سكاكين تطعن بقلبي..!!

سلام عليكم ورحمة الله وبركاته
قبل شوي قرأت موضوع لأحدى الاخوات 
عن بر الوالدين 
ذكرتني بمشكلتي وبهمي
يمكن فيكم من قرأت قصتي مع والدي 
في قسم الحياة الاجتماعية يابنات انا أتألم من هالحال
ليش هو زعلان مني والله ماغلطت بشي والله يشهد
اذا شافني بمكان مايدخله وان دخلت بمكان طلع منه
كأن بي مرض معدي
قبل فترة جات عندنا مناسبة ولما راحوا الناس رحوا خواتي
يسلمون على عمي في المجلس لما دخلت انا على طول
قام ووقف عند باب المجلس هذا من غير اللعن والدعاء
مرة دعا علي لما امي ناقشته بموضوعي جا عندي قال
الله لايوفقها ولا يسر امرها 
انقهرت واتصلت عليه لما خرج من جوال اخوي مجرد رد علي
قال انطمي وقفل بوجهي ليش ابوي قآسي كذا 
كسر قلبي واحلامي المرض هد حيلي وزاد فيني اكثر
وهو دمر نفسيتي بقسوته
والله ماامدح نفسي انا اكثر وحده باره فيه كنت احرم نفسي من
كل شي ابيه واعطيه اعانتي من الشؤون والضمان الاجتماعي
والحين بسبب إني قلت موافقة ع الزواج مقاطعني 
صرت اكل وحدي وانا اسمع ضحكه وسوالفه ومزحه مع
خواتي سوا وقت الاكل او قهوة العصر
والله يابنات اتمنى الموت على هالحال ماعاد فيني صبر
احس اني وحيدة بهالدنيا واحس كاني يتيمه 
دعواتكم لي الله يفرجها ويهدي ابوي