ثالث مكان في البيت بعد الحمامات والمطبخ ويحتاج لاهتمام خااااااص منا


هي غرفة المعيشة


وفي بعض البيوت تكون مكان المعيشة والجلسة والأكل

في الصالة مثلي


انا عاملة في الصالة كنب على حرف ال وشاشة ال سي دي وسجادة


وأكثر مكان في البيت اشيل همه في النظافة هذا المكان ليييييييييه ؟


لان عندي عيال صغار وعلى طول كركبة وأكل وبقايا الاكل تمسك


في الكنب او السجاد وانواع الحوووسة


وكل وحدة معاها عيال راح تحس بمعاناتي اهئ اهئ


الصالة او غرفة المعيشة راح افصفصها شوي لكم


الكنب


يحتاج لنظافة واهتمام لانه طوال اليوم ياحراااااام مكروف كرف


ومع الايام راح يتغير لونه من كثرة البقع والجلسة


وطبعا مو معقولة كل شوي تفتحيه وتغسليه لان كثرة غسله تخلي الوانه تبهت



عندك حل من الحلول التالية وكلها جربتها


تغطيه بشراشف او ملايات على قول المصريين متأثرة باللهجة المصرية مرة


خخخخخخخخ


الشراشف راح تحافظ على الكنب بس المنظر مش أويييييييييي


او انك تجيبي قماش من نفس لون الكنب ارخص قماش


وتغطي الجلسة بس وتطوي القماش لتحت الجلسة يعني كأنك تلبسيها


مثل لما تلبسي السرير باللحاف الدااااخلي


اتمنى الشرررررح يكون واااااضح


هذا حل مرة حلو ومرييييييييييييييييح ولما يجوك ضيوف تشيليه



او انك تغلفي الجلسة بالنايلون حل مريح لكن المشكلة انه راح يظل على طول


ومنظره ما احبه كثير



هذه ثلاث حلول جربتها كلها واكثر واحد عجبني الحل الثاني



اهم شئ لاااااااااازم تشوفي لك صرفة للكنب وما يظل مكشوف والا وعليه السلاااااام


ههههههههه



اذا عندك عيال مثل حالتي يوميا لازم ينفض بمنشفة جافة عشان بقايا الاكل


ما تتجمع عليه ويلقى النمل والحشرات مكان ويستوطن عندك


حلوووووة كلمة (يستوطن )


معليش اللغة العربية مافي مفر منها القاموس اللغوي عندي كله فصحى هههههه



اذا ما عندك عيال مرة واحدة في الاسبوع تكفي تنفيض


ريحي عمرك ووفري طاااااقتك لين ما يجوووووك العيال




نجي للسجاد وما ادراااااك ما السجاد؟


هذا اكبر شئ اعاني منه طبعا سجاد البيت كله نظيف بس سجاد غرفة المعيشة


على طوووول يتوسخ شوي يتكب عصير _ صلصة _ زبادي _


ومسكين باااااااالع وساااااااااااكت


لو كان يتكلم كان اشتكى من الاضطهاااااااااااااد


انا اتكلم عن سجادتي


ونفس الشئ مو معقول كل شوي تاخذي السجادة وتغسليها لان غسل السجاد


مرة متعب ويهد الحيل واحنا نبغى نبذل اقل جهد ونرتاااااااااااااح



وهذه بعض الافكار جربتها حتى تظل السجادة نظيفة



اول شئ جبت سجادة عملية لنا احنا وسجادة ثانية فخمة افرشها لما يجوني ضيوف


الفكرة حلوة وكثير نااااااس يطبقوها


لكن المشكلة ان السجادة اليومية برضوا راح تتوسخ ولااااااااازم تغسليها


الفكرة الثانية


خطييييييييييرة سرقتها من جااااارتي العزيزة


رحت ازورها ومثل ما انتو عااارفين حريم لازم نشوف وندقق في كل شئ


ماشاء الله عليها نظيييييييييفة والنظافة وااااضحة في كل شئ في بيتها


وسجادة غرفة المعيشة كأنها جديدة


اشتغلت عندي اللقافة وسألتها كيف محافظة عليها نظيفة وعندك عيال ؟



قالت لي :


جايبة مشمع خفيف اللي يفرش على الارضية( فينيل ) ابو 2ملم رخيييييص


على مقاس السجادة ولونه قريب من لونها عشان يمشي مع الديكور


وفارشاه فوق السجادة وطوال اليوم بس كنس ومسح وخلاااااص


واذا جاها اح فجأة شالت المشمع بسرعة


والسجادة تلللللللللللللق من النظاااااااااااااااافة


طبقتها والنتيجة رووووووعة ومريييييييييييحة


وصرت ما اغسل السجاد الا نادرا بس من الغبار



كذا خلصنا من السجاد والكنب اهم شئ



نظامي في التنظيف


يوميا انفض الكنب بمنشفة جافة من بقايا الاكل والغبار بسررررررعة


جايبة مناديل الاطفال المعطرة بيبي جوي


اخذ منديل منها وامسح الطاولة ورف التلفزيون واي شئ تقع عليه عيني

اسرع بكثير واريح من منظف الزجاج بس استخدم منظف الزجاج لما امسح الشاشة

والباقي كله بالمنديل

احيانا حسب الرواااق امسح معاي شباك او الباب او الافياش امر عليها بسرعة بالمنديل



المسح يكون 3 ايام في الاسبوع السبت والاثنين والاربعاء

لان الخميس والجمعة عندي اجااااااااااااازة من الكرررف


اكنس غرفة المعيشة يوميا اما مسح السيراميك يوم ورا يوم


3 مرات في الاسبوع


مرة كل اسبوعين اغسل ارضية الصالة والممرات


واسحب الكنب واغسل خلفه


التنظيف العميق يكون كل 3 شهور تقريبا على حسب وقت ما اشوف نفسي


فاضية ونشيييييييييطة اشن حملة شرسة عليها وانظفها كاملة من الى



ولما يتغطى الكنب والسجاد البااااااااااقي امره سهل بس ترتيب يومي


وكنس الارضية وكل شئ حولك رااااح يكون نظيف ويفتح النفس


غرفة المعيشة راااااح تاخذ منك 10 دقائق من نفض وكنس الارضية


ومسحها كحد اقصى


وفي نفس الوقت التنظيف نصف عميق كل اسبوعين يريحك


من عناء كل يووووم

ام سوسو انا ابغى ابوسك :)

جزاك الله خير من جد من جد حاستفيد من موضوعك

مرا اكبر قضية التنظيف واتكاسل ولمن اشتغل اتعب نفسي

مع انو لسه ماجبت عيال

يلا الله يوفقك ويسهل امورك زي ما تسهلي علينا يالغاليه

ماشآآءالله عليك الله يحفظك ..
موضووعك حييل روعة واستفدت منه كثثير واخت افكاار ..
رااح اطبقهاا ..
لا تحرميناا من جديدك

رب يبارك فيك حبيبتي ام سوسو ويجعل كل اعمالك في ميزان حسناتك

ويرزقك من فضله يا ام الفصحى هههه

عجبتني فكرة المشمع للسجادوخاصة انو الصالة هي غرفة المعيشة جاري التنفيذ

عقبالي اشري غسالة صحون وارتاح

كلامك سليم جدا جدا وانا تقريبا نفس نظامك
الله يعطيك العافيه اختي