سلام عليكن 😴♥️

كيفكون🌝
اول شي حابه ابشركم اني دعيت لكم بيوم عرفه بكل خير بكل خير واسال الله حبيبي القبول لكل دعوه رفعت لكم 🌷❤️


اقولكم بنات لوو مثلا ناس تطفل عليك وتتدخل في خصوصياتك وتقل ادبها عليك وانتي تمشين مره واثنين وثلاثه .. وهم زي ماهم ب اذيتهم...
وش تصرفكم؟
وبقولكم الي حصل واحكمواا


اول شيء احب اقولكم نبذه عني انا انسانه ماحب اللحم ماحبه خلقه ولا احب القهوه ولا الشاهي..
لي ٤ سنوات وانا كل ماحضرت العزايم ينشبون لي تخيلوا بنات مو بس عزيمه لا انا بالعكس احب احد يعزمني ويقدم علي الشي ماحبه احب احد يقدرني وبكل ادب ارد اني ماحب اشربه او ماحب اكله..


تخيلواا ٤ سنين و البعض اخذها حلاوه اذا قدمو اللحم والعشاء قالوو وفلانه ليش ماتجي تاكل معنا وارد اني ماحب رغم ان ذا الناس عادو وكرروا ميه مره هالسؤال ويجون ثاني مره ويبغون الا يغصبوني ع شي انا مااكله ابداً اقسم لكم بالله انهم اغلب الأوقات معي.. ع ذا الحال انحرجت محد يحترم رغبتي ابد... مادري وش يبون مني يبون اجلس بالبيت مره وحده ولا اجي لهم اريحهم الظاهر كذا احسن
احيان يتعمدون ب احراجي ذول الناس يجون يقولون لي ونتي وش ذا القصه بك ليش ماتبغين تاكلين العشاء الي هو اللحم...


المهم عديت وعديت وعديت ليت طفح الكيل..
اليوم بالعيد
😂حتى بالعيد مغثه
اليوم بالعيد ونا امشي وارتب الصاله وهم يتعشون ثمن دخلت الغرفه ابغا انسدح اشغل وقتي لين يخلصون واجلس اسولف معهم كذا كان قصدي .. جوو البنات الصغار يدقون الباب ونا قفلته من بعدي عشان صاحبه الغرفه وصتني لان لو يدخلون يكركبون الغرفه لهسبب قفلت الباب وراي وانتظرها لين تخلص عشا ونروح سوا عند الحريم..


المهم ونا منسدحه الا اسمع صاحبه البيت تخاصم بالبنات لانهم يدقون الباب +للعلم هي بعد ماتبغاهم يدخلون
واسمع وحده تقول حتى فلانه ليش تتقفل والعشاء جاء # شفووا هاذي من العينات الي ناشبه لي


واسكت واقول بنفسي مشيها الحين ٤ سنين للحين مااستوعبت ذا الانسانه كانها تبين للناس ان فيها بلا ولا ليه ماتبغا تتعشى؟ وكذا موقف يتكرر والكل يسكت...
والناس نظراتهم لي
كاني مسويه جريمه😂اقولكم عجايب الله بلاني بهم رغم اني ماحب اتدخل باحد


ومشيت ورحت دخلت عند الحريم وجت صحبتي تقدم القهوه قالت فلانه تبين قلت لا والله ماحبها لاهي ولا الشاهي ولا اللحمه اضحك رغم اني احس ب انفجر وقتها لاكن عيد 🌝




بعدين الا وحده ثانيه تقولي ياختيي انتي ليه ماتشربين لا شاهي ولا قهوه ولا تاكلين اللحم & مع العلم جاوبت هالسؤال مليون مره وانه انا ماحبها بكل ادب
قمت رديت قلت ياخي انتم ليش مستغربين ٤ سنوات وانا اقولكم ماشربها ولا اكل اللحمه وانتم الا وتحطون ان في سبب ولا ليش ماتبينها طيب كثير ناس زيي ماتحب الشي الفلاني وعادي الناس أذواق ياخي واسكتت هالحرمه وانا حسيت اني بردت قلبي




اسالكم بالله مو من المفترض يحترمون رغبتي؟ بعدين انا اكل تمر اشرب عصير مويه اكل فطاير ورق عنب وكنهم مايشوفون واذا جت ع القهوه والشاهي واللحم سوو سالفهه


ااحكموا معاي حق ولا؟؟ وتراني لاول مره ارد كذا بالعاده اقولهم ماحبها فقط بس الا وحاشرين نفسهم فيني..