سكان البحرين او الزائرين =افضل محل تسوق نساء في البحرين ؟!!!!$#

البحرين في الخميس والجمعه والعطل الرسميه ما تصلح واجد للعوايل لانها زحمة رجال وعزابيه وما راح تاخذين راحتك ..............
افضل مطعم اشوفه( الابراج) في مجمع العالي (الدور الثالث) وأكلهم صيني اذا تحبينه.....
افضل مجمع (السيف) كبير وفيه كم محل موموجودين بالسعوديه ومليانه كوفي شوب للراحه والعاب اطفال حلوه واعتقد شفت فيه مطعم اذا مو غلطانه بس ما دخلته بس من برى شكله حلو ........
الجيانت اللي عندهم غير اللي عندنا يعني فيها سوق صغير حلو وعندهم محلات عندنا بس البضاعه غير مثل برومود منزل لبس بس ترى من زمان مو الحين ويوم رجعت السعوديه ما لقيته يعني فرق ..........
واعتقد اذا بتروحين ايام دراسه وعمل بتخف الزحمه وبترتاحين بالتمشيه على راحتك......
الفنادق ما عندي فكره بس فيه وحده منزله موضوع هنا عن فنادق البحرين وافضلها واسعارها بعد بينفعك واجد.....
على فكره العطور اسعارها عاليه وتلقين في السعوديه نفسهم بأسعار افضل ......
الله معك.............................
:26:

حبيبتي ديم نجد ...

البحرين فيها الزين وفيها الشين مثلها ومثل غيرها من الدول ...

واللي تشوفينه وتسمعينه عن تصييد السعوديين حسب كلامك مبالغات ولو تلاحظين فان اغلب هالسوالف تصير للناس اللي يدورون الشرب والملاهي .. يعني الناس المحترمة تروح اماكن محترمه (( وهي كثيرة بالبحرين )) وما يصير فيها الا العافية :)


اختي القرمزية

بالنسبة للمجمعات عندك :

مجمع السيف : زي ما قالت الاخت ام رينو
مجمع الدانة : تلقين فيه مقاهي ومطاعم بالهبل وفي مكان للعب العيال (( الشوكو زولو )) راح ينبسطون فيه كثير وفيه محلات اثاث
مجمع جيان (Geant) : هذا فيه بقالة كبيرة وفيه كم محل ..
مجمع المارينا مول : مجمع صغير بس فيه اشياء حلوة زي الهوسنتر ومحلات للهدايا والثياب

واذا تحبين الاسواق الشعبية ... عندك سوق المحرق يهبللل كل شي شعبي تلقين فيه
وسوق بابا البحرين بالمنامة
والسوق الايراني بمدينة عيسى ( هذا يصلح للي يحبون الاواني المنزلية ) :)

وبالنسبة للمطاعم :
عندك مطعم الابراج فيه اكثر من فرع بالبحرين
وعندك منطقة اسمها ( العدلية) هذي مليانة مطاعم راقية وتلقين فيها اكل صيني وتايلندي وهندي واللي تبينه
وبفندق الخليج في كم مطعم حلو كمان
واذا تحبين الاكل الصيني في مطعم بالمنطقة الدبلوماسية بالمنامة اسمه Gulf Royal Chinese
اتمنى اكون افدتك

الفنادق:
عندك فنادق الخمس نجوم زي :
فندق الخليج
فندق الدبلومات
الميريديان ( الريتز حاليا)
وعندك شقق عوائل نظيفة واسعارها معقولة بمنطقة الجفير بالمنامة
يعني تلقين الشقة المفروشة من 200 ريال لليوم وطالع (( طبعا في شقق اسعارها اقل بس هذي تكون اكشخ شوي ) :)

واتمنى لك اقامة حلوة بالبحرين

الله يوفق كل وحده نصحتني كل خير لاكن اطلب منكم ان تدلوني على دوله اخرى لو تفضلتو