جزانا وإياك عزيزتي
بالنسبة لكريمات التفتيح لما توقفيها لازم توقفيها بالتدريج وتستمري على الكريم مره واحده بالأسبوع فقط
علشان تحافظي على النتيجة اللي حصلتي عليها
الكريم الجيل المقشر هو كريم تقشير لكن قاسي شويه جربيه يمكن بشرتك تتحمله رتين A كريم
Retin-a 0.05 cream
أو Acritin 0.05 cream كريم أكريتين
أي واحد متوفر منهم هاتيه
لكن تحطيه مره ليلا مع عدم التعرض للضوء وتغسليه الصبح
بس انتبهي لأنه بيسبب حساسية للبشرة فلو حصللك حساسية لازم توقفيه وتحطي كريم إلوكوم Elocom cream مرتين باليوم ليهدي الحساسية
بالنسبة لتفتيح الجسم كله ماينفعش لأن كريمات التفتيح بتتحط على أماكن معينه لو اتحطت على الجسم كله بتسبب تسمم وبتضر الكليه
بيكفي الخلطات الطبيعية والترطيب للجسم
سمار الرقبة من الخلف لو سمار عادي كلها لونها اسمر فاستخدمي كريم أفالون أو إلدوكين2%
أما لو بقع ونقط سمرا فصوريهالي وارسليها على الخاص أفضل
صابون البشرة الدهنية صابونة أكني إيد Acne aid أو صابونة الكبريت
أو غسول كلين أند كلير الرغوي اللي لونه موف بنفسجي
البثور السوداء
شوفي ردي دا
http://forum.hawaaworld.com/showpost.php?p=59366664&postcount=41
أما بالنسبة لتساقط الشعر من الأمام
كم عمرك؟ وهل الدورة منتظمة؟فروة الرأس واضحة جدا؟ هل فيه حبوب بالوجة وبشرتك دهنية؟هل فيه صلع بالعيلة؟أكلتك وتغذيتك مظبوطة ولا لاء؟
جزانا وإياك عزيزتي
بالنسبة لكريمات التفتيح لما توقفيها لازم توقفيها بالتدريج وتستمري على الكريم...
إما الموس أو الحلاوة أو شرايح الشمع فيت
الموس مشكلتة الحبوب اللي بيسببها وإن الشعر بيطلع بسرعة
علشان تتجنبي مشكلة الحبوب اللي بتطلع مع الموس تعملي الآتي
- لازم تحلقي كل يوم حتى وإن كان مافيش شعر بس تمرري الموس على الجلد
- وانتي بتحلقي احلقي في اتجاه واحد مش في كل الإتجاهات ..علشان ماتخليش رأس الشعره ينزل تحت الجلد فلما تيجي تنبت تلاقي الجلد قدامها فتلهبه وتسبب حبوب
ولو لقيتي حبوب برضه ادهني كريم فيوسيكورت مرتين باليوم
بالنسبة للحلاوة مشكلتها الألم الشديد
أما الأقوال حول إن الحلاوة بتسبب برود جنسي أو ترهلات فدا كلام غير موثق طبيا فمش عارفه مدى صحته هل فعلا بتسبب كدا ولا لاء
شرايح الشمع كويسه لكن جدا قاسيه على الجلد لأنها بتمسك في الجلد جامد جدا
بالنسبة للماء والملح فدا بعيد عن تخصصي شويه محتاج تخصص نسائية مش جلدية فكان ودي أفيدك فيه