--------------------------------------------------------------------------------
مرحبا خواتي ،، اكيد قريتوا خبر الاسرة المواطنة اللي سقط عليهم سقف منزل امس (والكلام الفارغ اللي نزل في جريدة الامارات اليوم بقلم الصحفي سامي الريامي)
انا وحده من ضحايا حادثة سقوط السقف وانا ابنه صاحب هذا المنزل
راح اذكر الاسماء بالحرف ((عبدالله البلوكي)) المسئول في مكتب التعويضات فرع السطوة والتابع لدائرة الاراضي والاملاك _دبي ،، والكلام المذكور في الجريدة الامارات اليوم كله كلام فارغ ماله اي صحة ،، (اما جريدة الخليج والبيان معظمه صح)
حضرته خله المسئولية واللوم على ابوي بكلام فارغ وقلب السالفة كله على ابوي بس علشان يبري ذمته
والحمدلله ان ظهر الحق في البث المباشر اليوم مع الاستاذ جمال مطر على لسان اختي خولة ،، ووصلت التفاصيل الصحيحة كلها،، جمال مطر ماقصر زارنا البيت وشاف الحالة كيف صايرة واتخذ الاجراءات
الكلام اللي مكتوب في جريدة الامارات اليوم كلام المسئول عبدلله (المسكين جا يكحلها بس للاسف عماها)
اولا وقبل كل شي :
السبب الاول والاخير للحادثة هي 1- تطنيش دائرة الاراضي والاملاك لرسالتنا وشكوانا + اعمال الهدم والبناء اللي صايرة في المنطقة (والله ان البيت يهتز من الساعة 11 ونص بليل لحد الساعة 7 الصبح ومرات لين الساعة 10 الصبح) لدرجة ان لما انحط كوب على الطاولة الكوب يهتز !!
خذوا الموضوع مني ،، تخيول الموقف بس ،، الوالد ربي يطول في عمره صارله أكثر من شهرين ير اكض فمكتب التعويضات فرع السطوة والتابع لدائرة الاراضي والاملاك وخصوصا عند المسئول عبدلله ،، ابوي راح لهم 3مرات ، وفق هذا ارسل لهم رسالة يقول فيها ان البيت مايصلح للسكن فيه وان ممكن ان ينهار علينا ولكن ما من مجيب ،، ودايما يقولون بعده ماجا دوركم وراح نتصل عليكم وانبلغكمم وبعد مامن مجيب ،،
22 شخص يسكنون في بيت واحد قابل للانهيار ،،
وقبل امس ونحن نايمين (7 بنات في غرفة وحدة + الجدة) الساعة 10 الصبح بالضبط انهار السقف علينا ونحن في عز نومنا مالقيت نفسي الا وانا في حضن اخوي ،، مااشوف جدامي غير حصا تتناثر وغبار وقبل لا اطلع من الحجرة الحصا والرمل كله صار في فمي من قوة الصدمة صرت ابلع الحصا،، وشفت اختي عمرها 14 سنة الطوابيق منهاره عليها والله العظيم يا اخوان افتكرت انها ماتت ،، طلعت منصدمة وخواتي بعد طلعوا منصدمات مانعرف شو اللي قاعد يصير وجدتي طاحت عليها طابوقة يالله شكبرها كسرت لها ريلها ،، وامس سوولها عملبية جراحية فالريل !! خليكم بمكانا شو راح اتسوون ؟؟!!
والحمدلله يونا الاسعاف والشرطة وشلوا المصابين للمستشفى ،، ويونا من البلدية شافوا البيت من بعد انهيار السقف ،، نزلت سقوف الغرف الثانية ،، اطرينا ان نبات في الصالة (اتخيلوا18 شخص يباتون في صالة صغيرة) صرنا مثل اللاجئين ،،
مواطينين من دولة الامارات صاروا لاجئين مايقدرون ينامون في غرف !!!
وبعدها شرف الاستاذ عبدالله من مكتب التعويضات فرع السطوة والتابع لدائرة الاراضي والاملاك بيتنا وشاف الحادثة شو تتوقعون رده على الوالد ((والله يقول بعده مايا دوركم)) متى بيي دورنا لما العايلة كلها بتموت ؟؟
وحضرته يايب الرسالة قارنها في يوم الحادثة مع ان الرسالة ارسلناها له قبل شهرين !!
وبخصوص المنزل اللي انعرض علينا والمبلغ ماهو الا اغراء علشان يسكتنا ومانفضح أمره في الجرايد ولا في البث المباشر (سبب رفض ابوي للعرض كان لعزة نفسنا ،، يعني مايجي واحد شرات عبدالله يغرينا بفلوس علشان يسكتنا ومانفضح أمره للناس)
الجرايد تكتب كل شي ،، وحاطين الغلط على ابوي المسكين،، ياما تكلمنا ويما ارسلنا رسايل وياما رحنا لهم لكن مامن مجيب ،، لما طاح السقف علينا افتكروا فينا
وهذي صور من الانهيار ،، شوفوا واتفرجوا
صورة مع التحية لشيوخ الامارات ..
وصوره مع التحية لا ابراج دبي ..
أأأأأه يالقهر بلادنا أستوت للغريب ..