السلام عليكم ورحمة الله وبركاته
وحشتووووني حبيباتي قاااد السماء >>محد درا عنك خخخخ:icon28:
والله لكم وحشه يا الغوالي ولي فتره ابي ارد عليكم ولا انزل مواضيع بس مااش مالي خُلق وكل ما جيت بكتب احس فيه شي يمنعني وأقفل الاب مدري ليه ؟؟ الي تعرف تقلي هههههه
عاد بعض الحبايب عاتبوني ع الخاص وقلت لأجل عيونكم بسطر لكم كم كلمه بقلمي الأحمر خخخخخ هذا إذا فاكرينه ؟؟
عشان تعرفون اني مستحيييل انساكم أو أبعد عنكم
حبكم وسط الحشا متربع :39:
لحظه لحظه خلوني آخذ قلمي المعتاد عشان أطلعلكم مافي جعبتي :27:
في سالوفه ابي اسولف معكم فيها مدري قد مرت عليكم ولا لا ؟؟
لمن تكون امك أو أختك تصلي فرضها هل ممكن تكلمينها أو تسألينها سؤال ؟؟
أو ممكن تخبرينها بشي ؟؟
زي مثلاً وحده كانت تصلي وجات أختها تناديها فلانه فلانه فلانه ماردت , يوم دخلت الغرفه لقيتها تصلي قالتلها انتي تصلييين طيب اسمعي ترا حنا جالسين نتقهوى في الحوش تحت يا تلحقي يا ما تلحقي !!:22:
بالله اش رايكم ؟؟ يعني الي بتصلي بتجلس تفكر بالقهوه ووش حاطين معها من حلا وكيك ويا ترا بيخلصون عليه ولا بيبقون لي !! :angry2:
ولا وحده تقول لأختها وهي تصلي اسمعي ترا بالبس اكسسوارك خلاااص !!
هذي تهووون قدام السالفه الثانيه !!
مره من المرارير رحت ازور وحده من قريباتي الله يهديها ويصلحها ويحنن قلبها
الموووهيم ,,هي عليها تصرفات كثيييير ما تعجبني بس نزورها من باب صلة الرحم . ما طول عليكم بالسالفه .
مره كنت عندهم وجا وقت صلاة المغرب وصليت وشوي دخلت هي المجلس وفرشت السجاده وقامت تصلي , الا شوي يدخل ولدها كان في صف خامس اتوقع او سادس وقام يسولف مع أمه وهي تصلي !!! ويقلها امي انا بروح البقاله خلاص ؟ قامت تأشر بيدها بالموافقه يعني تقول ايه روح . بعدين قام يسألها سؤال ثاني وتجاوب عليه وهي تصلي طبعاً كُله بالإشارات , ويقول لها تبغين شي وترد علي بالنفي ! ويقول بشتري مدري ايش وترد عليه المهم انه جلس يهذر ويسولف ويسأل أمه وأمه تجاوب وتأشر وما تشوفين الا يدها رايحه وجايه وطالعه ونازله !!!! :44:
وحسيت ان الوضع عندها عااادي جداً يعني بعد الصلاه ولدها جا وجلس يسولف معها ولا انكرت تصرفه ولا شي ! اصلاً حسيييت انه متعود يسولف معها وهي تصلي طبعاً من الي قد شفته من الولد وأمه الله يهديهم ويصلحهم .
بالله اش رايكم ؟ هل يوم قد كلمتي أختك أو أمك وهي تصلي ؟؟
أو هل يوم أحد قد أشغلك عن الصلاه بسالفه قالها لك وانتي تصلين ؟ أو سألك سؤال وكان يبي الإجاابه حاالاً وبالاً ؟؟
ياريت يا أخوات إذا شفتوا أحد كذه تنصحونه حتى تختفي هذي الظاهره
ونبطل نتكلم في نفس المجلس الي فيه أخوات يصلون وخااصة إذا كان الحديث موجه لهم او السالفه تخصهم .
يااارب ارحمنا برحمتك ويننا عن الصحابه وخشوعهم في الصلاه .
لما وقعت الأكلة في رجل عروة بن الزبير احتاج الأطباء إلى قطعها حتى لا ينتشر المرض في بقية جسده، فقالوا له: "ألا نسقيك مُرقداً حتى يذهب عقلك منه فلا تحسُّ بألم النشر؟" فقال: "لا والله، ولكن إن كنتم لابد فاعلين فاقطعوها وأنا في الصلاة، فإني لا أحسُّ بذلك، ولا أشعر به"، فقام الأطباء بقطع رجله وهو يصلي فما تضوّر ولا صاح ولا اختلج.
