سلسلة (تعلمي المكياج معي) : الدرس الأول

السلام عليكم ورحمة الله وبركاته..

شحالكم بنات ..؟؟

يمكن ما اكون خبيرة تجميل ..
بس من حبي لفن الميك آب.. دايما أحب اتعلمه واعرف عنه أكثر وأكثر..

انا بحاول في ( مجموعه من المواضيع المتنوعه).. إني اعطيكم شي ولو بسيط
من أساسيات الميك آب..ويمكن أركز أكثر شي على الآي شدو ..


نبدا .. بسم الله ..

أول شي تحتاجين انج تعرفينه عن عيونج .. ( نوعها) قبل ما تحطين الآي شدو..
وعموما العيون 3 أنواع ..

وهذا رسم توضيحي..


(( أكيد ما فهمتوا شي .. :23:))

خلوني أفهمكم ..

الدواير الفاضيه اعتبريهم ( عيونج انتي)..
أما الدايره البرتقاليه .. فاعتبريها عين وحده من عيونك..
يعني لو حطيتي عين ثالثه بين عيونج.. فهل بتكون عيونج بالنسبه لهالعين الثالثه ..
متباعده ..؟
أم متقاربه ..؟
أم عاديه ..؟

على هالأساس ينحط الآي شدو ..

طبعا العين العاديه ممكن ينحط لها أي مكياج ..

لكن بالنسبه للمتقاربه والمتباعده .. لهم أساسيات بسيطه في وضع الآي شدو ..

نبدا بالعين المتباعده ..

وهالرسم التقريبي لطريقة وضع الميكاب ..
(( لو سمحتوا لا تعلقون .. رسمي مب شي ... !!))


يعني حاولي سواء بالآي لاينر أو الكحل انج تقربين المسافه بين العيون ..
على عكس العيون المتقاربه ..

يعني لازم تباعدين بين العيون بالشدو ..
(( شوفوا الرسمه من غير تعليق :06:))




وبس .. ولو عندكم أي استفسار تفضلوا.. وأنا حااااااااااضره ..
والسموحه ع القصور .. :27: