شوفي الحليب عندك الطائي ارخص من انكور ولذيذ
الرز شوفي نوع ارخص من الوليمة

الصابون بونكس ممتاز
او ممكن تاخذين صابون المغاسل من محلات البلاستيك رخيص وكبير مرة

اذا رحتي بنده او العثيم شوفي العروض وخذي اللي تحتاجونه منها

المناديل خذي مشوار او السدو من محلات البلاستيك مع السفر

مدري شوفي ابوك اذا يزيد المبلغ مرة قليل مايكفي عيلتين

الله يعيننا على هالغلا

مرحبا شوفي حبيبتي حليب هالي ورز هالي بعد ارخص وحلو بالطبخ والمنديل جيبي اللي يجي كيس كبير وداخله اكياس مو بكرتون مناديل يعني من غير كراتين ارخص ويا قلبي الله يعين ان شاء الله وزي ما قالو الخوات قارني الاسعار بالسوبر ماركة وحاولي تروحين للسوبر ماركة عشان تشوفين الاسعار وتقارنين والله يرزقكم ويرزقنا ان شاء الله والله ان قلبي معك

وليش مايكون الحل بيدكم يعني تسوون اكلات وطبخات مافيها اسراف تخفون شوي من المقليات اللي تستهلك زيت ، الرز والدجاج مو لازم يوميا
وهالايام الخضروات سعرها زين ومواد التنظيف لو تروحون محلات الجمله بتحصلونها ارخص من المولات والاسواق الكبيره يعني انتي
شوفي البديل لانه بصراحه 700 قلييييييل ماتسوي شي الله يعيين احسن شي نبطل ناكل ونصوم منها أجر ومنها رجيم وشكلنا راح نبطل نتنظف خلي التجار يستانسون وهم يشوفونا ننقرض

اللي يقهر ياعالم ان الدول المصدره اذا شافوا فائض من مخزونهم يرمونه البحر ليش ما يتبرعون فيه لدول الفقيره او ينزلون سعره نذاله مايبون يخسرون وهالشي شفته على قناة دبي ناشيونال

حبيبتي من ناحية الحليب البودرة خذي الطائي صدقيني قارنته مع انكور ونيدو والسعوديه والخير وطلع ارخصها بكثير فاعتمديه وانتي مرتاحه الحجم1800 جرام ب41
ومن ناحية الصابون ليش ماتخذون الاكياس الكبيرة توفير مرة وكمان الكلوركس والكمفرت فيه جوالين مره كبيره انا تكفيني سنه واخوي عائلته كبيره وشغالة كمان تكفيهم 6 اشهر
والمنظفات وادوات الاستحمام روحي اماكن الجملة افضل مرة رحت محل عندنا اسمه البشوات وخذت ثلاث علب شامبو بسعر واحد صراحه روعه
والحين من ضمن خططي الشهر الجاي راح اخذ 4 علب حليب لبنتي من صيدلية غايه سعره عندهم 48 والنهدي والسديس ودان زيادة 4 ريال حسبي الله عليهم
وموفقة اختي والله يعين على هذي الدنيا

الله يعين