الله يفرجها عليك

الله يفرجها عليك

الله يفرجها عليكي

بصراحة مرة ما أأيد إنك تطلعي من بيت أهلك
لأنه وضعكم المادي متردي جدا
وانت بتقولي انكم بتعمروا ملك
وهذي نعمة كبيرة من الله
لكن أنا أقول خلي عنك الحساسية الزايدة
اهلي ..وبنتي ومش عارفة ايه..وبلا دلع
بنتك لازم يكون لها نظام صارم مو على كيفها، تبكي يوم يومين وترجع تلتزم، ما تخرجوا من غرفتكم إلا في أوقات محددة اختاريها بعناية ،يكون أخوك مشغول أو في تحفيظ أو نادي أو غيره ،أو علميها ما تقوم من جنبك،أشغليها بألعاب حمليها على كمبيوترك في غرفتك وانت كمان خليك في غرفتك بس مو بانعزالية
خليك مع أهلك عصرية أعملي لهم حلا اطبخي لهم طبخة حلوة من يدك
واستمتعي بوجودك معاهم وحتلاقيهم نفس الشي
أما إذا انت مو طايقة الجلسة معاهم كيف تتوقعي حيعاملوكي؟
أخوك هذا تقدري بريالين تكسبيه بمديح له قدام أبوك وأمك وأخوانك
بإظهار إنه رجال وتعتمدي عليه في شغلة معينة وتظهري له محبتك وثقتك في رأيه وعقله
وتضحكي عليه بكلمتين وتلاقيه خاتم في أصباعك وخادم لبنتك
أتصرفي بمحبة وذكاء وكلها كم شهر وانت في بيتك وتصير حكاية
وتكون ذكريات حلوة بإذن الله
مو تبني لزوجك انك مو طايقة الجلسة في بيت أهلك...والله فضيحة

الزمي الاستغفار واقراءي القران اقل شي خمس اجزاء يوميا وباذن الله يجيك خير ماحسبتي حسابه