سلطان و وداد (منقول)

اولآ وقبل كل شي ..

معنى الحب تشوهـ في هالزمن .. التليفون .. الجوال .. الماسنجر ..

خلته شي رخيص .. أرخص منه مافيه ! ..

أنا عن نفسي .. لا أؤمن الا بالحب الحلال .. اللي تحت لواء الزواج ..

تحت شرع ربنا ..

الأشياء اللي بالدس والخش .. ماأسميها حب ..

ولايمكن ينبني عليها حب حقيقي .. لأنها مجرد عبث لاطائل منه ! ..

<< مؤمنه بمثل مابُني على باطل فهو باطل

ماأبي أحد يناقشني في وجهة نظري هذي .. لأني مو طارحه الموضوع في النقاش ..

وهي وجهة نظر مااعتقد انها راح تتغير .. وكلن حر برأيه ! ..

لأن الطرق الملتويه .. واللي محد يعرفهآآ .. دايمن تكون للشي الغلط ..

الشي الصح واضح .. ومحد يخاف منه .. ومن وجودهـ ..

وأعظم حب ..

هو حب سيدنا محمد عليه افضل السلام واتم التسليم .. لــ خديجه رضي الله عنها ..

رغم فارق العمر الكبير اللي بينهم .. الا أن حبهم كان رائعاً .. وجميل ..

كأجمل مثل لنا نحن المسلمين ..

والسالفه اللي بقولها اليوم .. صحيح انها سالفة حب ..

لكنها كانت شرعيه .. من وجهة نظري ع الأقل ..

كانت طاهرهـ ..

هي قصه ممكن تحدث في أي مكان ..

قصه غريبه ..

ونهايتها أغرب ..

وماأطول عليكم .. خليني أبدأ فيها ..

في البدايه .. ( وداد ) .. كانت طفله .. بنت الست سنوات ..

وكان اليوم يوم عيد الفطر .. كانت لابسه فستان وردي .. ومطقمه شنطه وبكلات ودنيا ..

يعني تهبل طالعه ..

بلسان وداد.. تقول : اتذكر ذاك اليوم .. نزلت من الدرج .. وفي آآخر الدرج كان موجود ولد عمي (سلطان ) ... كان طوووويل .. هذا اللي اتذكره ..

ويوم شافني نازله من الدرج : قال ماشالله .. قمرر .. وشالني وجلس يدور فيني .. وقالي بشتريلك حلاو من البقاله ..

قلت له بروح لأمي .. كنت اتدلع وصغيره .. قالي : روحي .. الله يحفظكــ يابنت العم ...

كان عمره 17 سنه .. فرق كبير بيني وبينه ..

هذا اللي اتذكره عن سلطان .. اللي جآآ خطبني وأنا عمري 13 سنه ! ..

طبعن كانت وداد مره صغيره انها تنخطب !! ..

بس لأنه امها وأبوها انفصلو وهي 7 سنين .. والبنت مسكينه شافت الويل بعد انفصال امها عن ابوها ..

ابوها صار يتزوج ويطلق .. ورافض ان البنت تعيش عند أمها ..

وصارت كل شوي تروح لواحد من اخوانها المتزوجين .. وتقعد عند ذآآ فتره ..

وذآآكــ فتره ..

يعني عمرها ماعرفت طعم الاستقرار .. هذا غير أمها اللي فارقتها وهي صغيره ..

وصارت ماتشوفها الا بالأعياد ..

فيوم خطبها سلطان وهي بعمر 13 سنه .. وهو 25 سنه محد عارض ..

بس على اساس انها ملكه .. وبعد 5 سنين يتم الزوآآج ..

وعلى قولة وداد .. كنت صغيره .. وماأفهم بهالحياه ولاشي ..

خفت يوم قالولي انخطبتي .. بس الكل قالي وافقي ..

على قولتها محد غصبني على شي !! ..

لكن ظروفي هي اللي ماخلت لي خيار في هالموضوع .. ويمكن صغر سني بعد ! ..

وتقول يوم رحت عند الكوفيره اتضبط .. كانت وحده سوريه .. وانصدمت يوم شافتني ! ..

وقالت لعمتي : حرام عليكم .. صغيره البنت !! .. حرآآآم تزوجوها ووهي صغيره ! ..

وتقول وداد لدرجة ان الكوفيره دمعت وقالت وين أم البنت ؟؟ ..

بس طبعن تم الموضوع ..

على قولها مالقيت فستان في السوق يناسب مقاسي ..

بس في الأخير لقيت واحد ضيقته وقصرته !

تخيلو هالبنت اللي بأولى متوسط .. وكل هالشي يصير لها ! ..

وطبعن ملّكت على سلطان ولد عمها ..

للحديث بقيه ! .. يدي تعبت ..


:angry: