سكن للبيع في سياتل فرصه لاتفوت

السلام عليكم ورحمه الله وبركاته






انا جايه في سياتل مالي 4 شهور قدر الله وبضطر ارجع للسعوديه لمده شهرين تقريبا بعدها بروح لمدينه ثانيه
انا عقدي بالسكن لمده 11 شهر
راح منها 4 شهور فراح يبقى بالعقد 8 شهور ويمكن على طلعتنا بيكون باقي 7
والسكن من نظامهم انك تدفع قيمه اخر شهر من العقد فأحنا دافعين قيمه اخر شهر
المهم مالكم بالطويله
السكن الي احنا ساكنين فيه من ارقى ماشفت في النورث قيت
هو عباره عن مجمع سكني جديد الناس الي عايشه فيه راقيه ومؤدبه والله العظيم مابحياتي سمعت ازعاج ابدا
ونظيف جدا في عمال يكنسون طول الوقت الممرات ويحطون معطر وكذا والمكتب جدا جدا متعاون ويخدمونك بأي شيء تبغاه
والشيء الثاني هو موجود في منطقه من جد الي ماعنده اطفال مايحتاج لسياره ابدا لا تحت سكني في مطاعم وكوفي وسينما وبنك ومسافه دقيقه على الرجول و انت بالنورث قيت مول وبرضو جنبنا سوبر ماركت التارقت
وبرضو فيه بالمبنى الثاني غرفه الاجتماعات فيها تلفزيون كبير وبلياردو وتقدر تحجزها يوم ببلاش وتعزم اصحابك ومحد بيدخل
وكل شهر يسوون حفله عيد ميلاد للي مولد بهالشهر ويعطونك هديه تذاكر يسنما بعد
وفيه نادي رياضي ببلاش
واهم شيء قدامنا محطه الباصات بكبرها ( لاتخافون مافي ازعاج ) ايش الفرق بين محطات الباصات الي عندنا وبين الباقيات ؟
الي عندنا عباره عن محطه توقف فيها كل الباصات وتوصل الى كل الاماكن بسياتل يعني يوقف عندها فوق 20 رقم باص
بينما المحطات الثانيه تلقى عندها 3 باصات توقف فتظطر انك تركب باصين او يمكن حتى الرقم الي تبيه مو جنبك !
والشيء الثالث الي يبغى سياره المواقف عندنا ببلاش لانك تقدر توقف في مواقف محطة الباصات او في مواقف المول يعني بكذا انت وفرت 100$ حق موقف السيارات
والشيء الرابع الشقه جديده فكل الاداوات الكهربائيه جديده وهالشيء معروف ان الاشياء الجديده ماتصرف كهرباء
فموجود في شقتنا فرن ومايكروييف وغساله صحون و غساله ملابس وفرامه داخل حوض الغسيل تتخلص من باقي الاكل
ووالله جت فاتورتنا مبلغ بسيط جدا حق شهرين فاتوره المويه 35 وفاتوره الكهربا 32 !
فبعض الناس تدور على سكن رخيص ولكن تلقى الحي مو امن او المكتب مو متعاون او الناس ازعاج
يعني مثلا صاحبتي تتكلم عن واحد سكران بعمارتهم دق جهاز الانذار خخخ
وبرضو كل ماتدفع الفاتوره يعطونكم تذاكر سينما
والله لي اربع شهور اغلب البنات يجون يجتمعون عندي ماطلع لمكان بعيد لان ببساطه كل شيء جنبي
المهم السكن عباره عن غرفه وصاله كبيره ومطبخ وحمام ومخرن جنب باب الشقه وخزانه ملابس بغرفه النوم بـ 1250 الاصل هو 1300$ ولكن هم يعطونك اسبوعين مجانيه احنا قسماناها يوم من كل شهر فنقص الاجار علينا
احنا مانبغى مبلغ التأمين والاشياء الي دفعناها فالبدايه الي توصل الى 500 بس نبغى قيمه الاثاث و الاجار الي دفعنا مقدم حق شهر 8 فلي بيدفعه لنا مو مظطر يدفعه يشهر 8 للسكن لاننا احنا دافعيه وعندنا الاوراق الي تثبت هالشيء
المهم الاثاث عباره عن كنبه
وكرسيين الي ظهرهم طويل
وطاوله طعام قزاز مع كرسيين
وطاوله تلفزيون ( للاسف ماشترينا تلفزيون للحين )
وطاوله قهوه
وطاولتين صغار
وسرير مع الماترس ( على فكره هنا الماترس جدا غالي اخيس نوع الي ماينام عليه بـ200$ )
ودولاب الي تتسفط فيه الملابس ماعرف اسمه
ومرايا
وسجاده صغيره في النصف
وعدت مطبخ كامله
وحتى الحمام وانتوا بكرامه حاطين فيه سجادتين + ستاره للبانيو
ماينقصه الا تجي انت ومعاك تلفزيونك خخخ
المهم الاثاث من ايكيا ووالله دفعنا على الروحه له مع الجيه 100 $ لانه بعيد + الضريبه تقريبا 100 $ + انهم هم الي طلعوا لي الاثاث وشحنوا لي فهذا تقريبا برضو بـ 100$ قالمجوع 300$ بس علشان يشرف الاثاث بالشقه وتخيلي التركيب بس خخخخ
فأذا اشتريت اثاث جهاز بترتاح من هالمشوره والخساير
فنبغا الاثاث مع قيمه اجار شهر 8 بـ 2700
وارجع اقول اذا دفعت لنا اجار شهر 8 ماراح تدفعه للسكن فأنت ماخسرت شيء هم طريقه السكن كذا اذا سجلت العقد تدفع قيمه اول شهر واخر شهر وعندنا الاوراق والمكتب يقدر يثبت لك هالشيء فلاتخاف

انا بحط صور عامه للسكن من بره وكذا والي جاد يقول لي ارسل له بالخاص صور السكن
سكنا اسمه thornton place
وهذي بعض من صوره



هذي صوره المبنين وقدامهم الينما وتحتهم نافوره وماطاعم
طبعا هو عباره عن مجمع كبير مو بس هالمبنين فيه شقق لمتقاعدين وبيوت
وبرضو نسيت اقول انوه في مضمار مشي حول المجمع


هذي صوره مقربه للي تحت سكنا

الكوفي الي بالصوره يفتح لوقت متأخر فالسعوديين والسعوديات يتجمعون هنا دايما

هذي من ضمن البحيرات الي في مضمار المشي

صوره من نصف غرفه الاجتماعات

هذي بدايتها

صوره من النادي

للي جاد مستعده ارسل له الصوره
وهذا موقعهم الرسمي للي حاب يشوف زياده
Thornton Place – Sustainable Condominiums in Seattle's Northgate Neighborhood

طبعا علامتهم ورقه خضرا لانهم مهووسين بالنظافه وحمايه البيئه