بسم الله الرحمن الرحيم
كيفكم يا حلوين ..؟؟
طبعاً الحين بعد ما روقت شوي بكتب لكم قصة إجهاضي المؤلمة ..
حاولت اكتب لكم اياها الفترة الماضية لكن نفسيتي كانت جداً تعبانة والحمدلله على كل حال ..
المهم كل وحدة تقرا قصتي تدعينلي إن ربي يرزقني الذرية الصالحة ويعوضني ببنوتة حلوة ^_^
انا متزوجة قبل سنة وشهرين تقريباً والحمدلله ربي رزقني بالحمل بعد 10 شهور من زواجي ..
كل أموري كانت تمام في حمل .. صحيح الوحم كان قارفني بس الحمدلله الجنين كان بخير
قبل أسبوعين تقريباً أمي وأبوي كانو مسافرين وانا كنت عند خواتي في السعودية .. وأنا ساكنة في البحرين
المهم كانت نايمة خالتي عندنا من اليوم اللي قبله وكل شي تمام .. كان يوم الأثنين .. راحت خالتي المغرب من عندنا
وانا قاعدة ما فيني شي إلا اللهم إفرزات فضيعة قاعدة تنزل علي .. اتصلت بزوجي في البحرين وقلت له اتصل بالدكتور الفلاني وقوله إنه ينزل علي افرزات كثيرة اش اسوي ؟؟ وكلمه وصرفلي علاج خفيف وقال هذا مع الحر يمكن معها فطريات !!
شريت الكريم .. وقريت الورقة طلع ما يستخدم إلا عند النوم فقلت خلاص قبل لا انام بستخدمه !
شوي دخلت الحمام تكرمون إلا واحس المكان من قدام قاعد يتوسع .. وكل ما حاولت أبول أعزكم الله ما أقدر والمكان من قدام يكبر وشي يضغط وبنزل !! انا بغيت أنجن !! طليت بتأكد من اللي أحس فيه ولا أشوف طرف شي !!! حطيت يدي ولا طلع كيس الجنين ... انا من الرووووووووووعة وقفت بسرعة ولبست ملاسي وطلعت على طووووول كلمت زوجي وقعدت أبكي ما أدري اش اللي يصير .. المهم قلت له ترا صار كذا وكذا !!! قالي خالتك عندكم قلت له لا مافي أحد معانا !! قالي دقي على خالتك بس عطيها خبر لا يصير فيكِ شي .. قلت ما يحتاج إذا حسيت اني تعبت بكلمها .. وسكرت جوالي واروح بسرعة اصلي ركعتين عشان اهدى .. وانسدحت على ظهري شوي ..
ما كان فيني أي ألم ولا شي إلا من الخوف حسيت ألم بظهري ... اتصلت بخالتي وقالت أنا الحين جاية مسكينة تخرعت واختنقت!! توها تاركتني ما فيني شي !!!
جات خالتي وقالت يالله عالمستشفى .. قلت لها مو لازم انا مافيني شي .. قالت لا بس نتطمن .. ولبت عباتي ورحت ..
ودخلت على الدكتورة الله لا يوفقها ان شالله ..<<< من القهر اللي فيني الحين بتدون اش سوت معاي !!
دخلت قالت لي اش فيكي قلت لها ما ادري دخلت الحمام وحسيت شي يضغط علي والمكان يتوسع .. قالت : نزل دم أو ماي عليكي ؟؟ قلت : لا ولا شي .. قالت : روحي نامي عالسرير ..
شافت نبض الجنين وكل شي تمام وكان واضح جداً !! ... قالت لي نزلي بنطلونك بفحصك داخلي !! انا كنت بنجن بس قلت دكتورة وهي أدرى !! وانا من الروعة ما ادري شسوي .. فصخط وفحصتني وانا صرخت يوم دخلت يدها لأنها كانت دفشة !!
الدكتورة كانت مصرية .. وأول ما دخلت يدها قامت تصارخ ... دي بتولد .. دي فحالة ولادة مبكرة !! دي ولادة مبكرة << أنا ما استوعبت شلون ولادة مبكرة في الرابع ؟؟
كملت الدكتورة صراخها .. هيا حالة ولادة بس الجنين لو اتولد حيموت طبعاً مش حيعيش ؟؟!! <<< زادت صدمتي !!!
دي لازم تسوي حالاً عملية تنظيف .. شوفي المستشفى اللي عايزة تولدي فيها سواء هنا ولا برا المهم الجنين لازم ينزل ؟؟
خالتي تقولها طيب مو ممكن ابرة تثبيت أو أي شي .. قالت لا .. الحين تروح تسوي العملية ..
قالت لها خالتي بنسوي العملية هنا مين بيشرف على حالتها انتي ؟؟
قالت الدكتورة : أنا دوامي خلص .. استني الدكتورة المناوبة هيا اللي تعملها العملية ..
خالتي بتنجن : طيب انتي اللي كشفتي عليها !
الدكتورة : انا مليش شغل ! انتهى دوامي .. استني المناوبة !!!!
