انا زوجي بيشتري بيت فيه شقتين (زوجي عنده أمه وابوه كبار سن ابوه مريض صرع وتقاعد مبكّر وراتبه مره قليل وأمه كبيره بس تشتغل في مطعم وعنده أختين متزوجات وأربع اخوان رجال بس حديثي تخرج ولسا ماتوظفو ) وحياتهم مره صعبه اقترحت على زوجي يعطي أهله وحده من الشقق قلت له ( اخوانك رجال بيجي يوم يتزوجون ويروحون بس امّك وأبوك مساكين والإيجار تعب والله )لما قلت لخواتي هبو فيني وهاوشوني يقولون انتي بتفتحين علم نفسك باب بيتلقفون في حياتك وفي الطالعه والنازله يبونك تقولين لهم كل تصرفاتك بالعلم ان اهل زوجي طيبين صح أمه عليها حركات بس غيره لان زوجي ولدها الكبير بس زوجي مايرضى بالغلط لا مني ولا من أمه
خوفوني انتو وش رأيكم انا غلطت لما سويت كذا
ميوووم @myooom_2
كبيرة محررات
يلزم عليك تسجيل الدخول أولًا لكتابة تعليق.
حلوة الباديه1
•
ماشاء الله عليك والله يكثر من أمثالك وأنا أشوف أنك سويتي الصح وتعينين زوجك على بر والديه وهذا باب خير له أقصد لزوجك ينال رضى والديه ودعائهم وقبل هذا كله رضى رب العالمين وهذا العشم فيه يفك أهله من الأجار ولا تخافين الخير الي تسوينه ودفعك لزوجك يبر اهله راح بإذن الله تشوفينه بعيالك الله لا يحرمك الأجر يارب ويعطيك على قد نيتك وأكثر
بالعكس انا معاك بالي قلتيه وحتي لو ماانتي اقترحتي عليه هالشي أتوقع هو يسويه من باب البر باهله وبعدين اكيد هالشي بينرد عليك لا كبرتي وشفتي عيالك يبرون فيك وامه طالما موظفه يعني بتجيك تعبانه ومو فاضيه عشان تحط دوبها ودوبك خلا صاهم شي لك شقتك ولها شقتها والأفضل المداخل منفصله وخلاااااص والله يهنيهم فيك فعلا بنت اصل
لا ما غلطتي.. وبيض الله وجهك
وأنت شجعيه وحثيه على بره بوالديه مادام مايرضى بالغلط منك ومنها
صدقيني ربي بيفرجها عليكم ويرزقكم على اللي راح تسوونه بهم
أما خواتك ماعليك من أحد هذا قرار يخصك
وأنت شجعيه وحثيه على بره بوالديه مادام مايرضى بالغلط منك ومنها
صدقيني ربي بيفرجها عليكم ويرزقكم على اللي راح تسوونه بهم
أما خواتك ماعليك من أحد هذا قرار يخصك
الصفحة الأخيرة