اسمحولي انا ضد كل واحدة تقول اصبري ويمكن تكون خير وووو وكلام مأخوذ خيره ..كل واحدة فينا تتزوج عشان يكون لها مملكتها الخاصة وبيتها وتنبسط فيه وترتاح وتكون اسرة خاصة فيها , واللي أوله شرط آخره نور , مو من حقها تعيش معكم هي ماهي مقطوعة ولا يتيمة ولا محتاجة عشان تسكن معكم لا وفوقها تقيم اقامة دائمة ! , شخصياً ما احب التلميح بالكلام لانه هذا أمر مصيري ماهو امر ينحل بتلميح لازم تصريح , ارفضي سكنها معك ووضيحله رأيك أنه أول شيء مو حلو بحق اخته يوم عندها ام واب تتركهم وتروح تسكن عند عرسان بلا داعي ولا مغزى ! ثاني شيء انتي قولي انك اتزوجتي لجل تستقلين بحياتك وتبنين مملكتك مو تشاركين بيتك مع أحد خاصة انه مافي ظروف قوية تستدعي هالامر ! ثالث شيء شرعاً أنتي لك كامل الحق بالرفض لأانه مو من حقه يفرض عليك انه يسكن اخته معك بالبيت ! واسمحيلي هي باين انها خبيثة وقليلة ذوق وراعية مشاكل أقسم بالله انا ما ارتاح اني اطول بزيارة ببيت اخوي فشلون اسكن عنده وانا لي أب وأم واخوان ثانيين اتركهم واروح اسكن عند عريس بلا داعي او مغزى ؟! مافي واحدة فيها اخلاق وذوق تسوي هالشيء , فهمي أهلك بعد هالكلام وبيني لهم أنك مب راضية على هالشيء خليهم بالصورة بالحاصل لانه أهلك ادرى بمصلحتك , واللي انا اشوفه تكلميه بجلسة هادئة بصريح العبارة أنه يا ابن الحلال انا قلبت الموضوع براسي ماتزبط معي ولا بأي جهة , انا انسانة احب الاستقلالية ومن حقي أسس حياتي براحتي اتدلع وادلعك اعيش حياتي بمملكتي ابنيها بنفسي ارتب اصحى انام اكل البس كله براحتي وماتزوجت عشان اشارك احد ببيتي تزوجت لجل انت تكون شريكي الوحيد بهالبيت مع عيالنا , وتقولين له اتمنى تلقى حل يضمن استقلاليتي وتوضحين له النقاط السابقة باسلوب حلو ومقنع وبنفس الوقت يكون صارم , انتي الحين بمرحلة خطوبة حلي هالامور قبل الزواج لانه بعد الزواج رح يكون امر واقع ومارح تنحل , بالخطوبة ترسمين الحدود العريضة لحياتك والخطوط الحمرا لا تستحين وتسكتين على شيء ماتبينه , انتي ماطلبتي لا عيب ولا حرام بالعكس اخته تصرفها هو أكبر عيب والرفض لازم يجي منه هو قبل أي احد , اذا امها وابوها واخوانها الثانيين ماتحملوها تيجي عندك تغثك ليش ! واصلا كيف اهلها يرضون انها تسكن عندكم !!! اسمحيلي في شيء مب سليم بهالوضع انا امي تهاوشني يوم اقول لها خلنا نبات عند اخوي بمجرد زيارة تقول عندنا بيت نزورهم ونرجع مانثقل على بنت الناس ! , معقولة اهلها ماقالولها عيب ! الخلاصة لا تخلين شيء بخاطرك ولا تستحين , لا تتركين الامور عايمة انتي الحين بمقدروك تغيرين الوضع مثل ماتبين لكن بعد الزواج بيكون صعب وبيكون أمر واقع وحطي ببالك لو اخته عتبت بيتكم مستحيل يقول لها اطلعي ولو فتحتي فمك الكل بيقلب عليك , الحين فرصتك وعفكرة رفضك للامر طبيعي جداً ومن اقل حقوقك اصلا فلا تتنازلين ماطلبتي عيب او حرام ومافرقتي بين احد عشان تخافين حتى لو استاجر بيت دورين ماتغير شي والاغلب بتتربع عندك وطبعا الاكل مارح تاكل لحالها وانتم مووجودين وطبعا عيب يجيك احد وماتناديها وطبعا زوجك بعد بيكون مكفل بمشاويرها واغراضها ومارح تقدرين تسافرين مع زوجك يوم الا وهي معكم باختصار بتكون لك العن من الطبينة .الانهزامية والخوف وعدم معرفة الحقوق هي سبب دمار البيوت الامور واضحة من الخطوبة

هذه الاراء هي الي تودي بداهية وتؤدي لزوجات مضطهدات , مافي أي سبب يخلي اخته تسكن معه وأصلا عيب ! مطالبتها بحقها مو عيب ولا حرام ولا تفريط هذا حقها الشرعي التام , كلمة يمكن ماهو ضمان لجل تاخذ فيه

يا بنات بس بوضح شغلة..
اخوها اللي ببيت امها يضربها دايم وهو اصغر منها
واخوها المتزوج عيت زوجته
اللي بس مستغربه منه عمي ابوها ليه ماتروح عنده وكني فهمت انه رفض بعد واصلا هو بالديرة والناس على قولته يتنقدون جيتها وبيت امها موجود وهي ماتبي شكلها يابنات شسوي ما ابغى اخسره ساعدوني انا احبه وهو كويس كل شي طلبته سواه برضاه بعد السفر والبيت والشبكة والزواج ومكانه كلش نفذه لي وحاشم اهلي مره ويحبهم وش اسوي

كتبت رد وطار

انا الي مو فاهمته انتي ليه خايفة من انك تتكلمين عن شيء يدعمك انتي من كل النواحي ؟
لو هو طيب ومتفهم هو اصلا بيشوف أنه جيتها غلط وبلا مبرر حتى بعد توضيحك

ولو اصلا هالشيء صار مع اخته هذه هو نفسه مابيقبلها واخته نفسها مارح تقبل هالشيء

فهميه انه أخته على عينك وراسك وانه هي وكل اهله يتفضلون عندك تشيلينهم على راسك لكن اقامة دائمة قولي صعب وما أقدر على هالشيء أنا بتزوج لجل استقل بحياتي وابنيها معك انت بس

ترا عرفاً وشرعاً الحق معك انتي وفهميه انه الموضوع مو عشان اخته بلذات لا فهميه انه هذا مبدأ وأي بيت من طرفين يدخل فيه طرف ثالث بيخرب البيوت تخرب من اطراف بعيدة فوشلون بناس بنفس البيت حتى !

الحق مايزعل كلميه باسلوب حلو وهادئ ووضحي افكارك ومخاوفك ,

لاتفرطي بحقوقك