دخلوني على غرفة السونار وجا الدكتورسألني نزل دم أو ماي ؟؟ قلت : لا .. وسوالي الأشعة .. كنت أشوف ضناي وقلبي حي في بطني ودقات قلبه واضحة ويتحرك ما فيه شي كيف بينزل الحين وبيموت !! حسبي الله ونعم الوكيل !!
خلص الدكتور ونادى خالتي وقالها : مين اللي قالكم انها بتسوي عملية .. قلت له : الدكتورة فلانة ..
قال : الجنين مافيه ولا شي .. بس الرحم عندها شوي مفتوح وكيس الماي نازل تحت .. ما تحتاج عملية !! وحالتها هاذي معجزة نادر لما تجينا حالات الرحم مفتوح ومانزل عليها شي !!!!! سبحان الله
بنعطيها ابرة وحبوب مثبتة وما تتحرك عن ظهرها أبدا .. وقال انا مستغرب الدكتورة كيف فحصتها داخلي إحنا في هاذي الحالات ما بنفحص داخلي !!!!
رجعت البيت هذيك الليلة والحمدلله .. وحسبي الله على الكتورة اللي كانت بتسببلي انهيار عصبي ..
المهم بعد ما رجعت لقيت نقط دم خفيفة .. وأتوقع كانت من الفحص لأنها ما كانت موجودة قبل ما تفحصني الدكتورة ..كلمت الدكتور وقلت له فيه دم قال إذا نقط خفيفة طبيعي لا تخافي منها إذا زادت إرجعي المستشفى ..
ونمت هذيك الليلة بالعافية طبعا بعد اللي صارلي ... وصحيت الصبح ...............
انتظرو البقية لأني تعبت من الكتابة !!!! ولأن اليوم الثاني كان حافل بالأحداث ...
لا تنسوني من الدعوات .....
التكملة .......
يوم الثلاثاء الساعة 8 صباحاً .. صحيت على الم فظيع في ظهري .. قمت الحمام ورجعت نمت ..
الساعة 10 صباحا صحيت وكنت نايمة على جنبي .. قلبت على ظهري ولا بشششش شي انفتح ونزل شي مني .. ولا المكان تحتي كله دم ... صحيت خالتي كانت نايمة معي بنفس الغرفة وقلت لها نزل دم راحت بسرعة صحت اخوي وقومتني أبدل ملابسي لأني كنت مو قادرة امشي ورحنا المستشفى .. الدكتورة شافت الدم قالت لازم فحص داخلي في هاذي الحالات ..
فحصتني وقالت الجنين نزل .. ولازم عملية تنظيف .. وقالت شوفي بتسويها عندنا ترى تكلفتها غالية 4 آلاف بدون التحاليل .. شوفي المستشفى الفلانية والفلانية أرخص منا ... انا ماكان همني الفلوس اتصلت بزوجي وقلت له قالي سويها في اي مكان المهم سلامتك ..
أخوي أصر انا نروح لمستشفى ثانية :: حكومي :: ورحنا .. وصلت هناك على الساعة 11 وشي .. ونفس المنوال فحصتني الدكتورة وقالت الجنين نزل من الرحم .. وشوي إلا قالولي الدكتور بيجي .. احم دكتووور ليش !!
جاني الدكتور وقالي شرحت لي الدكتورة حالتك بس لازم انا أعطيهم التشخيص النهائي وانا اللي بسوي العملية لو استدعى الأمر .. قلت له مافي دكتورة غيرك <<<< ابغاه يفهم ما ابغى تفحص !!
قال انا أكبر استشاري هنا وأنا الدكتور المناوب مافي غيري .. قلت له طيب اطلع برا بكلم زوجي وارد لك خبر << وحدة فاضية
المهم كلمت زوجي وقلت له ان مافي إلا دكتور !! قالي خلاص توكلي على الله .. وانتي مضطرة .. ..
قلت للممرضة نادي الدكتور وجا وفحص وقالي بنعطيكي طلق صناعي وابرة توقف النزيف .. لأن النزيف شديد .. عطوني الطلق ومحلول عشان يوقف النزيف .. وقال بننتظر عليكي وان شالله ينزل لحاله وما يحتاج تنظيف ..
طبعا هذا الكلام كان على الساعة 11 ونص تقريبا ... واستمر الطلق يجي ويروح بس خفيف وكل ما جات طلقة نزل دم كثييير زي الماي ولا 3 أكواب في كل مرة ..
والدكتور يروح ويجي ويقولي حاولي تدفعي .. وانا ماني قادرة ... طبعا هو قالي ان سبب هالمشكلة ان عضلات عنق الرحم ضعيفة عندي .. وقالي امس لما رحتي المفروض سوولك ربط لعنق الرحم .!!
قلت له دكتور اش سببه .؟؟ قال أنا مستغرب انتي توك صغيرة 20 سنة !! وهذا اول طفل لك !! ولا عمرك سويتي أي عملية قبل كذا .. ما أقدر أقولك اش السبب لأن مافي سبب واضح !! يمكن يكون وراثة !
