هلا حبيبتي

انا اعرف وحده ساكنه فيه ماتمدحه ابد ..يعني مو ذاك الزود ..بس هي تقول احسن مافيه انه قريب للشرق والشمال

طبعا كثير فيه استراحات واراضيه اقل سعر من اللي حوله..بس مو رخيصة لان الاراضي والعقار اصلا ناااار

بس عموما ماهو لهدرجة..لو تروحين للغرب او الجنوب افضل مثل البديعه والسويدي ..كويسه للسكن واسعارها اقل من الشمال

لكن فيه احياء غير مرغوب فيها كثير في الشرق مثل النسيم والنظيم واليرموك

الحي لاباس فيه بس من قالك انه رخيص بالعكس اسعاره معقوله يعني الشقق العاديه تلاقينها 19 او 20 لكن اقل من كذا مااتوقع تلاقين وبالنسبه للفلل اذا بتشترين اللي مساحتها 300 متر راح تحصلينها 850 او 900 الف هذا اللي اعرفه

بالنسبة لحي اليرموك فهو من الاحياء الجديدة نسبيا و ما اشتد فيه العمار الا في السنتين الا راحت بس الحي كويس و ما به شي و السكان كويسين وجارتهم ممتازة وكلهم اهل طيبه وكرم و بالنسبه للاسعار بالعكس ما هي رخيصة ولا شي
و الحي الخدمات كلها موجودة فيه و هو ان كان تعرفين الحكير لاند و مرسى او مدارس رياض نجد فهو بعدها او ان كان تعرفين مركز غرناطة هو في ذاك النواحي و هو يتبع الشرق شرق الرياض يعني و قريب من الروضة والحمراء و قرطبة ........
وللمعلومية هذا اللى اعرفة لاني لست من سكانه وان شاء اكون قدرت افيدك

استغفر الله واتوب اليه

سبحانك اللهم وبحمدك اشهد ان لا اله الا انت استغفرك واتوب اليك