سلبية امي تعبتني ..............

ماادري من وين ابدا لكن اللي ابيكم تعرفونه اني اموت في امي ومااكرها اعذروني افكاري ملخبطه لكن ابيكم تساعدوني بدون تجريح لو سمحتم
مشكلتي ماهي مع صديقه ولا زوج مشكلتي اممممممممممممممممي
امي ماتعرف تقول لالالالالالالالا ابد حتى لو الواحد يموتها ضرب ماتعترض بتقول انا استاهل وتبوس راسه الناس صارت ماتحترمها لانها ساكته عن حقها ولايمكن تاخذ موقف وان قلت يايمه مايصير تقول ربك مايضيع حق احد وان يمكن ماكانت تقصد مع ان الحرمه من سنين تتسبب لامي بمشاكل وامي كل شي تسويه لها حتى نفاس تنفسها وان قالتلها كلمه قالت تعبانه الله يكون بعونها وانا باخذ اجر والقطيعه ماهي زينه المشكله مو مع هاذي الحرمه المشكله ان امي مالها شخصيه والناس ماعاد تحترمها لاصغير ولا كبير الصغار يحبونها لانها ماترفض لهم طلب لاكن مايحترمونها والكبار امي زيها زي الجدر الا وقت الحاجه الكل يمدح فيها واذا خلصت حاجتهم ولا كانهم يعرفونها امي ماتعرف الا انها تطبخ وتنظف لاكن مالها أي كلمه بالبيت حتى خواني يعاملونها كانها شغاله اربعه وعشرين ساعه تنفذ اوامر وهاذا اللي بيموتني ان مااحد حاس فيها تشتغل وهي تعبانه ومااتكلم الين ماادوخ وبعدين نعرف انها مريضه وماترضى انها ترتاح ولا تقولون انصحيها لاني كل مانصحتها ان يايمه صحتكي بالدنيا والناس لاتضحك عليكي تقولي انتي حقود وسوي الشي لوجه الله ولاتنتظرين من احد شي انا معاها ان الله مايضيع حق احد وانه مطلع على الاعمال والنيات لكن مايصير والمشكله بعد ان شخصية امي ماثره على حياتي كثير تخيلوا امي لواطلب فلوس او تطبخلي ماتردني وبتسوي اللي ابيه بابتسامه لللللكن المشكله ان امي بعيده عني وعن خواتي يعني لوبستشيرها بشي يخصني بتقولي ماادري وان بستشيرها بمشكله بيني وبين زوجي او احد قالت انتي الغلطانه وان قتلها يمه اتركي طيبتكي وقولي الصدق قالت لالالا ماانتي غلطانه لككككككككككن المفروض انك ماتزعلين الناس منك وتحملي واجرك عند ربك تخيلوا ان امي ماتدري اني بلغت غير بعد ثلاث سنين وانا معاها بنفس البيت وعمرنا ماافترقنا وان الناس تخطبنا حتى لو كانوا مايعرفونا عشان امي طيبه ومربيتنا وما تعرف ترد احد وتصدقون ان ازواج خواتي وحريم اخواني لاصارت مشكله بينهم يتشكون لامي لانهم عارفين ان امي بتوقف معاهم وزواجي بعد شهر وانا ماسمعت من امي غير لاتلعبين بالمهر خليه بعد الزواج تصرفون منه مع ان زواجي مختصر وابوه متكفل فيه وان المراه لازم تسمع كلام زوجها وتفضله حتى على نفسها وما تعترض على أي كلمه يقولها ابببببببببد الين كرهت شي اسمه زواج وشي اسمه عيال صرت اخاف اني اكون سلبيه زي امي وبعد اعصب اذا احد رفع صوته علي او قالي لا وان احد غلط علي اسكت لان امي ربتنا ان الرد قلت ادب واحيانا لمن تكون نفسيتي تعبانه واحد يغلط علي ارد وياليتني ماارد لاني ارفع صوتي واتكلم كلام ماله داعي وبعدين اندم واقول حرام جرحته وبعد لحظه اقول لا انا ماغلطت احسن عشان اصير قويه ومحد يغلط علي والله طول يومي افكر ليش الناس تمدح باخلاق امي لكن مايحترمونها وانا ياترى بكون بيوم من الايام زيها وصرت اقول مولازم اتزوج بكره زوجي وعيالي يذلوني ومايحترموني اجلس عند رجليها احسن ابرها على الاقل اكسب اخرتي وزوجي صرت اغلط عليه والله اقول ليه اتزوجه واظلمه معاي بنفسيتي الزفت معليش طولت عليكم وكلامي ملخبط واللي ابغاه منكم شيئين
1_شلون اخلي امي تهتم بصحتها والناس تحترمها ترى انا ماابي امي تكون شريره وتغلط على الناس لكن ماابيها تسكت عن حقها
2_اشلون اشيل التفكير من راسي و مااضيع حقي وان رديت ارد لاكن بدون مااجرح احد
والله امي تذكرني بسعاد عبدالله في ام البنات لكن الفرق ان سعاد عبدالله عيالها يحبونها وبناتها يساعدونها انا امي ماتحب احد يشتغل عنها واخواني مايدرون عنها صار عمري 22 وانا اتمنى امي تاخذ موقف لو مره حتى لو قدام طفل

ادعو لامي بالشفاء لان صحتها اهم شي