سكنت بيت جديد ولكن معي اكتئاب وقلق

أسعد الله اوقاتكم ....  ودي افضفض لكم عن  مشكلتي الي حرمتني لذه الإستمتاع بالحياة     ..انا يابنات  انسانه تزوجت  وكنت مقبلة على الحياه وعندي أحلام كنت   ناويه ابني بيت على أساس من الحب  واعامل أهله  مثل أهلي  انصدمت  جدا    ... عالم  فيهم أنانية فظيعة   ..  أمه كانت فيها غيره مني انا  تحديدا   شغلها من تحت لتحت. ..   عاملتها بطيبه   خدمتها   خدمة   البنت لأمها   ..وكانت  هذي  أشد اخطائي   الي ندمت عليها  لاحقا   ...لأنها حطتني برأسها  وحست إني ضعيفه   
   أولا  سببت لي مشكله تبيني اترك بيتي واسكن معها 



 ورفضت   ..  ووصلت مشاكلنا للطلاق   بسببها     ...  بعدها   صارت تجيني فالبيت   يوم  ايه  ويوم لا   




وأخذت  مفتاح   لبيتي     وانا سكت    كانت تطب علي فجأه  ومره  جتني مع ولدها الي هو زوجي الساعه وحده من الليل   السبب   أنها   خافت تنام   لحالها   وخافت من الشغاله   وتمثيليات  طويله   




علاقتي مع زوجي مافيها   لاحب  ولا مودة   كان بيننا فجوة   وكبرت مع الأيام   




قبل سنه   مريت   باسووء   أيامي   فقدت   ابوي واخوي   في فتره وجيزة   




وزوجي   كانت مواقفه معي   بعز  الأزمه   العدو مايسويها   
في عزاء  اخوي   كنت حامل    سوا  لي مشكله ثاني يوم  من  دفن اخوي   ولعني  وسبني   ليش! !لأني تركت   بناتي عنده     




من  ذاك اليوم   تولد عندي إحساس   بالكراهيييه له عميق. ....  كنت ألاحظ   انه  يفرح   اذا شاف أهلي  بحزن   ...




 
جلست أحلم لمدة 12 سنه في بيت الملك   ..والي مجربين الإيجار  بيعرفون شعوري  ...  النتيجه انه اشترى بيت    قلت أخيرا بفرح ونبدا صفحه جديده   
تفاجأت   انه  أمه   قالت  بترك   بيتي  وبسكن جنبك   وبالفعل   تم  لها مارادت   علما  انه عندها   أولاد وزوج    الجميع متزوجين 




الآن أعيش اكتئاب وتوتر   .أهملت  نفسي   لا ميكب  ولا اهتمام     ماعاد  يهمني   زوجي يشوفني   مبهذله   وباسوووء   حال  حتى  الحف   ما اشيل   إلا  بصعووبه   ..   
بيتي  مو قادره استشعر السعاده فيه    رغم  أني  من طبيعتي اني بيتوتيه   واحب االبيت والهدوووء  على الطلعات والناس   .... 




تجيني   نوبات بكاء   ... أحس  بضيقه وأتذكر   ابوي  
   
ودي أنسى  الماضي   بس ماقدر   لأنهم  واقع   ولازم إتعايش معه   .....  أمه   ماقدر اتنبأ بتصرفاتها   




لأنها   تسوي   تمثيليات عليهم   ويصدقونها   لما عرفت انها   بتسكن   جنبي  صارت بيني وبينه مشكله  وضربني وقتها كنت بالتاسع   ... بعدين وعدني انه  ماراح يتدخلون فيني   ...بس انا  ما أثق فيه ولا اصدقه   ... 
انصحوني  كيف اتخطا   هالموضوع   ...ابي ردود   حكيييمه