كوبونات الراقية تسجيل الدخول

(نوووشه)
(نوووشه) •
التعامل بين السلايف لازم يكون مبني عالاحترام اوول شي
وانا مع الرسميه في العلاقه فهي افضل لطرفين تجنباً لكثير من الامور
بهالوقت صراحه استغرب من بعض النساء اللي تنظر لسلفتها وكأنها ضرتها او جارتها او طبينتها في روايه اخرى
طيب ليش ذا كله وليه هالغيره المميته بل منهم من تسعى لتفرقه بين الاخووان :(
الله المستعان
عاملوا الكل مثل ماتحبوا ان يعاملونكم ولنصفي قلوبنا من الحقد والحسد
يااخوات
ان اساءت لكم احداهن فكوني افضل منها وترفعي عن ذلك تفادياً للمشاكل
ستكسبين الجميع وليس سلايفك فقط بالاحترام وحسن الضن بالاخرين : )
مدام شانتيل
مدام شانتيل •
انا اشوف ان مخافة الله هي اللي تخليك تصرفاتك كلها صحيحه..
اللي ماترضينه لنفسك ..لاترضينه لغيرك...
الاحترام المتبادل شي طيب ومطلوب في هاذي العلاقات ..
وش الفايده من الكره والحقد والكلام اللي ماله داعي؟؟
كلها بتسبب القطيعه والتفرقه ومشاكل طويله تستمر يمكن عيالنا بعدين يعانون منها ...
الوحده مفروض تكبر عقلها وتترفع عن الاشياء التافهه...
تصفح مليئ بالمفيد والنصح ..
ربي يعطيكم العافيه ..
صدف الوادي
صدف الوادي •
مشكلة كثيييير من المتزوجات اول ماتتزوج تكثر زيارتها من اهل الزوج والسلايف
وتجتمع معهم بكثره ومع الوقت تطيح الميانه وتبدا الوحده تعاملهم كانهم اهللها والسلايف تشوفهم كانهم اخوات لها ..

وهنا كذا غلط

الاول كثرة الزيارات من غير فايده
البعض بشكل يومي او 3 و4 مرات بالاسبوع >> اول ضرر لك التعب والارهاق وراح تكون نفسيتك تعبانه ومنرفزه ممكن من اي كلمه تزعلين ..

الغلط الثاني الي هي لما تطيح الميانه وتبدا تتكلم معهم بكل شي وتنسى خصوصياتها وتعتبرهم كاهل لها وهذا شي مستحيل مهما كانت طيبه السلفه او اخت الزوج ماراح تكون مثل اهلك وخواتك
الاهل مستحيل يفهمونك غلط لانهم عارفين وفاهمينك ..
اما السلايف واهل الزوج ممكن يفهمون من كلامك شي غلط ..

فالافضل الرسميه نوعا ما معهم تقلل من كثير من المشاكل ...>> وهذي تجربه الكثير مرو بالمرحلتين وفضلوا الرسميه لانها تجبرهم على احترامك
صبح الرشاش
صبح الرشاش •
دانة البنات دانة البنات :
احب اقول التعامل مع السلايف او غير اتبعي قول الرسول صلى الله عليه وسلم حب لاخيك ماتحب لنفسك وقوله عامل الناس كما تحب ان يعاملوك وكمان احسان الضن بالاخرين
احب اقول التعامل مع السلايف او غير اتبعي قول الرسول صلى الله عليه وسلم حب لاخيك ماتحب لنفسك...
كيفية التعامل معهم ببعض المواقف؟؟

بالإحترام وتجاهل سفاسف الأمور

ماهي حدود المعامله بيني وبين سلفتي؟؟

الأغلب معامله سطحيه لـ تجنب المشاكل والتعمّق غالباً سلبياته أكثر من إيجابياته

كيف احكم بان سلفتي طيبه والعكس؟؟

من خلال المعامله وطريقة تعاطي الأمور تُكتشف الطيبه من غيرها ،،

كيف أفهم شخصية سلفتي..وكيف اجعلها
تفهمني؟؟

انا عني أتعامل بحسب شخصيتي الإعتيديه الطبيعيه ،، بعيده عن التكلف وبعيده عن التدخل
بما ليس لي فيه شي وهذه أفضل طريقه للحياة السليمه ،،


المشاكل بيني وبين سلفتي وحلها
الغيره بين السلايف كيف اتعامل معها
اهل زوجي وسلفتي !!


إذا كانت العلاقه مبنيه على الاحترام والعلاقه غير متعمه ستكون خاليه من المشاكل صدقيني
والغيره شي لا أعاني منه الحمد لله ولكن عوملت بالمثل وكان ردي هو التجاهل تماماً

والتطنيش في مثل هالأمور أفضل حل ،،:)
ركايز
ركايز •

الاحترام الاحترام الاحترام هو سر نجاح العلاقات بشكل عام وانا اشوف انه لابد من وضع خطوط حمراء على الجميع عدم تجاوزها .. والابتعاد عن ( النقنقة) ونقل الكلام وخصوصا بين الاخوان .. والاهم من هذا وذاك هو مراعاة الله سبحانه وتعالى في التعامل ...