سلطة اختي

اليوم وانا اقلب في الانستجرام شفت نوع من انواع السلطات وتذكرت سلطه تصلحها اختي الله يطول في عمرها ويمدها بالصحه والعافيه مدري من كم سنه كانت تصلحها في العزايم وصلحتها انا كم مره واعجبة زوجي
تقطعين قطع صغيره خيار طماط بصل اخضر علبه صغيره مخلل مشكل وتحطينهم في زبديه عميقه وتحطين عليهم علبه صغيره حمص مصفيه وعلبه صغيره ذره مصفيه وشمندر علبه صغيره مقطعه صغار
الصوص
علبة زبادي ملعقتين مايونيز عصير ليمونه وملح وبس تحطين الصوص فوقها وبالعافية
او خل وملح وليمون وسماق وتصبينه عليها اذا ماتحبين الصوص الأبيض