سلام لكل الامهات .. أبغى النصيحة الله يعافيكم

السلام عليكم ورحمة الله وبركاته
أنا عضوة جديدة بالمنتدى الي صراحة اكثر من رائع ..
حبيت استشيركم في مشكلتين اعانيها من بنتي الي عمرها سنة وتسع شهور هي البكر والوحيدة ..
المشكلة الاولى عنفها الزايد لدرجة انها تضرب وتعض الي يجي عندي سواء كبير ولا صغير
مع انها تحب الاطفال وتفرح فيهم كثير وكمان اي ناس نروح لهم تمر عليهم كلهم وتعطيهم المقسوم من الكفوف والعض ..
صراحه فشلتني مرة لان مشكلتي الكبرى انها ماتفهم الكلام ولاتتكلم لحد الان
بس يادوب اربع خمس كلمات حتى ماما وبابا ماتقولها ..
الاغلبية يقولون اكيد تضربينها وتعلمت منك ..
والله مااضربها الا اذا عصبت عليها مرة وهذاقليل
طيب اذا تعلمت الضرب مني اجل العض من فين تعلمته ..
أتمنى تقولون لي كيف أتعامل معها مع اني اضمها ولااضحك لها اذا ضربتني او ضربت ابوها ..
ومااضربها واذا ضربت احد بس اقولها (( أح نونو حبيبي )) بس ماتفهم الله يصلحها ..
مع العلم اني مو عند اهلي او اهل زوجي يعني بعيدة
وهي تختلط بي وبأبوها أكثر شي وحنا مانلعبها لعب عنيف ولا نعضها ..
المشكلة الثانية انها ماتردد الكلام الي اقوله لها مع انها تفهم بعض الاشياء
يعني مثل اذا قلت لها الله اكبر راحت للسجادة وجلست عندها واذا قلت لها جيبي الكورة ولا البسة ..
وزي ماقلت سابقا ماتقول الا يادوب اربع كلمات ..
وأبوها تقوله (( طاطا )) أدري اختراع بس احسن من لاشيء
والدكتور يقول دامها تفهم وتسمع طبيعي .

الله يعطيكم العافية دلوني على الطريقة الصحيحة للتعامل معها .