المهم قعدت انزف للساعة 2 الظهر وللحين مارضي ينزل الجنين .. جاني الدكتور قال مارح اقدر استنى عليكي النزيف شديد ومو راضي يوقف لازم الحين العمليات ..
المهم سوينا الإجراءات وكان زوجي جاي من البحرين الحمدلله .. ووقعنا ودخلت ...
وكان أصعب وقت لما قالولي انتقلي من السرير للسرير اللي بسوي عليه العملية في غرفة العمليات ... ويادوب حركت نفسي وأنا أصارخ من الألم ... والغرفة كانت باااااااااااااردة زي الثلج فزادت علي المغص والألم ... وانا ما ادري بس أصارخ من الألم .. وأحاول أكتم لأن أغلب اللي حولي رجال !!! وفيني الصيحة على نفسي اول مرة امر بهالموقف ماعندي ولا احد غير ربي ..
المهم انا في البداية كنت مغطية وجهي بشرشف اللي كان مغطيني بعدين ما قدرت انكتمت خخخخخخ جا دكتور التخدير وقاعد يحضر الجهاز ويقولي اصبري شوي ومارح تحسي بحاجة .. وانا الألم يزيد ما أدري كم قعدت المهم آخر شي أذكره عطاني كمامة وقالي خذي نفس أنا صرت أشفط بقوووووووووة خلاص من الألم أبغى اي شي يخفف .. وبس ما أذكر آخر شي إلا الكمامة واني كنت ماسكة يد الممرضة مدري الممرض بقوة عشان ما يسوولي شي لأن كل ماتحركت زاد الألم ... وبس ما ادري اش صار بعدها ...
لما صحيت .. احس راسي ثقيل .. واحس احد قاعد يفك الأكسجين عني ..واسمع صوت أجهزة فوق راسي .. المهم بالعافية فتحت عيوني واشوف الممرضة فوق راسي .. سألتني كيف الحال ؟؟ هرزيت براسي الحمدلله .. لساني كان ثقيل من البنج لسه ..بس أحس اني كنت مرتاااااااااااااحة مافي شي ببطني صار خفيف ولا في ألم بظهري ....
والحمدلله على ما خلصت من إجراءات العمليات طلعوني بعد ساعة من لما صحيت من البنج ورجعوني للطوارئ تحت الملاحظة 6 ساعات .. وجاني الدكتور وقالي كل شي تمام .. بس لازم تعوضي الدم اللي فقدتيه .. دمك كان 12 وصار 8 وأخذنا عينة من المشيمة ونتيجة تحليلها بتطلع بعد العيد ان شالله بنعطيكِ موعد ونشوف .. ولازم الحمل الجاي تسوي ربط لعنق الرحم من الأسبوع 13 ..
قعدت تحت الملاحظة وعلى أساس اني الساعة 9 تقريبا بطلع البيت ... وشوي إلا الحرارة ترتفع .. فقالوا معاها التهاب تنويم ... وآآآآآآآخ أكره المستشفى .. ونوموني في المستشفى من يوم الثلاثاء ليوم الخميس .. لين ما انخفضت الحرارة وعطوني أكمل المضاد الحيوي في البيت ...
وفي نفس اليوم اللي طلعت فيه من المستشفى اهلي جو من السفر والحمدلله ...
بس كانت تجربتي صععععبة أصعب تجربة في حياتي ... طلعت من العمليات أقولهم لا حد يقولي احملي مرة ثانية خخخخخخخخ ....
ربي يعوضني خير ان شاء الله .. والحمدلله .. يمكن مالي خيرة بهالولد .. الله يخلفني خير ..
وانتهت قصتي الأليمة .. الله لا يوريها لأحد .. كتبت لكم اهم أحداثها .. وتركت بعض التفاصيل ..
بس نسيت أقولكم إن أساس اللي صارلي هو سحر أو عين ... قالي أحد المشايخ ...
حسبي الله ونعم والوكيل ...
ربي ما يحرم أحد من الذرية يارب ...
ودمتم في رعاية الله ..
//ألوان// @aloan_7
عضوة نشيطة
يلزم عليك تسجيل الدخول أولًا لكتابة تعليق.
أسيرة زوجي
•
اللهم اجرها في مصيبتها واخلف لها خيرا منها لاحول ولاقوة الا بالله الله يرزقج ويعوضج خير يارب
حسبي الله عليها اذا كانت تسببت في نزول جنينك
انتبهي انت والبنات مافيه فحص داخلي ابدا اثناء الحمل انتبهووووووووووووو
الا في الشهر الاخير بسسسسسسسسسسسسسسسسسسسسسس
لاحول ولاقوة الا بالله
الله يجبر مصابك ويعوضك خيرا منه
انتبهي انت والبنات مافيه فحص داخلي ابدا اثناء الحمل انتبهووووووووووووو
الا في الشهر الاخير بسسسسسسسسسسسسسسسسسسسسسس
لاحول ولاقوة الا بالله
الله يجبر مصابك ويعوضك خيرا منه
الصفحة الأخيرة