والقصص عن الصحابه وخشوعهم في الصلاه كثيير بس اكتفيت بهذي القصه , واسأل الله ان تكون سبب لي ولغيري في الخشوع في صلاتهم , والله ان أكثر شي يعذبني عدم الخشوع في الصلاه ما تجي الأفكار والهواجس الا وحنا نصلي كيف لو عاد أحد كلمني وانا أصلي ؟؟
الله يرحمنا برحته .
يله حبييبااتي انتظر سواليفكم وهل قد مر عليكم الي مر علي ّ؟؟؟
وأخيراً اسأل الله ان يجمعني بكن على سرر متقابلين في جنات النعيم بلا حساب ولا سابقة عذاب
محبتكم *نوااامه*
*نوااامه* @noaaamh
محررة ماسية
يلزم عليك تسجيل الدخول أولًا لكتابة تعليق.
لبي قلب الي تحجز مقعد في الدرجه الأولى
بس ترا عجزت افهم ياعمار ذي ؟؟ داخل لنا في كل سالفه خخخخخخخ
ايه ياكثر ماتصير والحركه هذي تقهرني
وتفقدني التركيز
دايم اختي الله يهديها تجي وتقول لي لاخلصتي صلاتك تعالي عند امي تبيك
والااخوي يقول بسرعه بنروح السوق .....الخ
من هالحركات اللي ترفع الضغط
وتشغل عن الصلاه بس ماعلي منها احاول قد مقدر اركز والا انتبه معها
مع انه غصب عني اسمع وش قالت الله المستعان واهاوشها عقب
بس ماتوب تقهر
اما حركت اني اشر وارد في صلاتي فوش تحس به ذي
وتفقدني التركيز
دايم اختي الله يهديها تجي وتقول لي لاخلصتي صلاتك تعالي عند امي تبيك
والااخوي يقول بسرعه بنروح السوق .....الخ
من هالحركات اللي ترفع الضغط
وتشغل عن الصلاه بس ماعلي منها احاول قد مقدر اركز والا انتبه معها
مع انه غصب عني اسمع وش قالت الله المستعان واهاوشها عقب
بس ماتوب تقهر
اما حركت اني اشر وارد في صلاتي فوش تحس به ذي
الله يرزقنا الخشوع ياااااربالله يرزقنا الخشوع يااااارب
الحمدلله ماقد صارتلي
بس كيف تصلي وتجاوب بجد مع الصلاه ولا مع الواقع
مادري احسه شئ غريب
بس احيان يسون فيها اختبار لي اخلي ولدي الصغنون عن وحده من اخواتي واصلي
ويكلمون فلانه ولدك ويصارخون وماني عارفه ايش
وامي تسكتهم بس انا ما اكون حولهم ابدا اكون خاشعه بصلاتي وبعد ما اخلص اسنن واستغفر واقوم اطبق السجاده
واروحلهم ويقولولي كيف قلبك ما طاح ارد عليهم اقلهم ماني معااااااكم ابدا
احسهم شياطين استغفر الله ههههه
بس كيف تصلي وتجاوب بجد مع الصلاه ولا مع الواقع
مادري احسه شئ غريب
بس احيان يسون فيها اختبار لي اخلي ولدي الصغنون عن وحده من اخواتي واصلي
ويكلمون فلانه ولدك ويصارخون وماني عارفه ايش
وامي تسكتهم بس انا ما اكون حولهم ابدا اكون خاشعه بصلاتي وبعد ما اخلص اسنن واستغفر واقوم اطبق السجاده
واروحلهم ويقولولي كيف قلبك ما طاح ارد عليهم اقلهم ماني معااااااكم ابدا
احسهم شياطين استغفر الله ههههه
الصفحة الأخيرة
طبعا منورتنا يالغاليه فقدناك مووووووووووشويه ياوحشه
بخصوص موضوعك :: والله معاناه بنتي الله يسلمها كبرت وهي كذا
من كم يوم كلمتهم كلام صريح واشوفهم بطلوا الحمدلله لهم اسبوع خخخخ
وبخصوص ياعمار تلقين معناها على هالرابط
....... ياعمااااااااااااار ....... وياعمااااااااااااااااااار ... تعالوا اقولكم وش هي
لا اله الا الله