سقط القناع بسرعه ...وكشف الله كذبها.

بسم الله الرحمن الرحيم
السلام عليكم ورحمة الله وبركاته..
وبعد ..
كيف حالكم اخواتي العزيزات قطعت فتره ورجعت لكم .
بدخل في الموضوع علي طول هذا اخوي عايش بيت امي توه متزوج صار له أقل من شهرين جاب لي امي علي أساس رايح يودي زوجته العياده وبيرجع يأخذ امي قلت له خلاص خليها وتعال لها العصر راح وما رجع امي الحت علي اتصلي علي اخوك يجي ياخذني قلت لها امي خليك معي أنا ابيك قالت لا أنا ابغي أروح بيتي اتصلت عليه وجاء وقال لها خليك اليوم مع ام سالم وبكره من الصباح بجي أخذك . .هو لما جاء جاء مع زوجته وطلب مني عشاء لزوجته وسويت لها ولما تعشو وخلصو رحت الم السفره ...صار نقاش بينهم وبين زوجته أنا ما سمعتها لكن اظاهر قالت له خلي امك مع اختك ..لكن لما رجعت من المطبخ امي مسكينه ماسكه عبايتها تبي تروح قال لها لا بكره برجع باخذك ..وللاسف راح وما رجع اتصل فيه ويتهرب ولما امي تصر تكلمه يوعدها ويقول لها أنا ما استغني عنك بجي أخذك ويمنيها ..
وصار هذا حالنا ثلاث ايام آخر يوم أنا عصبت عليه وقلت لا عاد تتصل ولا تجي ابدا ليش تعلق قلب امي خلك واضح وصريح قول زوجتي ما تبي تعيش مع امي لكن لا تنسى انه هذا بيت امي.لكن اشبع فيه أنت وزوجتك امي بتعيش معي و بحطها فوق رأسي ..الي مزعلني في الموضوع أنه ما يبي امي عشان زوجته واحنا رضيين لكن الانسان يكون واضح ..من البداية ..
وللعلم هيه ما تقوم في امي مجرد انها ساكنه معها فقط البيت ملك لأمي وأمي عندها شغاله بلأجر تجي يوميا اتنظف وتطبخ لها واختي تجي تجلس معها وتناوب عليها ما نخليها ابدا امي ..
وبالعكس أنا فرحت لما جات عندي أمي أخدمها بعيوني لكن الطريقه استفزازيه وجارحه لأمي ما تقبلناها ..
واحنا سبق عرضنا عليه لما تزوج في البدايه انه اختي تاخذ أمي معها تعيش بس هو وزوجته رفض وقال زوجتي تستوحش تجلس في البيت لما أروح الدوام ..
المهم في النهاية أنا قلت له لا تجيب زوجتك عندي ابدا لاني الصراحه كرهتها من تصرفها البايخ وهيه من جات وهيه تحرضنا على زوجة اخوي الكبير لكن احن ما نعطيها فرصه لانها تتكلم عليها وتروح تتغدي وتسهر معها فيها تناقض كبير ..


الغريب في الموضوع آني بعد ما شرشحته هو وزوجته في تيلفون ارتحت كثير وحسيت انها هم ونزاح عني ..والحمدلله أمي جالسه معي مرتاحه وكل ما سويت لها شي تدعي لي بالخير .
سابقا كنت لما يصير خلاف بيني وبين شخص أجلس أفكر واكون مهمومه حتى لو كنت على حق اما في هذا الخلاف احس بانتصار .آني قطعت على زوجة اخوي من البداية العلاقه ما فيه داعي انها تمثل علينا الطيبه وهيه خبيثه وتستقلنا لمصلحتها ..
وأنا اسفه على الاطاله ..واتمنى من الله يقويني علي خدمة امي ويرضى عني.والحمدلله انها سقط قناعها المزيف قبل لا تتعمق علاقتنا بها ويكون الجرح أكبر ..