رسيل حبيبتي ان شاء الله بندور حي زين بس لازم احصي كم بنت بالاول عشان نعرف السكن الي بناخذه باذن الله

شقة أو دور انا بحثت بالنت عن مكاتب عقار بالمجمعة وان شالله بتصل عليهم بعد مايطلع التوجيه لان يمكن يطلع بعيد عن المجمعة ويتغير الراي عند بعض البنات

خليكم متابعين بنات للموضوع بعد مايطلع التوجيه ان شالله كلكم تعالو اكتبولي من الي باقيه ومن الي غيرت رايها

اتعبني همي عزيزتي اكتبي موضوع مستقل عن النقل من الرياض للمجمعة عشان البنات ينتبهون له لان طلبك داخل موضوع مراح احد ينتبه الا الي بيدخلون للبحث عن سكن

وخلي موضوع العنوان نقل موظفات ومعلمات من الرياض للمجمعة << عشان لما احد يسوي بحث بقوقل عن نقل يطلع موضوعك والله يوفقك حبيبتي وييسر امرك


نارندا حبيبتي حياك الله منورة الموضوع ولك مني جزيل الشكر على مشركتك القيمة وحاولت اسجل بس مايقبل التسجيل

ياليت ياعمري تسالينهم وتشوفين عددهم مبدئياا

واشكرك مرة ثانية على تواصلك لان كل مازاد عددنا راح يكون باذن الله أمان أكثر والله ييسر الامور

عزيزتي تشكري على هالمجهود فيه اخواتك مغتربات ومامعاهن محارمهن وفيه منهن متزوجات اانا من المغتربات وجايه من الجوف الف كيلو وفيه من عرعر والشرقيه ومكه كثير يوم مقابلتي بالمجمعه سويت جوله على الشقق المفروشه صراحه غاليه لاتقل عن الفين وفيه اكثرايجار شهري وبالنسبه للنقل لاتشيلين همه فيه شركة نقل معلمات بالمجمعه هذا غير سواقين المشاوير الخاصه مع محارمهم بس قولي لي كيف نسكن مع بعض

االعفو حبيبتي ..

مافهمت سؤالك كيف نسكن مع بعض ؟؟

اذا قصدك وين ؟ مراح نسكن مفروشة لان ماهي امان كل يوم يتغيرون السكان ويجي غيرهم بالاضافه الى ان اصحاب الشقق

عندهم مفاتيح وهذا شي خطير لان مانضمن ان مايوصلها شخص ضعيف نفس

انا اشوف ناخذ شقه مو مفروشة يكون لها مدخل خاص فينا وبالنسبة للاثاث يابنات راح نتشارك باذن الله

ونمشي امورنا بالبداية بمكيف او مكيفين وموكيت رخيص الين الله يفرجها وتننزل رواتبنا حسب ماسمعت بعد 3 شهور

وبعدها كل وحده تسوي غرفتها والصاله والتلفزيون والفرن والغساله والجلسه والاشياء هذي تكون قطة بينا

ان شاء الله << وانتو قولوا رايكم بنات واتنافشو

كلمت أكثر من مكتب بالمجمعة الايجارات من 20 الي 22 الف بالسنة

وحصلت شقه باذن الله ب 20 السنة وحاولتت اخليه شهري الدفع عشان يتيسر علينا
ورفض يبيهم مرة وحدة اول مانكتب العقد وتفاصيل ثانية كثيرة

مقدر اكتبها هنا بعدين الناس يعرفون شقتنا وين ههههههههههههه

بنات الي مشاركتها فوق 50 الله يجزاها الجنة ترسل لي ايميلها خاص واضيفها واعطيها ايميلي او رقمي توصله للبنات
عشان نكمل تخطيطنا باذن الله

واسال ربي العظيم الحليم يكون تعيينا بنفس المجمعة وربي يسهل الامور علينا ي الله

تكفون بنات عند الفطر بعد ماتدعون لانفسكم ووالديكم ولمسلمين سوريا وبورما ادعو ربي يسهل علينا المسكن
والغربة ويجعل قلوبنا متحابه ومتألفه ونخفف على بعض قسوة الغربة والبعد عن الأهل ..


حماكم ربي ووفقكم للخير


لاتنسون التبرع لو بالقليل لاخواننا بسوريا

اختي حنو انا من جدة وحابة اني اسكن معكم بس الشقة الي شفتيها كم غرفة ? وكيف ندفع الايجار كامل ممكن مانرتاح في الشقة ؟ وجزاكي الله الف خبر علي كل مجهوداتك ويرزقك ربي كل ماتتمنين

كرزة حياك الله عزيزتي صاحب الشقه رافض يبيها 20 الف مرة وحدة حاولت معه بالشهري ورفض

وانا ماشفتها ماسافرت بس حسب وصفه طبعا مو مفروشه يابنات

يعني نمشي حالنا بأي شئ الين الله يفرجها باذنه

قال 5 غرف و3 دورات مياه اعزكم الله

والتكييف مركب جاهز سبليت وطقم المطبخ بعد مركب

الحي قالي حي سكني من افضل الاحياء الي يفضلونها بالمجمعة ماودي اكتب اسمه يمكن احد يبوقها منا

تعبت من كثر ماكلم مكاتب عقار

الله يفرجها وييسرها ويارب يرجعون يسوون مفاضله بين كل دفع الادااريات لان في من الدفعة الثانيه والثالثه اقل نقاط من الدفعه الاولى

وعشان الانسحاب الي صار من دفعتنا والبعض غير مطابق حطوهم بالشرقيه وهم اقل نقاط يعني الافضليه لنا ومن حقنااا


حسبنا الله سيؤتينا الله من فضله إنا إلى الله راغبون