سكت وسكت وبعدين تكلمت وهذا اللي صار لي

السلام عليكم ورحمة الله وبركاته
يابنات اشوف زوجي بسيارته وضوء جوال مادري جواله او غيره مخفيه بالسياره
ومرا كتبت له اغراض من البقاله يجيبها قالي خليه بكرا اجي متاخر وتكون البقاله قفلت وفكيت شباكي وشفته ع جواله وعدت اكثر من ساعه وهو بمكانه وبعد لما دخل ماتكلمت وكبت القهر بصدري مو مرا وبس دايم
المهم قبل ثلاث ايام راح العصر مشوار وجاء العشاء واول ماجاء دخل الحمام وتروش وبعد لماطلع من الحمام شفت لبسه وشميته ريحة
م ن ي وساكته بس اتوقع مسوي العاده مو خيانه لان لبسه مافي ريحه عطر ولا اثر روج
المهم راح العشاء ارسلت له واتس يجيب معه غرض من البقاله وهو جاي قراه ولا رد
قلت يجيبه عادي مو متعوده يرد
المهم شفت الشباك ويادوب اشوف سيارته اشوف السياره من وراء بس هو والمقعد الامامي مو واضح لي بس عرفت انه سيارته اشغلت نفسي بالبيت وعدت نص ساعه ولا دخل وشيكت مع الشباك ونفس الحال موقف ارسلت له تتاخر رد ايوا وارسلت لاتنسى الغرض جيبه معك قال اذا ماقفلت البقاله تقفل الساعه 2 قلت حاول تجي قبل 2 وجات الساعه 2 ولا شرف الاخ
لما دخل كنت مقهوره منه كذاب وخاين وهاجرني
وساكته وكابته بقلبي واقول الذنب ذنبه وماصرت افتش بجواله لاني بس اخذ ذنب ع المقاطع وتقرفت منه
اول مادخل قلت انت برا من زمان عصب علي ورفع صوته وقال مو بزر عندك تحاسبيني انا برا او لا كرهتيني حياه وكرهت العيشه معك قلت انا ماحاسبتك انا شايفه وساكته بس تعبت
قال بسخريه ورفع صوته لايكون ولدك وانا مدري وتربيني ياشيخه فارقيني العيشه معك تضيق الخلق
ماقدرت اتحمل كذبه علي وانا مكبوته وساكته واقول ينعدل حاله فتره ويمل بس هذا يزيد
جلست ابكي
ودخل نام ولا عبرني ولنا يومين مايكلمني جالس يعاقبني ع كلامي ولا اشوفه حتى عندي مراجعه للمستشفى ولا وداني
فجعني لما ثار علي وعصب صوته عااالي جداا
مارحم وضعي وانا تعبانه وعارف وضعي احس بالم بقلبي و خفقان
بنات انصحوني كيف اتعامل معه رايكم اتاسف لعشان الحياه تمشي مع اني ماغلطت
وكيف اقدر اشوفه يكذب علي ويكون عادي مايهمني
والله حاولت بس الخيانه صعبه احسني مجروحه مرا
قلت اعيش لنفسي وهو طز فيه اخذت فتره وبعدين تعبت
ادعولي يابنات وانتضر رايكن
لاتبخلن علي بالردود راح ادعي لكن اعتبروا ردكم تفريج كربه لاني بهم مايعلمه الا الله