الله يعطيكم العافية أبي منكم سلطات مميزة وجديدة لأن عندنا مناسبات وولائم هذي الأيام
تكفووووووووووووووووووون أنا في أنتظاركم:cook:
نصيبك حيصيبك @nsybk_hysybk
عضوة جديدة
يلزم عليك تسجيل الدخول أولًا لكتابة تعليق.
سلطة الجرجير
جرجير + خس + طماطم صغيره (تشيري تماتو) +صدور دجاج
الصوص:
زبادي- مايونيز- ثوم -ملح وفلفل اسود
الطريقه:
قطعي الجرجير والخس الى قطع كبيره شوي والجرجير كميته تكون اكثر من الخس..طعمه الذ
وقطعي الطماطم الصغيره الى نصفين..
اخلطيهم كلهم مع بعض صبي عليهم شوي زيت زيتون وحطيهم بصحن التقديم
خذي صدور الدجاج رشي عليهم ملح وفلفل وشوي كمون
حطي بمقلاة شوي زيت زيتون..الين يحمى الزيت,,حطي صدور الدجاج عليه وغطيها الين تتحمر
وبعدين اقلبيها على الوجه الثاني وغطيها ..الشغله ماتاخذ منك اكثر من 10 دقايق
شيلي الصدور وقطعيها شرايح واضيفيها فوق السلطه..
اخر شي اخلطي مكونات الصوص مع بعض (تقريبا علبتين زبادي مع ملعقتين مايونيز وفص ثوم )
وملح وفلفل طبعا وغطي السلطه بالصوص بدون ماتخلطينها..
وقدميها الف صحه وهنا...
___________
سلطه سهله ولذيذه
المقادير:
خس مدور ((يسمونه خس أمريكي لكن انا مااشتري الامريكي في منه سعودي أرخص))
ذره
علبة صوص بلو تشيز من قودي او اي شركه للأسف ماعندي صورته
علبة بطاطس عيدان
الطريقه:
قطعي الخس بيدك عشان مايسود..لأن السكين سبب سواد الخس
اخلطي معاه الذره..صبي عليه الصوص وحركيه..
حطيه بصحن التقديم والوجه غطيه بالبطاطس وبسسسس قدميها وماراح يبقى في الصحن شي
والف صحه وعاااافيه..
___________
سلطة الزهرة
تقطعين ملفوف وتقلين باذنجان وزهرة وتخلطينهم مع بعض مع رشة ملح وعصير ليمون
بعدين تجهزين الصوص : (ثوم وطحينة وزبادي وملح وفلفل واسود وشطة اي نوع ولو كان سومطرة افضل)
تحطين السلطه في طبق التقديم و تضعين الصوص على الوجه وتزينينه بـ خبز مقلي
___________
سلطة المستودع
كل شي عندك بالمستودع حطيه
(حمص + فاصوليا حمراء + مكرونه حبات مسلوقه + ذره + بازيلا + جزر مكعبات مسلوق + بصل اخضر + بقدونس مفروم + مكعبات بطاطس وبيدجان مقلي )
الصوص (زبادي + طحينه + خل + عصير ليمونه + مايونيز بالشطه)
للوجه (خبز مقلي)
اخلطي المقادير كلها وصبي عليها الصوص واخلطيه معها وزينها بالخبز
تراها لذيذه وتواجه . .
___________
سلطة الطبقات
جيبي صحن التقديم وحطي طبقة خس طبقة خفيفه لاننا بنعيد الطبقات
المهم طبقة خس بعدين رشي عليها رشة ملح طبقة جزر طبقة ذرة ارجعي عيدي الطبقات خس - جزر - ذره
بعدين الصوص ..
الصوص : ( علبة زبادي + 3 م ك مايونيز + 2 م ك طحينه + عصير ليمونه + ملح + فص ثوم) حطيه على وجه السلطه وزينيها بعيدان بطاطس الجاهزه ولا خبز مقلي (ممكن تقلين كميات وتحفظينها بالفريز مايضره)
___________
سلطة سيزر
خس تخلطينه بصوص سيزر من كنور (الطريقه على الغلاف) وعلى الوجه توست محمص( 5 حبات توست تشيلين الأطراف وتدهنينها من الوجهين زيت زيتون ورشة زعتر وتقطعينها مكعبات وتحمصينها بالفرن لاحد مايصير لونها ذهبي)
وقطع دجاج ( ممكن تجيبين 3 حبات برجر دجاج وتقطعينها مكعبات وتقلينها وتحطينها على وجه السلطه أسهل لك)
بس أخلطي الخس مع الصوص وحطيه بطبق التقديم وحطي الدجاج وفوقه حطي مكعبات التوست
___________
كللللللللللللها سلطات مجربه ومضمونه وتواجه
بس اذا استفدتي منها وأي أخت تستفيد منها أسألكم بالله تدعون لي ان الله يحقق لي اللي في بااااااااااااالي يارب:44:
الصفحة الأخيرة
مقاديرها خمس حبات خيار مقشر اوكي او زيدي حسب الكميه ولازم تقشريه
وبقدونس مفرووووووووم ناعم تقريبا قبضه بيدك
ملعقة اكل مايونيز وعلبتين زبادي وتحركينهم تمام وحطي عليه 2ملعقة كمون ناااااااعم ضروري وممكن ليمون شويه وتحرككيها كويس واضيفي عليها الخيار المقطع يكون مربعات صغيره والبقدونس المفروم وتحطي ملح طبعا وتحطيها بطبق التقديم وعلى الوجه حطي جبن شيدر مبشوره وتكون كميه كبيره وبعد الجبنه حطي زيتون اسود حلقات ورشيها بزيت زيتون واخرشي خبز محمص طبعا عارفته اللي هو خبز تقطيعه مربعات وتقليها وتحطيه فوق السلطه انا مصورتها اذا حصلت الصوره بانزلها لك وعندي سلطه ثانيه اكتبها لكي بعدين برضه لذيذه :39: