية اني ارجع له هو اللي تكلم من نفسه
واللي يوصلي اخباره ماكان يقول انه هذا تفكيره كان يقول لي انه متمسك فيني وحازفي خاطره بعدي عنه ورحيل الطفل وانه كان كل ما اشتاق لي يجي ويدور عند بيت اهلي بالسياره بدون محد يدري عنه
وانا صراحه مصدوووووومه من رده اللي قاله لامي والله تعبت كل ما اخذ قرار يصير شي يخليني اتراجع وافكرمن جديد بعكسه وكمان وصلني ان اخته اللي طردتني تتهدد انها تزوجه احسن مني وتقوله خلها تولي لاتفكر فيها ماتستاهلك
تكفووووون ساعدوني وش اسوي مدري وش اسوي وهو عاد مايقدر يقولهم لا حتى لو كان الشي مو من صالحه او بياثر عليه
عودهم انه يسوي اللي هم يبونه حتى على حساب مصلحته
لا انام الليل ولا ارتاح مثل العالم ونفسيتي غلط بغلط
حتى جسمي تغير الاكل ما اكل وبس مهموووووومه وع لى طول ابكي ع اللي قاعد يصير لي والله انا ما اذيت احد ليش اهله يسووون فينا كذا لييش حتى تخيلو محد فكر من اهله يجي عشان بس ارجع كلهم يبون الفكه مني وهو اغلب جياته تكون بدون علمهم
وبس واااااسفه على الاطاله واعذروني بس والله مالي بعد الله غيركم
شورو علي وادعولي بالفرج عسى الله يوفقكم دنيا واااخره والله اني محتاجتكم حييييييل
تقبلوا ازعاجي لكم ........ شموخي عالي
شمووخي عالي @shmookhy_aaaly
عضوة جديدة
يلزم عليك تسجيل الدخول أولًا لكتابة تعليق.
حبيبتي فكري بي ايجابيات الموضوع بدال ما تفكير بي الماضي يمكن ربي رايد لك الخير من موت الطفل
يمكن من الافضل تنفصلين عنه وما ترتبطين منه بولد ويرزقك الله رجل افضل منه رجل فعلا بمعنى كلمة الرجوله مو رايح وجاي يسمع كلام الحريم صدقيني النوعيات هذي ضعيفين الشخصيه عمرهم ما راح يتعدلون او يحسون على دمهم لو رجعتي راح يكون محور حياتك اهله ومشاكلهم وبعد كم سنه راح تتمنين انك ما رجعتي ولا جبتي عيال منه
اهله ناس مريضين يسببون المشاكل وفوق كل هذا يتهمونكم وزوجك ما كلم ابوك علطول راح لاهلهل وخبرهم بي الموضوع وعبو راسه ورجع معهم فعلا ما يستحي وطرطور مدري ليه انتي لحد الحين مستحمله او باقيه عليه انسان طردك وانتي حامل وش تنتظرين منه لو فكرتي بعقلك وتركتي عواطفك على جنب ساعتها راح تركزين زين وتتخذين القرار السليم
بي النهايه الله يرحم طفلك ويجعله من طيور الجنه ولا تتحسفين تراه سبحان الله يوم القيامه ينتظرك عند باب الجنه ويشفع لك بي دخولها واله يرزقك الذريه الصالحه اللي تبر فيك واستخيري وادعي ربك ان كان فيه خير يصلح فيما بينكم وان كان قربه شر لك الله يبعده عنك
اتمنى ما جرحتك بكلامي او زعلتك بس من حرتي عليك ولو عندي اخت مثل حالتك اكيد راح اقولها نفس الكلام
يمكن من الافضل تنفصلين عنه وما ترتبطين منه بولد ويرزقك الله رجل افضل منه رجل فعلا بمعنى كلمة الرجوله مو رايح وجاي يسمع كلام الحريم صدقيني النوعيات هذي ضعيفين الشخصيه عمرهم ما راح يتعدلون او يحسون على دمهم لو رجعتي راح يكون محور حياتك اهله ومشاكلهم وبعد كم سنه راح تتمنين انك ما رجعتي ولا جبتي عيال منه
اهله ناس مريضين يسببون المشاكل وفوق كل هذا يتهمونكم وزوجك ما كلم ابوك علطول راح لاهلهل وخبرهم بي الموضوع وعبو راسه ورجع معهم فعلا ما يستحي وطرطور مدري ليه انتي لحد الحين مستحمله او باقيه عليه انسان طردك وانتي حامل وش تنتظرين منه لو فكرتي بعقلك وتركتي عواطفك على جنب ساعتها راح تركزين زين وتتخذين القرار السليم
بي النهايه الله يرحم طفلك ويجعله من طيور الجنه ولا تتحسفين تراه سبحان الله يوم القيامه ينتظرك عند باب الجنه ويشفع لك بي دخولها واله يرزقك الذريه الصالحه اللي تبر فيك واستخيري وادعي ربك ان كان فيه خير يصلح فيما بينكم وان كان قربه شر لك الله يبعده عنك
اتمنى ما جرحتك بكلامي او زعلتك بس من حرتي عليك ولو عندي اخت مثل حالتك اكيد راح اقولها نفس الكلام
اول شي اسأل الله ان يستقبلك جنينك عند باب الجنه ياحي ياقيوم .. وطير من طيور الجنه ان شاء الله
حبيبتي موتة الطفل خيره وكل امر الله خيره
مااحب اقول لوحده اتركي زوجك او خليه يولي ابدااا لكن مع خالص احترامي لك ولقصتك ماشفت شي يستدعي التفكير طالما ربي اخذ امانته وفقدتي جنينك
مافيه شي مميز ذكرتيه يخليك تحاربيييين لاجل هالرجال !! هذا انتي تعبانه وانتي مو معه واصلك شر اهله الله يسامحهم كيف لارجعتي ؟؟
بتقولين بشرط واشرط بيقولون اوك وبيسكتونك ولارجعتي ماظن بيتغير شي وبتحملين ان كتب ربي وتتدبسين برجال مو بكفو "احترامي"
وكل هالشي على حساب صحتك وعمرك .. لييييه كل هذا ؟
فكري بعقل والعمر قدامك واللي خلقه خلق مليون افضل منه
والقرار النهائي بيدك
استخيري وربي يكتب لك الخيره
كل الود
حبيبتي موتة الطفل خيره وكل امر الله خيره
مااحب اقول لوحده اتركي زوجك او خليه يولي ابدااا لكن مع خالص احترامي لك ولقصتك ماشفت شي يستدعي التفكير طالما ربي اخذ امانته وفقدتي جنينك
مافيه شي مميز ذكرتيه يخليك تحاربيييين لاجل هالرجال !! هذا انتي تعبانه وانتي مو معه واصلك شر اهله الله يسامحهم كيف لارجعتي ؟؟
بتقولين بشرط واشرط بيقولون اوك وبيسكتونك ولارجعتي ماظن بيتغير شي وبتحملين ان كتب ربي وتتدبسين برجال مو بكفو "احترامي"
وكل هالشي على حساب صحتك وعمرك .. لييييه كل هذا ؟
فكري بعقل والعمر قدامك واللي خلقه خلق مليون افضل منه
والقرار النهائي بيدك
استخيري وربي يكتب لك الخيره
كل الود
أنا هي
•
اولاً . الله يجبرك بمصيبتك . وجنينك تجدينه عندي ربي شفيع لك باذن الله .. وتذكري ان الخيره بما اختاره الله . يمكن خير لكي وله . وبمانكم دائماً مشاكل . ماذنب طفل يطلع على الحياة وهو حامل مشاكل والديه .!
صراحه مع هالشخص صعب العيشه
الي ماله شخصيه واهله مسيطرين عليه . بس يعطونه اوامر .
الاحسن ان تنفصلين عنه . وتحمدين ربك ان مابينك وبينه اطفال .
هذا طبعه وصعب تغيرينه .
فكري لوحدك . هل الايام الي عشتيها مع زوجك في راحه نفسيها ؟ ام لا ؟
وفقنا الله واياكِ لكل خير
صراحه مع هالشخص صعب العيشه
الي ماله شخصيه واهله مسيطرين عليه . بس يعطونه اوامر .
الاحسن ان تنفصلين عنه . وتحمدين ربك ان مابينك وبينه اطفال .
هذا طبعه وصعب تغيرينه .
فكري لوحدك . هل الايام الي عشتيها مع زوجك في راحه نفسيها ؟ ام لا ؟
وفقنا الله واياكِ لكل خير
هلا أختي
انا مارديت عليك الا بعد مادخلت ملفك وقريت قصتك
مع احترامي لك انتي الغلطااااانه
والا من البدايه زوج مثل كذااا ماينصبر عليه
اتركيه غير مأسوف عليه ويمكن موت هالجنين خيره لك عشان تنهي أي شي يربطك فيه
الله ييسر امرك
انا مارديت عليك الا بعد مادخلت ملفك وقريت قصتك
مع احترامي لك انتي الغلطااااانه
والا من البدايه زوج مثل كذااا ماينصبر عليه
اتركيه غير مأسوف عليه ويمكن موت هالجنين خيره لك عشان تنهي أي شي يربطك فيه
الله ييسر امرك
الصفحة الأخيرة
الله يوفقك ويسهل لك يارب